ព័ត៌មានអន្ដរជាតិ
សហរដ្ឋអាមេរិក ព្រួយបារម្ភអំពីស្ថានភាពនយោបាយនៅប្រទេស ថៃ
អ្នកនាំពាក្យក្រសួងការបរទេសអាមេរិក លោក Matthew Miller បាននិយាយនៅថ្ងៃអង្គារទី១៨ខែកក្កដាថា សហរដ្ឋអាមេរិក ព្រួយបារម្ភអំពីការវិវត្តនៅក្នុងប្រព័ន្ធច្បាប់របស់ប្រទេសថៃ។
គាត់បានកត់សម្គាល់បែបនេះ ទាក់ទងទៅនឹងពាក្យបណ្តឹងចំនួនពីរដាច់ដោយឡែកពីគ្នា ដែលប្តឹងប្រឆាំងមេដឹកនាំគណបក្សចលនាឆ្ពោះទៅមុខនិងបេក្ខជននាយករដ្ឋមន្ត្រីថៃលោក Pita Limjaroenrat ដែលបានឈ្នះអាសនៈសមាជិកសភាច្រើនជាងគេ នៅក្នុងការបោះឆ្នោតថ្ងៃទី១៤ខែឧសភា។
ឆ្លើយតបទៅសំណួររបស់ប្រព័ន្ធផ្សព្វផ្សាយអំពីវឌ្ឍនភាពនយោបាយថៃ ក្រោយការបោះឆ្នោត លោក Miller ប្រាប់ទៅក្រុមអ្នកកាសែតថា សហរដ្ឋអាមេរិក មិននៅខាងបេក្ខជនណាឡើយ ក្នុងការបោះឆ្នោតថៃ។ យើងមិនគាំទ្រគណបក្ស ឬអ្នកនយោបាយណាមួយទេ។ អ្វីដែលយើងគាំទ្រគឺលទ្ធិប្រជាធិបតេយ្យពហុបក្ស និងដំណើរការក្រោយការបោះឆ្នោតដែលឆ្លុះបញ្ចាំងពីឆន្ទៈរបស់ប្រជាជនថៃ និងគាំទ្រអនាគតប្រជាធិបតេយ្យ និងវិបុលភាពសម្រាប់ប្រទេសថៃ។
លោក Miller បន្តថា សហរដ្ឋអាមេរិកកំពុង តាមដានវឌ្ឍនភាពក្រោយការបោះឆ្នោត។ នោះរួមបញ្ចូលទាំងការវិវត្តន៍ថ្មីៗនៅក្នុងប្រព័ន្ធច្បាប់ ដែលជាក្តីព្រួយបារម្ភផងដែរ។
គួរបញ្ជាក់ថា តុលាការធម្មនុញ្ញថៃ កំពុងពិនិត្យពាក្យបណ្តឹងប្រឆាំងលោក Pita និងគណបក្ស ចលនាឆ្ពោះទៅមុខ ពាក់ព័ន្ធសំណើធ្វើវិសោធនកម្មមាត្រា ១១២ នៃក្រមព្រហ្មទណ្ឌថៃ ឬច្បាប់ប្រមាថព្រះមហាក្សត្រ។
លើសពីនេះ គណៈកម្មាធិការរៀបចំការបោះឆ្នោត ក៏បានដាក់ញត្តិទៅតុលាការធម្មនុញ្ញអំពីការកាន់កាប់ភាគហ៊ុនប្រព័ន្ធផ្សព្វផ្សាយរបស់លោក Pita ដែលត្រូវបានហាមឃាត់ដោយច្បាប់បោះឆ្នោតរបស់ប្រទេសថៃផងដែរ។
ករណីទាំងពីរនេះ នាំឲ្យមានក្តីព្រួយបារម្ភអំពីសិទ្ធិរបស់ Pita ដើម្បីក្លាយជានាយករដ្ឋមន្ត្រី និងលទ្ធភាពនៃការរំលាយគណបក្សរបស់គាត់ទៀតផង ពោលគឺស្រដៀងទៅនឹងអ្វីដែលបានកើតឡើងចំពោះគណបក្សអនាគតទៅមុខក្នុងឆ្នាំ២០២០៕
ប្រែសម្រួល៖ Vann Vann
ប្រភព៖ Nation
ចុចអាន៖ បេក្ខជនមួយរូប ខាងគណបក្សភឿថៃ ប្រកាសត្រៀមខ្លួនធ្វើជា នាយករដ្ឋមន្ត្រី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង