ថ្ងៃនេះ ថៃរកឃើញអ្នកឆ្លងកូវីដ ៣០៩ ករណី

នៅថ្ងៃសុក្រនេះរដ្ឋាភិបាលបានរាយការណ៍ពីករណីឆ្លងថ្មីនៃជំងឺកូវីដ ១៩ ចំនួន ៣០៩ ករណី ក្នុងនោះ ២៩៧ ករណីជាករណីឆ្លងក្នុងស្រុក និង ១២ ករណីជាករណីនាំចូល ។

លោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ ១៩ បាននិយាយថា ក្នុងចំណោមករណីថ្មី ២៩៧ ករណីក្នុងនោះរួមមាន ៨០ ករណីត្រូវបានរកឃើញនៅមន្ទីរពេទ្យ និង ២១៧ ត្រូវបានរកឃើញតាមរយៈការស្វែងរកករណីសកម្មនៅក្នុងសហគមន៍ ។

ចំណែកក្នុងចំណោមករណីនាំចូលចំនួន ១២ ករណីនោះមាន ៤ នាក់ជាជនជាតិថៃ ហើយពួកគេទាំង ៤ នាក់វិលត្រឡប់មកពីប្រទេសអារ៉ាប់រួម អ៊ីតាលី ស៊ូដង់ និងស្រីលង្កា ។

គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ ចំនួន ១៣,១០៤ ករណី និងមានអ្នកស្លាប់ចំនួន ៧១ នាក់ ហើយប្រទេសនេះស្ថិតនៅចំណាត់ថ្នាក់ទី ១២៨ ក្នុងបញ្ជីករណីឆ្លងសរុបទូទាំងពិភពលោក  ។ សហរដ្ឋអាមេរិកឈរលំដាប់លេខ ១ មាន ២៥.១៩ លាននាក់ បន្ទាប់មកគឺឥណ្ឌាមាន ១០.៦៣ លាននាក់, ប្រេស៊ីល ៨.៦៩ លាននាក់, រុស្ស៊ី ៣.៦៦ លាននាក់ និងអង់គ្លេស ៣.៥៤ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post / The Nation

ចុចអាន ៖ ប៉ូលិសថៃ ចាប់រំលោភជនសង្ស័យគ្រឿងញៀនមីយ៉ាន់ម៉ា ក្នុងប៉ុស្តិ៍ប៉ូលិស

ចុចអាន ៖ សមាគមទេសចរណ៍ថៃស្នើរដ្ឋាភិបាលលើកលែងការធ្វើចត្តាឡីស័កដល់ភ្ញៀវទេសចរដែលបានចាក់វ៉ាក់សាំងកូវីដ