Connect with us

ព័ត៌មានអន្ដរជាតិ

វៀតណាម អនុម័តឲ្យប្រើប្រាស់វ៉ាក់សាំង AstraZeneca បន្ទាប់ពីរកឃើញការឆ្លងក្នុងសហគមន៍ថ្មី ៣៤ករណី

បានផុស

នៅ

ប្រទេសវៀតណាមបានអនុម័តជាលើកដំបូងឲ្យប្រើប្រាស់វ៉ាក់សាំងការពារវីរុសកូរ៉ូណា AstraZeneca ស្របពេលខ្លួនកំពុងប្រយុទ្ធប្រឆាំងនឹងការផ្ទុះឡើងធំបំផុតនៃជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផ្ទុះឡើងថ្មីនៅក្នុងប្រទេសដែលមានប្រជាជនប្រមាណ៩៨លាននាក់មួយនេះ បានចាប់ផ្តើមកាលពីថ្ងៃព្រហស្បតិ៍ហើយបានរីករាលដាលដល់ទីក្រុងហាណូយ។

អាជ្ញាធរបានប្រញាប់ប្រញាល់ធ្វើតេស្តមនុស្សរាប់ម៉ឺននាក់ បន្ទាប់ពីក្រសួងសុខាភិបាលបានរាយការណ៍ពីការឆ្លងក្នុងសហគមន៍ចំនួន២ករណីកាលពីថ្ងៃព្រហស្បតិ៍ ដោយក្នុងនោះមានមួយករណីត្រូវបានគេរាយការណ៍ថា ជាអ្នកប៉ះពាល់ទៅនឹងមនុស្សម្នាក់ដែលបានធ្វើតេស្តវិជ្ជមាននៅក្នុងប្រទេសជប៉ុនចំពោះវីរុសបម្លែងខ្លួនចក្រភពអង់គ្លេស B117។

ភាគច្រើននៃករណីថ្មីគឺក្នុងខេត្ត Hai Duong ភាគខាងជើងដែលនៅទីនោះ កម្មកររោងចក្រចំនួន២,៣៤០នាក់ត្រូវបានដាក់ឲ្យនៅដាច់ពីគេបន្ទាប់ពីនិយោជិកម្នាក់ មានទំនាក់ទំនងជាមួយអ្នកដែលធ្វើតេស្តវិជ្ជមានជំងឺនេះ នៅពេលមកដល់ប្រទេសជប៉ុនកាលពីពាក់កណ្តាលខែមករា។

ក្រសួងសុខាភិបាលបានរាយការណ៍ថា មានការឆ្លងថ្មីចំនួន៣២ករណីនៅខេត្ត Hai Duong និង២ករណីទៀតនៅខេត្ត Quang Ninh ដែលធ្វើឲ្យចំនួនករណីសរុបក្នុងការផ្ទុះឡើងថ្មីកើនដល់១៨០នាក់៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ក្រោយផ្ទុះឆ្លងកូវីដខ្លាំងសាជាថ្មី នាយករដ្ឋមន្រ្តីវៀតណាមបញ្ជាទិញវ៉ាក់សាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម