ព័ត៌មានអន្ដរជាតិ
អាមេរិក ឈប់ផ្ដល់អាជ្ញាប័ណ្ណនាំចេញទំនិញបច្ចេកវិទ្យាសម្រាប់ក្រុមហ៊ុន Huawei ហើយ
យោងតាមប្រភពព័ត៌មានបានឲ្យដឹងថា រដ្ឋបាលរបស់លោក ចូ បៃដិន បានបញ្ឈប់ការផ្តល់អាជ្ញាប័ណ្ណដល់ក្រុមហ៊ុនអាមេរិកក្នុងការនាំចេញទំនិញបច្ចេកវិទ្យាសម្រាប់ផ្គត់ផ្គង់ឲ្យក្រុមហ៊ុន Huawei របស់ប្រទេសចិនទៀតហើយ ។
សហរដ្ឋអាមេរិកបានដាក់ការរឹតបន្តឹងលើការនាំចេញជុំវិញទំនិញសម្រាប់ប្រព័ន្ធ 5G និងបច្ចេកវិទ្យាផ្សេងទៀតដល់ក្រុមហ៊ុន Huawei អស់រយៈពេលជាច្រើនឆ្នាំមកហើយ ប៉ុន្តែទោះយ៉ាងណា មន្ត្រីនៅក្នុងក្រសួងពាណិជ្ជកម្មអាមេរិកនៅតែផ្តល់អាជ្ញាប័ណ្ណខ្លះដល់ក្រុមហ៊ុនអាមេរិកមួយចំនួនក្នុងការលក់ទំនិញ និងបច្ចេកវិទ្យាដល់ក្រុមហ៊ុននេះ ។ ក្នុងនោះ ក្រុមហ៊ុន Qualcomm Inc ជាក្រុមហ៊ុនតែមួយគត់ទទួលបានការអនុញ្ញាតពីអាមេរិកឲ្យលក់បន្ទះឈីបស្មាតហ្វូន 4G ទៅឲ្យក្រុមហ៊ុន Huawei កាលពីឆ្នាំ ២០២០ ។
ផ្អែកតាមប្រភពបានដឹងពីបញ្ហានេះនិយាយថា អាមេរិកកំពុងបង្កើតគោលនយោបាយផ្លូវការថ្មីមួយនៃការបដិសេធសម្រាប់ដឹកជញ្ជូនទំនិញទៅក្រុមហ៊ុន Huawei ដែលនឹងរួមបញ្ចូលទំនិញក្រោមកម្រិត 5G រួមទាំងឧបករណ៍ 4G, Wi-Fi 6 និង 7, ប្រព័ន្ធ AI និងកុំព្យូទ័រជាដើម ។ ប្រភពបន្តទៀតថា ការផ្លាស់ប្តូរនេះត្រូវបានគេរំពឹង នឹងឆ្លុះបញ្ចាំងពីគោលនយោបាយរឹតបន្តឹងរបស់រដ្ឋបាលលោក បៃដិន លើក្រុមហ៊ុន Huawei ក្នុងរយៈពេលមួយឆ្នាំកន្លងមកនេះ ។
ជាមួយបញ្ហាប្រព័ន្ធ 4G វិញ អាមេរិកបានដាក់ក្រុមហ៊ុន Huawei ចូលក្នុងបញ្ជីខ្មៅពាណិជ្ជកម្មក្នុងឆ្នាំ ២០១៩ ដោយដាក់កំហិតអ្នកផ្គត់ផ្គង់អាមេរិកភាគច្រើន ពីការដឹកជញ្ជូនទំនិញបច្ចេកវិទ្យាទៅឲ្យក្រុមហ៊ុននេះ លុះត្រាតែបានអាជ្ញាប័ណ្ណពីអាមេរិក ។
ប៉ុន្តែមន្ត្រីអាមេរិកនៅតែផ្តល់អាជ្ញាប័ណ្ណអនុញ្ញាតឲ្យក្រុមហ៊ុន Huawei ទទួលបានផលិតផលមួយចំនួនពីអាមេរិក ជាមួយអាជ្ញាប័ណ្ណតម្លៃ ៦១ ពាន់លានដុល្លារ ដើម្បីលក់ឧបករណ៍ទូរគមនាគមន៍យក្សរបស់ក្រុមហ៊ុនមួយនេះ ចាប់ពីខែមេសាដល់ខែវិច្ឆិកា ឆ្នាំ ២០២១ ។
ទាក់ទងជាមួយក្រុមហ៊ុន Huawei វិញបាននិយាយថា នៅក្នុងខែធ្នូ ឆ្នាំ ២០២២ ប្រាក់ចំណូលសរុបរបស់ក្រុមហ៊ុន មានចំនួនប្រហែល ៩១.៥៣ ពាន់លានដុល្លារ ដែលធ្លាក់ចុះតិចតួចពីឆ្នាំ ២០២១ នៅពេលអាមេរិកបានដាក់ទណ្ឌកម្ម ដែលបណ្តាលឲ្យការលក់ធ្លាក់ចុះជិតមួយភាគបី ៕
ប្រែសម្រួលដោយ ៖ នាង រតនៈ
ប្រភព ៖ The Economic Times
ចុចអាន ៖ លោក បៃដិន សម្រេចហើយថាមិនផ្ដល់យន្តហោះចម្បាំង F-16 ឲ្យ អ៊ុយក្រែន ទេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង