ព័ត៌មានអន្ដរជាតិ
ស្ថានទូតអាមេរិកប្រចាំនៅមីយ៉ាន់ម៉ាព្រមានដល់ចលនាកងទ័ព និងការកាត់ផ្ដាច់បណ្ដាញទូរគមនាគមន៍
ស្ថានទូតសហរដ្ឋអាមេរិកប្រចាំប្រទេសមីយ៉ាន់ម៉ាបានព្រមានកាលពីយប់ថ្ងៃអាទិត្យ ទី១៤ ខែកុម្ភៈ អំពីចលនាកងទ័ព និងការកាត់ផ្ដាច់បណ្ដាញទូរគមនាគមន៍នៅក្នុងទីក្រុងយ៉ាំងហ្គោន ។
ស្ថានទូតអាមេរិកបានសរសេរនៅលើគណនីផ្លូវការនៃសេវាកម្មពលរដ្ឋអាមេរិក (ACS) របស់ខ្លួនថា “មានការចង្អុលបង្ហាញអំពីចលនាយោធានៅទីក្រុងយ៉ាំងហ្គោន និងមានការកាត់ផ្ដាច់ផ្នែកទូរគមនាគមន៍ពេញមួយយប់ចន្លោះម៉ោង ១ យប់ និងម៉ោង ៩ ព្រឹក” ។
ការព្រមាននេះធ្វើឡើង បន្ទាប់ពីរថពាសដែកបានបង្ហាញខ្លួននៅក្នុងរដ្ឋធានីពាណិជ្ជកម្មយ៉ាំងហ្គោន ទីក្រុង Myitkyina និងទីក្រុង Sittwe ដែលជាទីក្រុងនៃរដ្ឋ Rakhine ខណៈការផ្សាយផ្ទាល់តាមអ៊ីនធឺណិតដោយប្រព័ន្ធផ្សព្វផ្សាយក្នុងស្រុកបានបង្ហាញពីការចល័តរថយន្តកងទ័ពទ្រង់ទ្រាយធំលើកដំបូងនៅទូទាំងប្រទេសចាប់តាំងពីរដ្ឋប្រហារថ្ងៃទី ១ ខែកុម្ភៈ ។
ទន្ទឹមនោះរថពាសដែកមួយចំនួនក៏ត្រូវបានគេប្រទះឃើញធ្វើដំណើរជុំវិញមជ្ឈមណ្ឌលពាណិជ្ជកម្មរបស់ទីក្រុងយ៉ាំងហ្គោន ខណៈរថពាសដែកផ្សេងទៀតចតនៅសួនសត្វរបស់ទីក្រុង ។
បន្ថែមពីនេះកងកម្លាំងសន្តិសុខក៏បានបង្កើនការចាប់ខ្លួនដោយផ្តោតលើចលនាមិនគោរពច្បាប់ស៊ីវិលដែលបានឃើញហ្វូងមនុស្សយ៉ាងច្រើនកុះករតាមដងផ្លូវនានានៅតាមទីក្រុងធំៗ ។
យោងតាមក្រុមអ្នកតាមដាននៃសមាគមជំនួយសម្រាប់អ្នកទោសនយោបាយបានឲ្យដឹងថា រហូតមកដល់ពេលនេះមនុស្សជិត ៤០០ នាក់ផ្សេងទៀតត្រូវបានចាប់ខ្លួនរាប់បញ្ចូលទាំងសម្ព័ន្ធមិត្តកំពូលៗរបស់លោកស្រី អ៊ុងសាន ស៊ូជី ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ស្ថានភាពកាន់តែតានតឹង កងទ័ពមីយ៉ាន់ម៉ាបន្តបាញ់ប្រហារលើបាតុករ
ចុចអាន ៖ ថ្ងៃនេះដល់ពេលកំណត់ដោះលែងលោកស្រី អ៊ុងសាន ស៊ូជី តែយោធាអាចពន្យារពេលបន្ថែម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង