វីដេអូ និងរូបភាព បង្ហាញពីគ្រោះមហន្តរាយដ៏ធំធេង បង្កឡើងដោយព្យុះសង្ឃរា Fiona នៅ ព័រតូរីកូ

ការខូចខាតដ៏ធំធេង ត្រូវបានរាយការណ៍នៅទូទាំងកោះ ព័រតូរីកូ បន្ទាប់ពីព្យុះសង្ឃរា Fiona ចាប់ផ្តើមវាយប្រហារកាលពីរសៀលថ្ងៃអាទិត្យទី១៨ខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវ​នានា ​ត្រូវ​បាន​ប្រែ​ក្លាយ​ទៅ​ជា​ទន្លេដែលមានទឹក​ហូរខ្មួលខ្មាញ់ ហើយ​សូម្បី​តែ​ស្ពាន ​ដែល​ទើប​សាងសង់​បន្ទាប់​ពី​ព្យុះ​សង្ឃរា Maria ក្នុង​ឆ្នាំ២០១៧ ក៏ត្រូវ​បាន​ទឹកហូរបុកកម្ទេចផងដែរ។

អគ្គិសនីត្រូវបានកាត់ផ្តាច់ទាំងស្រុងដោយធ្វើឲ្យកោះមានប្រជាជនប្រហែល ៣.២លាននាក់មួយនេះ ធ្លាក់ចូលទៅក្នុងភាពងងឹត។ ខ្យល់​កន្ត្រាក់​បាន​វាយបំប៉ើង​ដំបូល​ផ្ទះ ខណៈ​ភ្លៀង​ធ្លាក់​ខ្លាំង​​បណ្តាល​ឲ្យបាក់​ដីទៀតផង។

ព្យុះសង្ឃរា Fiona បានវាយប្រហារនៅចម្ងាយប្រហែល ២៤គីឡូម៉ែត្រពីភាគអាគ្នេយ៍ទីក្រុង Mayaguez ជាមួយនឹងកម្លាំងខ្យល់អតិបរមា ១៣៦គីឡូម៉ែត្រក្នុងមួយម៉ោង។

កាលពីព្រឹកថ្ងៃអាទិត្យ ប្រធានាធិបតីអាមេរិកលោក Joe Biden បានយល់ព្រមឲ្យប្រកាសអាសន្ននៅតំបន់នោះ។ កំពង់ផែរបស់ព័រតូរីកូត្រូវបានបិទ ហើយជើងហោះហើរចេញពីអាកាសយានដ្ឋានសំខាន់ ត្រូវបានលុបចោល។

ខាងក្រោមនេះគឺជាវីដេអូនិងរូបភាពបង្ហាញពីគ្រោះមហន្តរាយដ៏ធំធេង ដែលបង្កឡើងដោយព្យុះសង្ឃរា Fiona៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ព័រតូរីកូ ប្រឈមការបាក់ដី និងទឹកជំនន់ដែលគំរាមកំហែងដល់អាយុជីវិត