Cambodia Airways បើកជើងហោះហើរត្រង់ភ្នំពេញ-ប៉េកាំង ឆ្លើយតបទីផ្សារភ្ញៀវទេសចរចិន

ក្រុមហ៊ុនអាកាសចរណ៍ Cambodia Airways គ្រោងនឹងចាប់ផ្តើមបើកជើងហោះហើរត្រង់រវាងពីទីក្រុងភ្នំពេញ និងទីក្រុងប៉េកាំង ចាប់ពីថ្ងៃទី២៧ ខែមីនាខាងមុខ ដើម្បីបំពេញតម្រូវការកើនឡើងនៃការធ្វើដំណើររបស់ភ្ញៀវទេសចររវាងគោលដៅទាំងពីរ ភ្នំពេញ-ប៉េកាំង។

លោក Simon Su នាយកផ្នែកពាណិជ្ជកម្មរបស់ក្រុមហ៊ុនអាកាសចរណ៍ Cambodia Airways បាននិយាយថា យន្តហោះ Airbus A320 នឹងហោះហើររវាងគោលដៅទាំងពីរនេះចំនួន ៣ជើងក្នុងមួយសប្តាហ៍ ពោលគឺនៅថ្ងៃចន្ទ ថ្ងៃពុធ និងថ្ងៃសុក្រ ចាប់ពីថ្ងៃទី២៧ ខែមីនា ឆ្នាំ២០២៣តទៅ។ លោកថា ចំនួនជើងហោះហើរនឹងកើនឡើងរហូតដល់ ៥ជើងក្នុងមួយសប្តាហ៍ ពោលគឺនៅថ្ងៃចន្ទ ថ្ងៃពុធ ថ្ងៃព្រហស្បតិ៍ ថ្ងៃសុក្រ និងថ្ងៃអាទិត្យ ចាប់ពីថ្ងៃទី១៧ ខែមេសា ឆ្នាំ២០២៣។

លោក Simon Su និយាយថា៖ “ការបើកជើងហោះហើរថ្មីនេះរំពឹង នឹងពង្រឹងទំនាក់ទំនងពាណិជ្ជកម្ម ការវិនិយោគ វប្បធម៌ និងទេសចរណ៍រវាងទីក្រុងទាំងពីរ ភ្នំពេញ-ប៉េកាំង ។ យើងសង្ឃឹមថាផ្លូវថ្មីនេះ នឹងស្រូបទាក់ទាញភ្ញៀវទេសចរចិន អ្នកជំនួញ និងវិនិយោគិនចិន មកកម្ពុជាកាន់តែច្រើនឡើង”៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ ឈៀងម៉ៃ ជាប់ឈ្មោះជាទីក្រុង មានខ្យល់ពុលអាក្រក់បំផុត លើលោកhttps://www.kampucheathmey.com/global-news/476361