Connect with us

ព័ត៌មានអន្ដរជាតិ

គ្រោះរញ្ជួយដីថ្មីទៀត វាយប្រហារ ឥណ្ឌូណេស៊ី

បានផុស

នៅ

ទីភ្នាក់ងារភូគព្ភសាស្ត្រឥណ្ឌូណេស៊ី (BMKG) បាននិយាយថា គ្រោះរញ្ជួយដីកម្រិត ៦.១រ៉ិចទ័រ បានវាយប្រហារខេត្ត ជ្វាខាងលិច នៅថ្ងៃព្រហស្បតិ៍ទី៨ខែធ្នូនេះ ដោយជំរុញឲ្យប្រជាពលរដ្ឋក្នុងតំបន់ក្បែរចំណុចកណ្តាលនៃការរញ្ជួយដីនេះ រត់ចេញពីផ្ទះទាំងភ័យស្លន់ស្លោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារនេះនិយាយថា ការរញ្ជួយដីដែលមានជម្រៅ១០៤គីឡូម៉ែត្រ និងមានចំណុចកណ្តាលចម្ងាយ២២គីឡូម៉ែត្រពីទីក្រុង Sukabumi គឺមិនមានសក្តានុពលអាចបង្កឲ្យមានរលកយក្សស៊ូណាមិទេ។

យោងតាម Reuters, ការរញ្ជួយនេះ ក៏ញ័រដល់រដ្ឋធានីហ្សាការតា និងតំបន់ជុំវិញផងដែរ។

លោក Abdul Muhari មន្ត្រីនៅទីភ្នាក់ងារកាត់បន្ថយគ្រោះមហន្តរាយឥណ្ឌូណេស៊ី (BNPB) បានប្រាប់ Reuters ថា មកដល់ពេលនេះ មិនទាន់មានរបាយការណ៍អំពីការខូចខាតនៅឡើយទេ ប៉ុន្តែទីភ្នាក់ងារនេះនៅតែកំពុងវាយតម្លៃស្ថានភាព។

គួររម្លឹកថា កាលពីខែមុន គ្រោះរញ្ជួយដីកម្រិត ៥.៦ រ៉ិចទ័រ បានវាយប្រហារទីក្រុង Cianjur ក្នុងខេត្ត ជ្វាខាងលិច នេះដូចគ្នា ដោយបានសម្លាប់មនុស្សជាង ៣០០នាក់ និងបង្កការខូចខាតដល់ផ្ទះរាប់ពាន់ខ្នង៕

ប្រែសម្រួល៖ Vann Vann

ប្រភព៖ CNA

ចុចអាន៖ ចំនួនមនុស្សស្លាប់ និងរបួសក្នុងគ្រោះរញ្ជួយដីនៅ ឥណ្ឌូណេស៊ី កើនឡើងបន្ថែមទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម