ព័ត៌មានអន្ដរជាតិ
៣ ថ្ងៃហើយ មហាវិថីក្នុងទីក្រុងអ្នកមាន ឌូបៃ នៅតែជាដងទន្លេ
រយៈពេល ៣ ថ្ងៃមកហើយ អារ៉ាប់រួមនៅតែក្រពុលមុខមិនទាន់អាចដោះស្រាយបញ្ហាការជន់លិច បន្ទាប់ពីព្យុះផ្គររន្ទះ និងភ្លៀងធ្លាក់ខ្លាំងមិនធ្លាប់មានក្នុងរយៈពេល ៧៥ ឆ្នាំកាលពីថ្ងៃអង្គារកំពុងនាំឲ្យផ្នែកជាច្រើនរបស់ប្រទេសស្ថិតក្នុងភាពជាប់គាំង ជាពិសេសមហាវិថីនៅទីក្រុងឌូបៃកំពុងប្រែក្លាយទៅជាដងទន្លេ ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី១៨ ខែមេសាកន្លងទៅ ។
នៅទីក្រុងឌូបៃ ប្រតិបត្តិការនៅព្រលានយន្តហោះ ដែលជាមជ្ឈមណ្ឌលធ្វើដំណើរដ៏សំខាន់ក្នុងប្រទេស នៅតែរងផលប៉ះពាល់ ក្រោយពេលដែលព្យុះភ្លៀងបានបង្កការជន់លិចផ្លូវរត់របស់យន្តហោះ ហើយក្រុមហ៊ុនត្រូវបង្ខំចិត្តបង្វែរជើងហោះហើរ ពន្យារពេល ក៏ដូចជាលុបចោលជើងហោះហើរជាដើម ខណៈពលរដ្ឋនៅក្នុងទីក្រុងបើកបររថយន្តសេរ៊ីទំនើបៗទាំងទឹកលិចផ្លូវ ឯអ្នកខ្លះទៀតបង្ខំចិត្តទុករថយន្តចោលនៅក្នុងទឹកទាំងស្ដាយក្រោយ ។
ទន្ទឹមនោះ ទោះបីជាកម្រិតភ្លៀងធ្លាក់កាលពីថ្ងៃអង្គារមានការថមថយក៏ដោយ ប៉ុន្តែការរំខាននានានៅតែបន្តកើតមាននៅថ្ងៃព្រហស្បតិ៍នេះ ខណៈក្រុមហ៊ុន Emirates ដែលជាក្រុមហ៊ុនអាកាសចរណ៍ធំបំផុតតែមួយគត់របស់ប្រទេស បានផ្អាកការឆែកអ៊ីន (Check-in) សម្រាប់អ្នកដំណើរដែលចង់ចាកចេញពីអាកាសយានដ្ឋានឌូបៃ ស្របពេលដែលយន្តហោះរបស់ក្រុមហ៊ុនព្យាយាមបើកទាំងទឹកកំពុងលិចផ្លូវរត់ ។
ស្របពេលជាមួយគ្នានេះ អ្នកជំនាញអាកាសធាតុក៏បានចេញការព្រមានផងដែរថា ការប្រែប្រួលអាកាសធាតុជាឫសគល់នាំឲ្យសីតុណ្ហភាព ក៏ដូចជាសំណើមកើនឡើង ដូច្នេះហើយទើបមានហានិភ័យនៃការជន់លិចនៅក្នុងផ្នែកខ្លះនៃតំបន់ឈូងសមុទ្រ ជាពិសេសនៅក្នុងប្រទេសអារ៉ាប់រួមតែម្ដង ហើយបញ្ហាទាំងប៉ុន្មានអាចនឹងកាន់តែអាក្រក់ទៅៗនៅក្នុងប្រទេសអ្នកមានមួយនេះ ដោយសារកង្វះខាតហេដ្ឋារចនាសម្ព័ន្ធប្រព័ន្ធលូដើម្បីរំដោះទឹកភ្លៀងដែលធ្លាក់ខ្លាំងបែបនេះ ។
គួរបញ្ជាក់ថា អារ៉ាប់រួមកាលពីថ្ងៃអង្គារបានជួបប្រទះភ្លៀងធ្លាក់យ៉ាងចាស់ដៃក្នុងកម្រិត ២៥៤ មិល្លីម៉ែត្រក្នុងរយៈពេលមិនដល់ ២៤ ម៉ោងផង ហើយនេះក៏ជាកម្រិតដ៏ច្រើនបំផុតមិនធ្លាប់មានផងដែរក្នុងរយៈពេល ៧៥ ឆ្នាំ ខណៈគ្រោះធម្មជាតិនេះទៀតសោតក៏បានផ្ដាច់យកជីវិតបុរសចំណាស់ម្នាក់វ័យ ៧០ ឆ្នាំផងដែរ បន្ទាប់ពីរថយន្តរបស់គាត់ជាប់គាំនៅក្នុងជំនន់ទឹកភ្លៀងភ្លាមៗនៅក្នុងទីក្រុង Ras Al Khaimah ភាគខាងជើងរបស់ប្រទេស ៕
សូមទស្សនាវីដេអូ!
ដោយ ៖ សុខ ជីវ័ន្ត
ចុចអាន ៖ ភ្លៀងធ្លាក់មិនប្រណីដៃនៅ អារ៉ាប់រួម ចាប់ផ្ដើមផ្ដាច់យកជីវិតមនុស្ស
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ