ព័ត៌មានអន្ដរជាតិ

ទីក្រុង ញូវយ៉ក ប្រកាសអាសន្ន ជុំវិញវិបត្តិជនចំណាកស្រុក

បានផុស

៤ years មុន

នៅ

ថ្ងៃសៅរ៍ ៨ តុលា ២០២២

ដោយ

អភិបាលក្រុងញូវយ៉ក លោក Eric Adams បានប្រកាសដាក់ក្រុងក្នុងគ្រាអាសន្ន ដើម្បីដោះស្រាយស្ថានភាពវិបត្តិ ជុំវិញលំហូរជនចំណាកស្រុក។

ជនចំណាកស្រុកជាង ១៧០០០នាក់ បានមកដល់ទីក្រុងនេះ ក្រោយចាកចេញពីព្រំដែនភាគខាងត្បូងចាប់តាំងពីខែមេសាមក។

រដ្ឋដែលកាន់កាប់ដោយគណបក្សសាធារណរដ្ឋដូចជា Texas, Arizona និង Florida បាននិងកំពុងបញ្ជូនជនចំណាកស្រុក ទៅកាន់តំបន់របស់គណបក្សប្រជាធិបតេយ្យ ក្នុងរយៈពេលប៉ុន្មានខែថ្មីៗនេះ។

វាជាផ្នែកមួយនៃជម្លោះក្នុងសេតវិមាន ខណៈចំនួនមនុស្សដែលមកដល់ព្រំដែនអាមេរិក-ម៉ិកស៊ិក ស្ថិតក្នុងកម្រិតដ៏ខ្ពស់មិនធ្លាប់មានពីមុនមក។

លោក Adams បាននិយាយនៅក្នុងសន្និសីទសារព័ត៌មានកាលពីថ្ងៃសុក្រទី០៧ខែតុលាថា ចាប់តាំងពីខែកញ្ញាមក ជាមធ្យមរថយន្តក្រុងពី ៥ទៅ ៦គ្រឿង បានមកដល់ក្នុងទីក្រុងជារៀងរាល់ថ្ងៃ។ មនុស្សម្នាក់ក្នុងចំណោមប្រាំនាក់ក្នុងប្រព័ន្ធជ្រកកោនរបស់ទីក្រុងនេះ បច្ចុប្បន្នជាអ្នកស្វែងរកសិទ្ធិជ្រកកោន។

លោកបន្តថា អ្នកដែលមកដល់ ភាគច្រើនជាគ្រួសារដែលមានកុមារដល់អាយុចូលរៀន ហើយត្រូវការការព្យាបាលចាំបាច់បំផុត។

លំហូរនេះ នឹងធ្វើឲ្យទីក្រុងញូវយ៉ក ខាតបង់ប្រាក់ ១ពាន់លានដុល្លារក្នុងឆ្នាំសារពើពន្ធនេះ ហើយអភិបាលក្រុង កំពុងអំពាវនាវសុំមូលនិធិសហព័ន្ធ និងរដ្ឋ ដើម្បីជួយដោះស្រាយការចំណាយ៕

ប្រែសម្រួល៖ Vann Vann

ប្រភព៖ BBC

ចុចអាន៖ លិចទូកជនចំណាកស្រុក ស្លាប់ ៣៤នាក់ នៅ ស៊ីរី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត