ព័ត៌មានអន្ដរជាតិ
កងទ័ពមីយ៉ាន់ម៉ាព្រមានពីជម្រើសធ្វើរដ្ឋប្រហារដើម្បីតវ៉ាការលួចបន្លំក្នុងការបោះឆ្នោត
យោធាដ៏មានឥទ្ធិពលរបស់មីយ៉ាន់ម៉ាកាលពីថ្ងៃអង្គារ ទី២៦ ខែមករា បានលើកឡើងពីជម្រើសធ្វើរដ្ឋប្រហារ ខណៈដែលខ្លួនបង្កើនការទាមទារឲ្យមានការស៊ើបអង្កេតលើការលួចបន្លំនៅក្នុងការបោះឆ្នោតក្នុងអំឡុងពេលបោះឆ្នោតកាលពីឆ្នាំមុនដែលឈ្នះដោយគណបក្សកាន់អំណាចរបស់លោកស្រី អ៊ុងសាន ស៊ូជី ។
គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) បានឈ្នះការបោះឆ្នោតយ៉ាងភ្លូកទឹកភ្លូកដីកាលពីខែវិច្ឆិកា ប៉ុន្តែត្រូវបានក្រុមអង្គការសិទ្ធិមនុស្សរិះគន់ថាមិនគោរពសិទ្ធិអ្នកបោះឆ្នោតនៅក្នុងតំបន់ដែលមានជម្លោះ ។
ក្រុមប្រឆាំងដែលមានសម្ព័ន្ធភាពយោធាបានជំទាស់នឹងលទ្ធផលនេះ ខណៈពេលដែលកងទ័ពបានចោទប្រកាន់ភាពមិនប្រក្រតីនៃកាតបោះឆ្នោត ដោយអះអាងថាបានរកឃើញការក្លែងបន្លំចំនួន ៨.៦ លានករណី ។
អ្នកនាំពាក្យយោធាលោកឧត្តមសេនីយ Zaw Min Tun កាលពីថ្ងៃអង្គារបានអំពាវនាវជាថ្មីដល់គណៈកម្មការរៀបចំការបោះឆ្នោតរបស់ប្រទេសនេះដើម្បីផ្តល់នូវបញ្ជីឈ្មោះអ្នកបោះឆ្នោតចុងក្រោយសម្រាប់ការត្រួតពិនិត្យ និងការទាមទារដែលរហូតមកដល់ពេលនេះមិនទាន់ត្រូវបានបំពេញនៅឡើយទេ ។
លោកបានប្រាប់អ្នកយកព័ត៌មាននៅរដ្ឋធានី Naypyidaw ថា “ការមិនដោះស្រាយរឿងនេះស្របតាមច្បាប់មានន័យថានេះជាវិបត្តិនយោបាយ ។ អ្វីដែលយើងអាចនិយាយបានគឺយើងនឹងអនុវត្តតាមច្បាប់ដែលមានស្រាប់រួមទាំងរដ្ឋធម្មនុញ្ញផងដែរ” ។
ចំណែកអ្នកនាំពាក្យគណបក្ស NLD លោក Myo Nyunt បាននិយាយកាលពីថ្ងៃអង្គារថា “រដ្ឋប្រហារមិនត្រូវបានអនុញ្ញាតនៅក្រោមរដ្ឋធម្មនុញ្ញបច្ចុប្បន្នទេ ។ យើងនឹងឆ្ពោះទៅមុខដោយសន្តិភាពយោងទៅតាមច្បាប់” ។
គួរបញ្ជាក់ថា ការបោះឆ្នោតស្ទង់មតិក្នុងខែវិច្ឆិកាគឺជាការបោះឆ្នោតប្រកួតប្រជែងបើកចំហលើកទី ២ ចាប់តាំងពីប្រទេសមីយ៉ាន់ម៉ាចាប់ផ្ដើមលទ្ធិប្រជាធិបតេយ្យក្នុងឆ្នាំ ២០១១ បន្ទាប់ពីការគ្រប់គ្រងដោយរបបយោធាជិត ៥០ ឆ្នាំ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ សមាជិកសភាជាប់ឆ្នោតថ្មីនៃបក្សកាន់អំណាចរបស់មីយ៉ាន់ម៉ា ត្រូវបានបាញ់សម្លាប់
ចុចអាន ៖ គណបក្សលោកស្រី ស៊ូជី ទទួលបានអាសនៈគ្រប់គ្រាន់ដើម្បីបង្កើតរដ្ឋាភិបាលថ្មីរបស់មីយ៉ាន់ម៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង