ព័ត៌មានអន្ដរជាតិ
រុស្ស៊ីប្រកាសរើសទ័ពបន្ថែម ដោយផ្ដល់ប្រាក់រង្វាន់ច្រើនសម្រាប់អ្នកដែលហ៊ានចេញច្បាំងនៅអ៊ុយក្រែន
អាជ្ញាធរទីក្រុងមូស្គូ បានប្រកាសផ្តល់ប្រាក់រង្វាន់លើកទឹកចិត្តនៅក្នុងចំំនួនដ៏ច្រើន ដើម្បីរើសក្រុមទាហានថ្មីសម្រាប់ចូលរួមធ្វើសង្គ្រាមនៅឯសមរភូមិក្នុងប្រទេសអ៊ុយក្រែន។ ការផ្តលប្រាក់រង្វាន់ច្រើននេះត្រូវបានគេរំពឹងថាជាវិធានការបង្កើនកងកម្លាំងបន្ថែម បន្ទាប់ពីបាត់បង់ទ័ពអស់ជាច្រើននាក់នៅក្នុងភ្លើងសង្គ្រាមរយៈពេលជាង២ឆ្នាំកន្លងទៅនេះ។
អភិបាលក្រុងមូស្គូ លោក Sergey Sobyanin បានប្រាប់នៅក្នុងសេចក្តីថ្លែងការណ៍មួយកាលពីថ្ងៃអង្គារថា ប្រាក់រង្វាន់សម្រាប់ការចុះឈ្មោះលើកដំបូង មានចំនួន ១,៩លានរូប្លិ៍ (ប្រហែល ២២ ០០០ដុល្លារ) សម្រាប់អ្នករស់នៅក្នុងទីក្រុងដែលចូលរួមជាមួយយោធា។
លោក Sobyanin បានបន្ថែមថា ក្រោយបម្រើយោធារយៈពេល១ឆ្នាំ កងទ័ពម្នាក់អាចរកកម្រៃបានច្រើនដល់៥៩ ៦០០ដុល្លារ។ មួយវិញទៀត បើរងរបួសពេលបម្រើការងារ នោះពួកគេនឹងអាចទទួលបានប្រាក់ឧបត្ថម្ភចន្លោះពី ៥ ៦៩០ដុល្លារ ទៅ ១១ ៣៩០ដុល្លារ តែបើក្នុងករណីបាត់បង់ជីវិត នោះគ្រួសាររបស់ពួកគេអាចទទួលបាន ៣៤ ១៥០ដុល្លារ។
រហូតដល់បច្ចុប្បន្ននេះ ចំនួនកងទ័ពដែលស្លាប់របស់រុស្ស៊ីនៅតែលាក់ជាការណ៍សម្ងាត់ ប៉ុន្តែបើតាមការប៉ាន់ប្រមាណ ចំនួនអ្នកបាត់បង់ជីវិតអាចមានចំនួនច្រើនខ្លាំង។ ក្រសួងការពារជាតិអង់គ្លេស បាននិយាយកាលពីថ្ងៃទី១២ ខែកក្កដាថា ទ័ពរុស្ស៊ីជាង៧ម៉ឺននាក់ ទំនងជាត្រូវបានសម្លាប់ឬរងរបួសនៅក្នុងខែឧសភា និងខែមិថុនាកន្លងទៅ ហើយការបាត់បង់កងកម្លាំងច្រើនជាងគេគឺស្ថិតនៅតំបន់ជួរមុខទីក្រុងខាកៀវ (Kharkiv)។
ដោយឡែកបើតាមប្រភពដែលបង្ហើបប្រាប់សារព័ត៌មាន CNN កាលពីខែធ្នូ ឆ្នាំ២០២៣ រដ្ឋាភិបាលក្រុងមូស្គូបានបាត់បង់ទ័ពជើងគោកជួរមុខចំនួន៨៧% បន្ទាប់ពីបើកប្រតិបត្តិការឈ្លានពានអ៊ុយក្រែនកាលពីឆ្នាំ២០២២កន្លងទៅ។ រុស្ស៊ីក៏បានបាត់បង់យុទ្ធោបករណ៍មានរថក្រោះជាដើមចំនួន២ភាគ៣។
នៅក្នុងក្រឹត្យរបស់វិមានក្រឹមឡាំងកាលពីចុងឆ្នាំមុន បានឲ្យដឹងថា លោក វ៉ា្លឌឺមៀ ពូទីន ប្រធានាធិបតីរុស្ស៊ី បានបញ្ជាឲ្យរើសកងទ័ពចំនួន១៧ម៉ឺននាក់បន្ថែមទៀត សម្រាប់បង្គ្រប់ចំនួនកងកម្លាំងយោធារុស្ស៊ីឲ្យបានលើសពី ២,២លាននាក់ ដោយក្នុងនោះមានទាហានសម្រាប់ច្បាំងចំនួន១,៣២លាននាក់។
គួរបញ្ជាក់ថា រុស្ស៊ីមិនត្រឹមតែប្រកាសរើសកងកម្លាំងនៅក្នុងប្រទេសនោះទេ តែរុស្ស៊ីថែមទាំងរើសកងកម្លាំងពីបរទេសផងដែរ។ តួយ៉ាងដូចជា ការរើសទាហានជនជាតិនេប៉ាល់ចំនួន ១៥០០០នាក់ ឲ្យទៅចូលរួមប្រយុទ្ធនៅអ៊ុយក្រែន ហើយចំនួនអ្នកស្លាប់ ឬរងរបួសនៅមិនទាន់មានរបាយការណ៍ច្បាស់លាស់បញ្ជាក់នោះទេ។ បើតាមទាហាននេប៉ាល់ម្នាក់ប្រាប់ទៅសារព័ត៌មាន CNN រុស្ស៊ីបានរើសទាហានពីច្រើនប្រទេសផ្សេងទៀត រួមមាន អាហ្វហ្គានីស្ថាន ឥណ្ឌា កុងហ្គោ និងអេហ្ស៊ីប ហើយមុនចូលប្រយុទ្ធនៅសមរភូមិ ពួកគេត្រូវឆ្លងការវគ្គបណ្ដុះបណ្ដាលរយៈពេលខ្លីជាមុនសិន៕
ដោយ៖ ឈាង
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?