ព័ត៌មានអន្ដរជាតិ

រុស្ស៊ី ឲ្យ UN ទប់ស្កាត់ អ៊ុយក្រែន ពីការបំផ្លាញទំនប់វារីអគ្គិសនីនៅតបន់ Kherson

បានផុស

១ year មុន

នៅ

ថ្ងៃអាទិត្យ ២៣ តុលា ២០២២

ដោយ

រុស្ស៊ីបានស្នើសុំជាផ្លូវការដល់ក្រុមប្រឹក្សាសន្តិសុខអង្គការសហប្រជាជាតិ ទប់ស្កាត់អ៊ុយក្រែនពីការបំផ្លាញទំនប់វារីអគ្គិសនី Kakhovskaya ក្នុងតំបន់ Kherson។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមឯកអគ្គរដ្ឋទូតរបស់ទីក្រុងមូស្គូ ប្រចាំអង្គការសហប្រជាជាតិ លោក Vasily Nebenzia បានព្រមានកាលពីពេលថ្មីៗនេះថា គ្រោះមហន្តរាយបែបនេះ អាចបណ្ដាលឲ្យជនស៊ីវិលរាប់ពាន់នាក់ស្លាប់ ។

ថ្លែងនៅក្នុងសន្និសីទសង្ខេបរបស់ក្រុមប្រឹក្សាសន្តិសុខ លោក Vasily បានកត់សម្គាល់ថា នៅពេលដែលលោកខាងលិចជ្រើសរើសមិនអើពើ អំពើឧក្រិដ្ឋកម្មណាមួយដែលប្រព្រឹត្តដោយអ៊ុយក្រែន ប្រទេសនេះបាននឹងកំពុង ធ្វើការវាយប្រហារជាបន្តបន្ទាប់លើហេដ្ឋារចនាសម្ព័ន្ធស៊ីវិលនៅក្នុងអតីតទឹកដីរបស់ខ្លួន រួមទាំងទីក្រុង Novaya Kakhovka ក្នុងតំបន់ Kherson ដែលថ្មីៗនេះត្រូវបានដាក់បញ្ចូលទៅក្នុងប្រទេសរុស្ស៊ី។

យោងតាមប្រេសិតរូបនេះ បញ្ចាក់ថា មីស៊ីលភាគច្រើនត្រូវបានបាញ់ចេញពីប្រព័ន្ធរ៉ុកកែត High Mobility Artillery Rocket Systems (HIMARS) ដែលផលិតដោយសហរដ្ឋអាមេរិក ខណៈកងកម្លាំងអ៊ុយក្រែនកំពុងតម្រង់ទៅទំនប់ Kakhovskaya ដើម្បីបំបែកវា ដែលបណ្តាលឲ្យកម្រិតទឹកកើនឡើង ហើយតំបន់ជាប់គ្នាត្រូវជន់លិចយ៉ាងខ្លាំង៕

ប្រែសម្រួល៖ សាង ស្រីល័ក្ខ

ប្រភព៖ RT

ចុចអាន៖រុស្ស៊ី ប្រកាសឲ្យអ្នកស្រុកចាកចេញពីតំបន់ Kherson ជាបន្ទាន់ មុនពេល អ៊ុយក្រែន វាយលុកមកដល់