ព័ត៌មានអន្ដរជាតិ
ក្រិក ចោទ តួកគី ថា បង្ខំឲ្យជនអន្តោប្រវេសន៍ជិត ១០០នាក់ ហែលឆ្លងទន្លេទាំងអាក្រាតកាយ និងមានស្នាមជាំពេញខ្លួន
រដ្ឋាភិបាលទីក្រុងអាថែន បាននិយាយកាលពីថ្ងៃអាទិត្យទី១៦ខែតុលាថា ជនអន្តោប្រវេសន៍ចំនួន៩២នាក់ ត្រូវបានគេរកឃើញអាក្រាតកាយស្ទើរតែទាំងអស់ និងមានស្នាមជាំពេញខ្លួន បន្ទាប់ពីមានការចោទប្រកាន់ថា ពួកគេត្រូវបានបង្ខំឲ្យហែលទឹកឆ្លងទន្លេ Evros ចេញពីប្រទេសតួកគី ចូលទៅក្នុងប្រទេសក្រិក ប៉ុន្តែការចោទប្រកាន់នេះ ត្រូវបានទីក្រុងអង់ការ៉ា បដិសេធ។
ទីភ្នាក់ងារព្រំដែនសហភាពអឺរ៉ុប Frontex បានបញ្ជាក់ពីការមកដល់របស់ក្រុមនេះ នៅក្នុងកាលៈទេសៈដែលក្រសួងការពារស៊ីវិលក្រិកនិយាយថា “អមនុស្សធម៌”។
លោកស្រី Paulina Bakula អ្នកនាំពាក្យរបស់អង្គការនេះ បាននិយាយថា “មន្រ្តី Frontex បានរាយការណ៍ថា ជនអន្តោប្រវេសន៍ ត្រូវបានគេរកឃើញស្ទើរតែអាក្រាតកាយទាំងអស់ ហើយពួកគេខ្លះមានរបួស”។
ស្របពេលជាមួយគ្នានោះ ទីភ្នាក់ងារជនភៀសខ្លួនរបស់អង្គការសហប្រជាជាតិ (UNHCR) បាននិយាយនៅក្នុង Twitter ថា ខ្លួនរន្ធត់ខ្លាំងណាស់ ចំពោះរបាយការណ៍ដ៏គួរឲ្យភ្ញាក់ផ្អើល និងរូបភាពរបស់មនុស្ស ៩២នាក់ ដែលគេរាយការណ៍ថា ត្រូវបានរកឃើញនៅព្រំដែនក្រិក-តួកគី ទាំងគ្មានសម្លៀកបំពាក់។
លោកស្រី Bakula បាននិយាយពីទីស្នាក់ការរបស់ Frontex ក្នុងទីក្រុង វ៉ាសូវី នៃប្រទេសប៉ូឡូញ ថា មន្រ្តី Frontex បានធ្វើការជាមួយអាជ្ញាធរក្រិក ដើម្បីផ្តល់ជំនួយភ្លាមៗដល់ជនអន្តោប្រទេសន៍ ដែលភាគច្រើនជាជនជាតិអាហ្វហ្គានីស្ថាន និងស៊ីរី។
លោកស្រីបន្ថែមថា អង្គការបានជូនដំណឹងដល់មន្ត្រីសិទ្ធិជាមូលដ្ឋានរបស់ទីភ្នាក់ងារនេះ អំពីការរំលោភសិទ្ធិមនុស្សដែលអាចកើតមាន។
ទន្ទឹមនឹងនេះ រដ្ឋមន្ត្រីការពារជនស៊ីវិលក្រិក លោក Takis Theodorikakos បានចោទប្រកាន់ប្រទេសតួកគី ពីបទរៀបចំការធ្វើអន្តោប្រវេសន៍ខុសច្បាប់។
ថ្លែងតាមទូរទស្សន៍ Skai លោក Theodorikakos និយាយថា ជនអន្តោប្រវេសន៍ជាច្រើននាក់ បានប្រាប់ Frontex ថា រថយន្តរបស់កងទ័ពតួកគីចំនួន៣គ្រឿង បានដឹកពួកគេទៅកាន់ទន្លេមួយ ដែលដើរតួជាព្រំដែនធម្មជាតិ។
ទោះបីជាយ៉ាងណាក៏ដោយ ប្រទេសតួកគី បានបដិសេធម្តងហើយម្តងទៀត ចំពោះការចោទប្រកាន់ទាំងអស់៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ទីក្រុង ញូវយ៉ក ប្រកាសអាសន្ន ជុំវិញវិបត្តិជនចំណាកស្រុក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង