ព័ត៌មានអន្ដរជាតិ
វិវាទដីធ្លីនៅ ស៊ូដង់ សម្លាប់មនុស្សជាង ១០០នាក់
មនុស្សចំនួន១៥០នាក់ ត្រូវបានសម្លាប់ក្នុងការប្រយុទ្ធគ្នារយៈពេល២ថ្ងៃ ដែលនេះជាការប៉ះទង្គិចគ្នាចុងក្រោយបង្អស់រវាងក្រុមជនជាតិភាគតិច ជុំវិញជម្លោះដីធ្លីនៅក្នុងរដ្ឋ Blue Nile ភាគខាងត្បូង ប្រទេសស៊ូដង់។
ការបង្ហូរឈាម គឺជារឿងដ៏អាក្រក់បំផុតក្នុងរយៈពេលប៉ុន្មានខែថ្មីៗនេះ ហើយកាលពីថ្ងៃព្រហស្បតិ៍ ប្រជាជនបាននាំគ្នាដើរតាមដងផ្លូវនៃទីក្រុង Damazin របស់រដ្ឋ Blue Nile ដើម្បីតវ៉ា ដោយស្រែកពាក្យស្លោកថ្កោលទោសជម្លោះដែលបានសម្លាប់មនុស្សរាប់រយនាក់ក្នុងឆ្នាំនេះ។
លោក Abbas Moussa ប្រធានមន្ទីរពេទ្យ Wad al-Mahi បាននិយាយថា “មនុស្សសរុប១៥០ នាក់ រួមទាំងស្ត្រី កុមារ និងមនុស្សចាស់ផងដែរ ត្រូវបានសម្លាប់ចន្លោះថ្ងៃពុធ ដល់ថ្ងៃព្រហស្បតិ៍។ មនុស្សប្រហែល ៨៦នាក់ក៏រងរបួសផងដែរ ក្នុងអំពើហិង្សានេះ”។
ការប៉ះទង្គិចគ្នាក្នុងរដ្ឋ Blue Nile បានផ្ទុះឡើងកាលពីសប្តាហ៍មុន បន្ទាប់ពីការឈ្លោះប្រកែកគ្នារឿងដីធ្លី រវាងសមាជិកនៃជនជាតិ Hausa និងក្រុមគូប្រជែង។ អ្នកស្រុករាយការណ៍ថា មនុស្សរាប់រយនាក់ បានរត់គេចពីការបាញ់រះ ហើយផ្ទះត្រូវបានភ្លើងឆេះ។
លោក Eddie Rowe ប្រធានផ្នែកជំនួយ របស់អង្គការសហប្រជាជាតិសម្រាប់ប្រទេសស៊ូដង់ បាននិយាយថា លោកមានក្តីព្រួយបារម្ភយ៉ាងខ្លាំង ចំពោះការប៉ះទង្គិចគ្នាជាបន្តបន្ទាប់។ មនុស្ស ១៧០នាក់ត្រូវបានសម្លាប់ និង ៣២៧នាក់រងរបួស ចាប់តាំងពីការចលាចលចុងក្រោយបានផ្ទុះឡើងនៅថ្ងៃទី១៣ខែតុលា។
គួរបញ្ជាក់ថា រដ្ឋ Blue Nile តែងតែរងគ្រោះដោយអំពើហិង្សាជនជាតិភាគតិច។
ការប៉ះទង្គិចកុលសម្ព័ន្ធដែលផ្ទុះឡើងក្នុងខែកក្កដា បានសម្លាប់មនុស្សចំនួន១៤៩ នាក់គិតត្រឹមដើមខែតុលា ហើយកាលពីសប្តាហ៍មុន ការប្រយុទ្ធគ្នាជាថ្មីបានសម្លាប់មនុស្ស ១៣ នាក់ផ្សេងទៀត៕
ប្រែសម្រួល៖ Vann Vann
ប្រភព៖ Aljazeera
ចុចអាន៖ មនុស្សយ៉ាងហោច ២៥នាក់ ស្លាប់ក្នុងជម្លោះដីធ្លីនៅ ស៊ូដង់
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល