បុរសវៀតណាមម្នាក់ លួចកាបូបលុយពីជនជាតិឥណ្ឌា នៅព្រលាន​យន្តហោះ​ ហាណូយ

មន្ត្រីសន្តិសុខនៅអាកាសយានដ្ឋានអន្តរជាតិ Noi Bai ក្នុងទីក្រុងហាណូយ បានពិនិត្យវីដេអូកាមេរ៉ា ហើយប្រទះឃើញបុរសជនជាតិវៀតណាមម្នាក់យកកាបូបលុយពីជនជាតិឥណ្ឌា មុនជិះយន្តហោះគេចទៅភាគខាងត្បូង ។

នៅម៉ោង ១០ ព្រឹកថ្ងៃច័ន្ទ ទី១៨ ខែកញ្ញា លោក J.V.R. អាយុ ៣១ ឆ្នាំសញ្ជាតិឥណ្ឌាបានរាយការណ៍ទៅមជ្ឈមណ្ឌលសន្តិសុខអាកាសចរណ៍ Noi Bai ថា គាត់បាត់កាបូបមួយដែលមានក្រដាសបញ្ជាក់អត្តសញ្ញាណ និងប្រាក់សរុបចំនួន ៥៩.៤ ដុល្លារ ។

បុគ្គលិកសន្តិសុខបានពិនិត្យវីដេអូកាមេរ៉ា ហើយប្រទះឃើញបុរសម្នាក់ដែលលួចកាបូប កំពុងរៀបចំឡើងយន្តហោះពី Noi Bai ទៅកាន់ទីក្រុង Can Tho ភាគខាងត្បូងប្រទេសវៀតណាម នៅថ្ងៃតែមួយ ។

ជនខិលខូចមានឈ្មោះ Ha Van T. អាយុ ៥៣ឆ្នាំ រស់នៅក្នុងខេត្ត Dien Bien ភាគពាយ័ព្យប្រទេសវៀតណាម ត្រូវបានឃាត់ខ្លួន និងសារភាពថា ពិតជាបានយកកាបូបរបស់អ្នកដំណើរជនជាតិឥណ្ឌាមែន ៕

ប្រែសម្រួល៖ វារី

ប្រភព៖ tuoitrenews

ចុចអាន៖ គ្រួសារសពកំពុងកើតទុក្ខ បែរជាជនសង្ស័យ ២ នាក់ មកលួចទ្រព្យសម្បត្តិក្នុងរោងបុណ្យ ត្រូវឃាត់ខ្លួន

ចុចអាន៖ គំនូរល្បីៗទូទាំងពិភពលោក ៦ ផ្ទាំង ត្រូវគេលួច ដោយសារតែតម្លៃរាប់លាន