ព័ត៌មានអន្ដរជាតិ

កូរ៉េខាងជើង ប្រឹងផលិតស្រាបៀរនាំចេញច្រើនជាងមុន ដើម្បីបង្កើនចំណូលរូបិយប័ណ្ណបរទេស

បានផុស

២ years មុន

នៅ

ថ្ងៃសុក្រ ៣០ សីហា ២០២៤

ដោយ

Chheang

រោងចក្រភេសជ្ជៈ Kyonghung Unhasu របស់ប្រទេសកូរ៉េខាងជើង បានចាប់ផ្តើមបង្កើនផលិតផលស្រាបៀររបស់ខ្លួនយ៉ាងញាប់ដៃញាប់ជើងជាទីបំផុត ដើម្បីទាញប្រាក់ចំណូលជារូបិយប័ណ្ណបរទេស។ នេះបើយោងតាមការចុះផ្សាយរបស់សារព័ត៌មានកូរ៉េខាងត្បូង Daily NK នៅថ្ងៃទី៣១ខែសីហា។

សកម្មភាពប្រជាជនកូរ៉េខាងជើងកំពុងផឹកស្រាបៀរ (រូបភាព៖ *DPRK Today*)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងលក្ខខណ្ឌមិនបញ្ចេញឈ្មោះ ប្រភពមួយនៅទីក្រុងព្យុងយ៉ាងបានប្រាប់ Daily NK កាលពីថ្ងៃចន្ទថា រោងចក្រ Kyonghung Unhasu «ថ្មីៗនេះបានបង្កើតផលិតផលស្រាបៀរជាច្រើនប្រភេទ រួមមាន ស្រាបៀរដប ស្រាបៀរកំប៉ុង និងស្រាបៀរដ្រាហ្វ (Darft) ច្រកចូលដប ហើយបានចាប់ផ្តើមដឹកជញ្ជូនផលិតផលទាំងនោះកាលពីចុងខែកក្កដា»។

រោងចក្របានផ្តោតសំខាន់លើការផលិតស្រាបៀរ ដោយសារតែមានបញ្ជាពីរដ្ឋាភិបាល ដើម្បីពង្រីកការរកចំណូលរូបិយប័ណ្ណបរទេសតាមរយៈការនាំចេញ។ ប្រភពដដែលបានបន្តថា៖ «នៅដើមខែមិថុនា រោងចក្របានទទួលបញ្ជាពីរដ្ឋាភិបាលដោយស្នើឲ្យខ្លួនពង្រីកការនាំចេញដោយធ្វើពិពិធកម្មផលិតផលស្រាបៀរ និងបង្កើនផលិតកម្ម»។

អាជ្ញាធរកូរ៉េខាងជើងបានបញ្ជាឲ្យរោងចក្របង្កើនការនាំចេញដោយមានគោលដៅសំខាន់ៗចំនួន២។ ទី១គឺពួកគេចង់លើកកម្ពស់ឧស្សាហកម្មស្រាបៀររបស់ប្រទេសជាអន្តរជាតិ ដោយធ្វើឲ្យស្រាបៀរកូរ៉េខាងជើងកាន់តែពេញនិយមសម្រាប់ជនបរទេស រួមទាំងអ្នកដែលបានមកទស្សនាក្នុងនាមជាអ្នកទេសចរ និងអ្នកដែលចង់ដឹងចង់ឃើញអំពីប្រទេសកូរ៉េខាងជើង។ ទី២គឺពួកគេស្វែងរកការបង្កើនប្រាក់ចំណូលជារូបិយប័ណ្ណបរទេសតាមរយៈការនាំចេញស្រាបៀរ។

អាជ្ញាធរកូរ៉េខាងជើងបានបញ្ជាថា ស្រាបៀរសម្រាប់នាំចេញត្រូវដាក់តម្លៃទាបជាងស្រាបៀរនៅក្នុងស្រុក។ ជាការពិត ស្រាបៀរដែលផលិតនៅរោងចក្រភេសជ្ជៈ Kyonghung Unhasu ដាក់លក់នៅក្នុងស្រុកតម្លៃ ៤០០០វ៉ុន (ប្រហែល៤,៤ដុល្លារ) ក្នុងមួយដប ខណៈដែលវាមានតម្លៃប្រហែល ២០០០វ៉ុន (ប្រហែល២,២ដុល្លារ) ប៉ុណ្ណោះនៅក្នុងប្រទេសចិន៕

ដោយ៖ ឈាង

Related Topics:ប្រទេសកូរ៉េខាងជើង