ព័ត៌មានអន្ដរជាតិ
រុស្ស៊ីព្រមានចំៗ សាកស្រមៃមើល! បើប្រមុខរដ្ឋនុយក្លេអ៊ែរ ត្រូវចាប់ខ្លួន តើមានអ្វីកើតឡើង?
អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev បាននិយាយថា ប្រសិនបើប្រទេសអាល្លឺម៉ង់ សម្រេចចិត្តអនុវត្តដីការបស់តុលាការឧក្រិដ្ឋកម្មអន្តរជាតិ (ICC) ស្តីពីការចាប់ខ្លួនប្រធានាធិបតីរុស្ស៊ី លោក វ្ល៉ាឌីមៀរ ពូទីន មែននោះ វាស្មើនឹងការប្រកាសសង្គ្រាមលើប្រទេសរុស្ស៊ី។
មុននេះ រដ្ឋមន្ត្រីក្រសួងយុត្តិធម៌អាល្លឺម៉ង់ លោក Marco Buschmann លើកឡើងថា ដីកាចាប់ខ្លួនលោកពូទីន នឹងមានសុពលភាពនៅក្នុងប្រទេសអាល្លឺម៉ង់ ក្រោយមានការស្នើសុំពី ICC។ បញ្ជានេះ ក៏ត្រូវបានគាំទ្រដោយអធិការបតី Olaf Scholz ផងដែរ ដែលក្នុងអំឡុងពេលទស្សនកិច្ចនៅប្រទេសជប៉ុន លោកបាននិយាយថា “គ្មាននរណាម្នាក់នៅលើច្បាប់នោះទេ”។
![](https://www.kampucheathmey.com/wp-content/uploads/2023/03/image-2010-1024x683.png)
ទោះបីជាយ៉ាងណាក៏ដោយ លោក Medvedev បាននិយាយនៅក្នុងបទសម្ភាសជាមួយប្រព័ន្ធផ្សព្វផ្សាយធំៗរបស់រុស្ស៊ី រួមទាំង Sputnik ផងដែរថា “មនុស្សល្ងង់ខ្លះដូចជារដ្ឋមន្ត្រីយុត្តិធម៌អាល្លឺម៉ង់ និយាយថា បើលោកពូទីនទៅ គេនឹងចាប់ខ្លួន។ តើគាត់យល់ពីអត្ថន័យនេះទេ? សាកស្រមៃមើល! ប្រមុខរដ្ឋនុយក្លេអ៊ែរដែលកំពុងកាន់អំណាចបានទៅដល់ទឹកដីអាល្លឺម៉ង់ ហើយត្រូវចាប់ខ្លួន តើនឹងមានអ្វីកើតឡើង? តើនេះជាអ្វី? ការប្រកាសសង្គ្រាមលើសហព័ន្ធរុស្ស៊ីមែនទេ!។ ក្នុងស្ថានភាពបែបនេះ រុស្ស៊ីនឹងប្រើប្រាស់គ្រប់មធ្យោបាយ ដើម្បីកណត់គោលដៅលើព្រឹទ្ធសភា ការិយាល័យអធិការបតី និងអ្វីៗផ្សេងទៀតក្នុងប្រទេសអាល្លឺម៉ង់”។
![](https://www.kampucheathmey.com/wp-content/uploads/2023/03/image-2009-1024x575.png)
គួរបញ្ជាក់ជាថ្មី នៅថ្ងៃទី១៧ខែមីនា ICC បានចេញដីកាចាប់ខ្លួនលោក ពូទីន និងស្នងការប្រធានាធិបតីរុស្ស៊ីទទួលបន្ទុកសិទ្ធិកុមារលោកស្រី Maria Lvova-Belova ដោយលើកឡើងពី ការនិរទេសកុមារដោយខុសច្បាប់ ពីតំបន់កាន់កាប់នៃប្រទេសអ៊ុយក្រែនទៅសហព័ន្ធរុស្ស៊ី។
យ៉ាងណាក្តី វិមានក្រឹមឡាំងនិយាយថា ប្រទេសរុស្ស៊ីមិនមែនជាភាគីរបស់ ICC ទេ ហើយការសម្រេចរបស់តុលាការនេះ គឺទុកជាមោឃៈសម្រាប់ប្រទេសនេះ៕
ប្រែសម្រួល៖ Vann Vann
ប្រភព៖ Sputnik
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ