ព័ត៌មានអន្ដរជាតិ

ថៃ ប្រកាសថា តំបន់៤៩កន្លែងងាយរងគ្រោះព្រោះទឹកជំនន់ និងបំណាក់ដី

បានផុស

២ years មុន

នៅ

ថ្ងៃអង្គារ ៣ កញ្ញា ២០២៤

ដោយ

Chheang

តំបន់ចំនួន ៤៩កន្លែងនៅក្នុងប្រទេសថៃ ត្រូវបានគេចាត់ទុកថាជាកន្លែងដែលងាយរងគ្រោះដោយសារទឹកជំនន់ ឬបំណាក់ដី។ នេះបើយោងតាមការចុះផ្សាយរបស់សារព័ត៌មាន Bangkok Post នៅថ្ងៃទី៣ខែកញ្ញា។

ទឹកជំនន់នៅខេត្ត Phuket ប្រទេសថៃ (រូបភាព៖ Phuket PR Office)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Bangkok Post បានផ្សាយថា ការព្រមាននេះ ធ្វើឡើងដោយនាយកដ្ឋានធនធានរ៉ែរបស់ប្រទេសថៃ នៅថ្ងៃអង្គារនេះ ដែលបានប្រើគំរូគណិតវិទ្យា និងទិន្នន័យភូមិសាស្ត្រ ដើម្បីដឹងអំពីភូមិ និងសហគមន៍ដែលមានហានិភ័យខ្ពស់បំផុត បង្កឡើងដោយគ្រោះទឹកជំនន់ ឬបំណាក់ដី។ Bangkok Post មិនបានរៀបរាប់លម្អិតអំពីតំបន់ដែលងាយរងគ្រោះទាំង៤៩កន្លែងនោះឡើយ តែត្រឹមផ្សាយថា តំបន់ទេសចរណ៍ Phuket ចាស់ និងតំបន់ទេសចរណ៍ល្បី២កន្លែងនៅស្រុក Muang ក៏ស្ថិតក្នុងចំណោមតំបន់ងាយរងគ្រោះផងដែរ។

សូមបញ្ជាក់ថា កាលពីថ្ងៃទី២៣ខែសីហា ភ្លៀងធ្លាក់ខ្លាំងបានបណ្តាលឲ្យមានបំណាក់ដីជាច្រើនកន្លែងនៅខេត្ត Phuket ដែលបណ្ដាលឲ្យមនុស្ស១៣នាក់ស្លាប់ និង១៩នាក់ផ្សេងទៀតរងរបួស ហើយផ្ទះជាង៥០ខ្នងរងការខូចខាត។ អាជ្ញាធរថៃ បានបន្ទោសលើការឈូសឆាយដើមឈើលើកំពូលភ្នំ Nak Koet ដើម្បីធ្វើផ្លូវសម្រាប់បដិមាយក្ស ដែលគេស្គាល់ថាជាព្រះពុទ្ធរូបដ៏ធំសម្បើម។

ដោយសារមានភ្លៀងធ្លាក់ខ្លាំង និងការព្យាករពីស្ថានភាពអាក្រក់លើផ្ទៃសមុទ្រដែលមានរយៈពេលរហូតដល់ថ្ងៃសៅរ៍ អភិបាលខេត្ត Phuket លោក Sophon Suwannarat បានបញ្ជាឲ្យភ្នាក់ងារទាំងអស់ត្រៀមលក្ខណៈសម្រាប់ទឹកជំនន់ភ្លាមៗ និងបំណាក់ដីដែលអាចកើតមានឡើង៕