ព័ត៌មានអន្ដរជាតិ
ថៃ ទទួលស្គាល់ថា ស្ថានភាពកូវីដពេលនេះ ធ្ងន់ធ្ងរមែនទែន
មជ្ឈមណ្ឌលគ្រប់គ្រងស្ថានភាពជំងឺកូវីដ១៩ (CCSA) កាលពីថ្ងៃអាទិត្យបានទទួលស្គាល់ថា ការផ្ទុះឡើងនៃវីរុសកូរ៉ូណានាពេលបច្ចុប្បន្ននេះគឺធ្ងន់ធ្ងរជាងរលកដំបូងកាលពីដើមឆ្នាំទៅទៀតហើយបានជំរុញឲ្យសាធារណជនគោរពតាមវិធានការគ្រប់គ្រងជំងឺឆ្លងបើមិនចង់ឲ្យមានការដាក់ចេញនូវវិធានការធ្ងន់ធ្ងរជាងនេះ។
លោក Taweesilp Visanuyothin អ្នកនាំពាក្យរបស់ CCSA បាននិយាយថា ចំនួននៃការឆ្លងបានកើនឡើងជាងមួយពាន់ករណីត្រឹមរយៈពេលខ្លីដែលនេះបង្ហាញថា ការរីករាលដាលនៃវីរុសនៅពេលនេះគឺធ្ងន់ធ្ងរជាងរលកដំបូងដែលបានចាប់ផ្តើមកាលពីដើមឆ្នាំនេះទៅទៀត។
ករណីកូវីដថ្មីសរុបចំនួន១២១ករណីត្រូវបានរាយការណ៍កាលពីថ្ងៃអាទិត្យម្សិលមិញនេះដោយក្នុងនោះមាន៩៤ករណីជាការចម្លងក្នុងសហគមន៍។
ចំនួនករណីសរុបបានកើនឡើងដល់៦,១៤១ករណីគិតត្រឹមថ្ងៃអាទិត្យបើប្រៀបធៀបនឹងចំនួន៤,៣៣១ករណីមុនពេលមានការផ្ទុះឡើងនៅខេត្តសាមុតសាខនកាលពីពាក់កណ្តាលខែធ្នូ។
ទោះបីជាយ៉ាងណាក៏ដោយ លោកវេជ្ជបណ្ឌិត Taweesilp បាននិយាយថា មន្រ្តីសុខាភិបាលត្រៀមខ្លួនបានយ៉ាងល្អនិងមានបទពិសោធច្រើនជាងនៅពេលដែលជំងឺរាតត្បាតនេះបានរាលដាលនៅក្នុងប្រទេសពេលដំបូង។
លោកនិយាយថា “ដូច្នេះថាតើវិធានការគ្រប់គ្រងជំងឺនឹងត្រូវពង្រឹងបន្ថែមឬក៏អត់នោះគឺវាអាស្រ័យទៅលើកម្រិតនៃកិច្ចសហប្រតិបត្តការជាសាធារណៈ។ ប្រសិនបើយើងសហការ វាមិនចាំបាច់អនុវត្តច្បាប់កំណត់ការបិទប្រទេសឬបម្រាមគោចរនោះទេ។ រដ្ឋាភិបាលមិនចង់ដាក់ការរឹតបន្តឹងឡើយ”។
លោកបន្តថា មនុស្សគ្រប់គ្នាគួរតែបន្តពាក់ម៉ាស់នៅទីសាធារណៈនិងជៀសវាងការជួបជុំធំៗប៉ុន្តែពួកគេនៅតែអាចរៀបចំពិធីជប់លៀងតូចៗជាមួយមិត្តភក្តិជិតស្និទ្ធនិងសមាជិកគ្រួសារបាន៕
ប្រែសម្រួលដោយ៖ Vann Vann
ប្រភព៖ Bangkok Post
ចុចអាន៖ ថៃ ចាត់វិធានការបន្ទាប់ពីមន្ទីរពេទ្យឯកជនផ្សាយពាណិជ្ជកម្មលក់វ៉ាក់សាំងកូវីដក្នុងតម្លៃជាង៣០០ដុល្លារ
ចុចអាន៖ កូវីដនៅ ថៃ រាលដាលដល់៣១ខេត្ត
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ