ព័ត៌មានអន្ដរជាតិ
មីយ៉ាន់ម៉ាចាក់វ៉ាក់សាំងកូវីដដំបូងដល់បុគ្គលិកសុខាភិបាល
បុគ្គលិកសុខាភិបាលនៅក្នុងប្រទេសមីយ៉ាន់ម៉ាកាលពីថ្ងៃពុធ ទី២៧ ខែមករា បានក្លាយជាមនុស្សដំបូងគេនៅក្នុងប្រទេសអាស៊ីអាគ្នេយ៍មួយនេះដែលបានចាក់វ៉ាក់សាំងប្រឆាំងនឹងជំងឺកូវីដ ១៩ ពោលរយៈពេល ៥ ថ្ងៃ បន្ទាប់ពីវ៉ាក់សាំងដំបូងត្រូវបានចែកចាយពីប្រទេសឥណ្ឌា ។
បុគ្គលិកប្រហែល ១០០ នាក់ត្រូវបានចាក់វ៉ាក់សាំងកាលពីថ្ងៃពុធនៅឯមជ្ឈមណ្ឌលព្យាបាល Ayeyarwaddy COVID-19 ក្នុងទីក្រុងយ៉ាំងហ្គោនដែលជាទីក្រុងធំបំផុតរបស់ប្រទេស ។ វាត្រូវបានគេបង្កើតឡើងកាលពីខែកញ្ញាឆ្នាំទៅដោយមានគ្រែចំនួន ១,០០០ សម្រាប់អ្នកជំងឺដែលមានផ្ទុកជំងឺកូវីដ ១៩ ហើយក្រោយមកក៏បានក្លាយជាមជ្ឈមណ្ឌលធ្វើតេស្តផងដែរ ។
ទីប្រឹក្សារដ្ឋលោកស្រី អ៊ុងសាន ស៊ូជី មេដឹកនាំមីយ៉ាន់ម៉ាបានប្រកាសកាលពីសប្តាហ៍មុនថា បុគ្គលិកសុខាភិបាលជួរមុខនឹងទទួលបានអាទិភាពសម្រាប់ការចាក់វ៉ាក់សាំងដែលបង្កើតដោយសាកលវិទ្យាល័យ Oxford និងក្រុមហ៊ុនឱសថ AstraZeneca ។ ប្រទេសឥណ្ឌាដែលផលិតវ៉ាក់សាំងក្រោមអាជ្ញាប័ណ្ណក្រុមហ៊ុនខាងលើបានបរិច្ចាគចំនួន ១.៥ លានដូសដល់មីយ៉ាន់ម៉ាដែលគ្រប់គ្រាន់សម្រាប់ប្រជាជន ៧៥០,០០០ នាក់ ។
ទន្ទឹមនោះលោកស្រី ស៊ូជី ក៏បានសង្កេតមើលការចាក់វ៉ាក់សាំងនៅឯមន្ទីរពេទ្យមួយក្នុងរដ្ឋធានីណៃពិដោ ហើយបានប្រាប់អ្នកយកព័ត៌មានថា យុទ្ធនាការចាក់ថ្នាំបង្ការរោគត្រូវតែដំណើរការដោយយកចិត្តទុកដាក់ ពីព្រោះរដ្ឋាភិបាលមិនមានការផ្គត់ផ្គង់គ្រប់គ្រាន់ដែលខ្លួនត្រូវការនោះទេ ។ លោកស្រីបាននិយាយថា ប្រជាជននឹងត្រូវបានត្រួតពិនិត្យសម្រាប់ផលប៉ះពាល់ និងត្រូវបានចេញវិញ្ញាបនបត្រដែលពួកគេបានចាក់វ៉ាក់សាំង ។
បន្ថែមពីនេះលោកស្រី ស៊ូជី អាយុ ៧៥ ឆ្នាំរំពឹងថានឹងទទួលការចាក់វ៉ាក់សាំងនៅថ្ងៃព្រហស្បតិ៍នេះ ។
គួរបញ្ជាក់ថា គិតត្រឹមពេលនេះប្រទេសមីយ៉ាន់ម៉ាមានករណីឆ្លងជំងឺកូវីដ ១៩ ចំនួន ១៣៨,៨០២ ករណី និងមានអ្នកស្លាប់ចំនួន ៣,០៨៩ នាក់ ខណៈអ្នកជាសះស្បើយមាន ១២៣,១៧០ នាក់ ៕
ប្រែសម្រួលដោយ ៖ ជីវន្ត
ប្រភព ៖ CNA
ចុចអាន ៖ កងទ័ពមីយ៉ាន់ម៉ាព្រមានពីជម្រើសធ្វើរដ្ឋប្រហារដើម្បីតវ៉ាការលួចបន្លំក្នុងការបោះឆ្នោត
ចុចអាន ៖ សមាជិកសភាជាប់ឆ្នោតថ្មីនៃបក្សកាន់អំណាចរបស់មីយ៉ាន់ម៉ា ត្រូវបានបាញ់សម្លាប់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង