ធនាគារពិភពលោកថា ​អ៊ុយក្រែនត្រូវការប្រាក់ជាង ៤០០ពាន់លាន ដើម្បីកសាងជាតិឡើងវិញ

ដោយសារមហន្តរាយនៃសង្គ្រាម ធនាគារពិភពលោក (World Bank) បាននិយាយថា ដើម្បីស្ដារហេដ្ឋារចនាសម្ព័ន្ធអ៊ុយក្រែនឡើងវិញ ហោចណាស់ត្រូវចំណាយប្រាក់ជាង ៤០០ពាន់លានដុល្លារឯណោះ។

ថ្វីត្បិតសង្រ្គាមអ៊ុយក្រែន-រុស្ស៊ី កំពុងបន្ត ប៉ុន្តែតាមការប៉ាន់ស្មានរបស់ធនាគារពិភពលោក ក្រោយពេលបញ្ចប់សង្រ្គាម អ៊ុយក្រែនត្រូវការប្រាក់យ៉ាងតិចចំនួន​ ៤១១ពាន់លានដុល្លារអាមេរិក ដើម្បីកសាងជាតិឡើងវិញ។

អនុប្រធានធនាគារពិភពលោកនៅប៉ែកអឺរ៉ុប និងអាស៊ី លោកស្រី Anna Bjerde មានប្រសាសន៍ថា ពេលនេះអ៊ុយក្រែនកំពុងស្ថិតនៅក្នុងបន្ទាត់ក្រីក្រ ហើយមិនត្រឹមតែត្រូវការប្រាក់វាល់លានដើម្បីស្ថាបនាជាតិនោះទេ ប្រទេសនេះក៏ត្រូវការពេលវេលាដ៏ច្រើន ហោចណាស់ក៏ ២០ឆ្នាំដែរ ទម្រាំអ្វីៗល្អប្រសើរឡើង។ ​

ជាមួយគ្នានេះ លោកស្រីបានបន្ថែមថា អ៊ុយក្រែនកំពុងតម្រូវការការគាំទ្រពីអន្តរជាតិ ខណៈបច្ចុប្បន្ន Bloomberg រាយការណ៍ថា WBG បានផ្តល់ជំនួយចំនួន ២០.៦ពាន់លានដុល្លារដល់ទីក្រុង កៀវ រួចហើយ៕

ប្រែសម្រួល៖ សន្យា

ប្រភព៖ RT

ចុចអាន៖ រុស្ស៊ីព្រមានចំៗ សាកស្រមៃមើល! បើប្រមុខរដ្ឋនុយក្លេអ៊ែរ ត្រូវចាប់ខ្លួន តើមានអ្វីកើតឡើង?