Connect with us

ព័ត៌មានអន្ដរជាតិ

មនុស្សស្លាប់នៅហ្គាហ្សា កើនលើស ១០០០០នាក់ហើយ

បានផុស

នៅ

ក្រសួងសុខាភិបាល ដែលគ្រប់គ្រងដោយក្រុមហាម៉ាសនៅក្នុងទឹកដីប៉ាឡេស្ទីន និយាយកាលពីថ្ងៃចន្ទទី៦ខែវិច្ឆិកាថា គិតត្រឹមពេលនេះ មានមនុស្សជាង ១០០០០នាក់ហើយ ត្រូវបានសម្លាប់នៅក្នុងតំបន់ហ្គាហ្សា ចាប់តាំងពីអ៊ីស្រាអែល បើកការវាយលុកយោធា ជិតមួយខែមុន។

(រូបថត៖ AFP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ីស្រាអែល បានប្រកាសសង្រ្គាមលើក្រុមហាម៉ាស បន្ទាប់ពីចលនាសកម្មប្រយុទ្ធឥស្លាមមួយនេះ បើកការវាយប្រហារយ៉ាងភ្ញាក់ផ្អើលកាលពីថ្ងៃទី៧ខែតុលា ដោយសម្លាប់មនុស្សប្រមាណ ១៤០០នាក់ក្នុងប្រទេសអ៊ីស្រាអែល និងចាប់ជំរិតមនុស្សជាង២៤០នាក់ទៀត។

ភ្លាមនោះ អ៊ីស្រាអែល បានសងសឹកវិញ ដោយចាប់ផ្តើមការវាយលុកតាមអាកាស និងដីគោកលើតំបន់ហ្គាហ្សា ជាមួយការប្តេជ្ញាកម្ចាត់ក្រុមសកម្មប្រយុទ្ធនេះ ឲ្យអស់ពីផែនដី។

(រូបថត៖ LA Times)

អ្នកនាំពាក្យក្រសួងសុខាភិបាលប៉ាឡេស្ទីន លោក Ashraf Al Qudra និយាយថា ជនជាតិប៉ាឡេស្ទីន ១០០២២ នាក់ ត្រូវបានសម្លាប់ដោយការវាយប្រហាររបស់អ៊ីស្រាអែល ក្នុងនោះរួមមានកុមារចំនួន៤១០៤នាក់ ស្ត្រី២៦៤១នាក់ និងមនុស្សចាស់៦១១នាក់។ ក្រសួងក៏បានរាយការណ៍ដែរថា មានមនុស្ស២៥៤០៨នាក់ បានរងរបួស។

ទោះបីជាយ៉ាងណាក៏ដោយ CNN មិនអាចផ្ទៀងផ្ទាត់តួលេខ ដែលចេញផ្សាយដោយក្រសួងនៅតំបន់ហ្គាហ្សា បានទេ។

(រូបថត៖ Weekly Voice)

ប៉ុន្តែអ្នកនាំពាក្យសេតវិមានលោក John Kirby បានប្រាប់អ្នកយកព័ត៌មានថា មានមនុស្សស្លូតត្រង់ជាច្រើនពាន់នាក់ ត្រូវបានសម្លាប់នៅក្នុងតំបន់ហ្គាហ្សា។

សូមបញ្ជាក់ថា គ្រាន់តែមួយខែនេះ ប្រជាជនប៉ាឡេស្ទីនដែលត្រូវសម្លាប់នៅហ្គាហ្សា គឺមានច្រើនជាងអ្នកដែលស្លាប់នៅក្នុងជម្លោះជាមួយអ៊ីស្រាអែល នារយៈពេល១៥ឆ្នាំចុងក្រោយទៅទៀត៕

ប្រែសម្រួល៖ Vann Vann

ប្រភព៖ CNN

ចុចអាន៖ នាវាមុជទឹកនុយក្លេអ៊ែរអាមេរិក ទៅដល់តំបន់មជ្ឈិមបូព៌ាហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម