ព័ត៌មានអន្ដរជាតិ
តៃវ៉ាន់ បញ្ចេញលុយជិត ៩០០លានដុល្លារ សម្រាប់ជំនួយសង្គ្រោះការរញ្ជួយដី
កញ្ចប់ថវិកាចំនួន ៨៧៨លានដុល្លារ ត្រូវបានរដ្ឋាភិបាលតៃវ៉ាន់សម្រេចអនុម័តហើយ ដើម្បីធ្វើជាជំនួយសង្គ្រោះក្រោយកើតមានការរញ្ជួយដីដ៏ធ្ងន់ធ្ងរ កាលពីខែមេសាកន្លងទៅ ដែលបានឆក់យកជីវិតមនុស្សយ៉ាងហោចណាស់ ១៧នាក់ និងបានបំផ្លិចបំផ្លាញហេដ្ឋរចនាសម្ព័ន្ធអស់ជាច្រើន។ ការអនុម័តនេះ ធ្វើឡើងនៅថ្ងៃទី២ ខែឧសភា។ នេះបើយោងតាមការចុះផ្សាយរបស់សារព័ត៌មាន Channel News Asia។
គ្រោះរញ្ជួយដីកម្រិត៧,៤វិចទ័រ បានវាយប្រហារកោះតៃវ៉ាន់ កាលពីថ្ងៃទី៣ ខែមេសា ដោយមានមនុស្សច្រើនជាង ១ ១០០នាក់បានរងរបួស និងមានការបាក់រលំដីជាច្រើនកន្លែង បណ្ដាលឲ្យខូចខាតផ្លូវ និងសំណង់អគារមួយចំនួន។
គណៈរដ្ឋមន្ត្រីតៃវ៉ាន់ បានប្រកាសថា កញ្ចប់ជំនួយនេះ នឹងជួយកសាងប្រទេស និងសកម្មភាពពាណិជ្ជកម្មឡើងវិញ។ ក្នុងនោះ ប្រាក់ចំនួនជាង ៥៦៧លានដុល្លារ នឹងត្រូវយកទៅប្រើសម្រាប់ការជួសជុលនិងកសាងឡើងវិញនូវបរិក្ខារសាធារណៈ ខណៈដែលប្រមាណ ១៨០លានដុល្លារ សម្រាប់ជំនួយខូចខាតផ្ទះឯកជនរបស់ប្រជាពលរដ្ឋ ហើយជាង ១២៥លានដុល្លារ សម្រាប់ហិរញ្ញប្បទានស្ដារឡើងវិញនូវផ្នែកឧស្សាហកម្ម។ នៅសល់ខ្ទង់ ៦លានដុល្លារ នឹងត្រូវប្រើក្នុងកម្មវិធីជំនួយការងារ និងការឧបត្ថម្ភធនធានារ៉ាប់រងផ្សេងៗ។
គួររំឭកថា ការរញ្ជួយដីនៅតៃវ៉ាន់លើកនេះ គឺជាគ្រោះរញ្ជួយដីដ៏ធ្ងន់ធ្ងរបំផុតមួយ បន្ទាប់ពីគ្រោះរញ្ជួយដីកម្រិត៧,៧វិចទ័រ កាលពីឆ្នាំ១៩៩៩ ដែលបណ្ដាលឲ្យមនុស្សស្លាប់ប្រមាណ ២ ៤០០នាក់ ហើយបានក្លាយជាសោកនាដកម្មគ្រោះធម្មជាតិដ៏ធំបំផុតមិនធ្លាប់មាននៅក្នុងប្រវត្តិសាស្ត្រកោះតៃវ៉ាន់៕
ដោយ៖ ឈាង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?