មិនធូរស្បើយទេ! ថ្ងៃនេះ ថៃរកឃើញករណីឆ្លងកូវីដចំនួន ១៤៤ ករណី បន្ថែមទៀត

នៅថ្ងៃចន្ទនេះរដ្ឋាភិបាលថៃបានរាយការណ៍ពីករណីឆ្លងថ្មីនៃជំងឺកូវីដ ១៩ ចំនួន ១៤៤ ករណីក្នុងនោះ ១១៥ ករណីជាការឆ្លងក្នុងស្រុក ១៤ ករណីជាពលករចំណាកស្រុក និង ១៥ ករណីជាអ្នកធ្វើចត្តាឡីស័កមកពីប្រទេសស្វីស ហុល្លង់ នេប៉ាល់ សហរដ្ឋអាមេរិក ឥណ្ឌា អាល្លឺម៉ង់ អង់គ្លេស ដាណឺម៉ាក និងទួរគី ។

លោកវេជ្ជបណ្ឌិត Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ ១៩ បាននិយាយថា ការឆ្លងក្នុងស្រុកភាគច្រើនទាក់ទងនឹងការផ្ទុះឡើងនៅខេត្ត សាមុតសាខុន ខណៈករណីផ្សេងទៀតត្រូវបានគេរាយការណ៍មកពីទីក្រុងបាងកក (១០ ករណី), ខេត្ត Sukhothai (១ ករណី), ខេត្ត Pathum Thani (២ ករណី), ខេត្ត Nonthaburi (២ ករណី), ខេត្ត Nakhon Nayok (២ ករណី), ខេត្ត Nakhon Pathom (១៧ ករណី), ខេត្ត Samut Sakhon (១ ករណី), ខេត្ត Samut Prakan (៥ ករណី) និងខេត្ត Lop Buri (១ ករណី) ។

ទន្ទឹមនោះករណីផ្ទុះខ្លាំងមួយទៀតពាក់ព័ន្ធនឹងវង់ល្បែងខុសច្បាប់ក្នុងខេត្ត Rayong ខណៈដែលពីថ្ងៃទី១៥ ដល់ថ្ងៃទី ២៧ ខែធ្នូ ការផ្ទុះនៃជំងឺកូវីដ ១៩ ក្នុងប្រទេសថៃបានរីករាលដាលដល់ខេត្តចំនួន ៤៣ ។

គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ ចំនួន ៦,២៨៥ ករណី និងមានអ្នកស្លាប់ចំនួន ៦០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ថៃ ទទួលស្គាល់ថា ស្ថានភាពកូវីដពេលនេះ ធ្ងន់ធ្ងរមែនទែន

ចុចអាន ៖ ផ្ទុះកូវីដក្នុងវង់ល្បែងនៅខេត្តមួយរបស់ថៃ ឆ្លងមនុស្សរាប់សិននាក់