ព័ត៌មានអន្ដរជាតិ
រុស្ស៊ីបាញ់ទម្លាក់ដ្រូនអ៊ុយក្រែនជាង៦០គ្រឿង ដែលវាយប្រហារក្រុងមូស្គូ និងតំបន់ក្បែរព្រំដែន
អង្គភាពការពារដែនអាកាសរបស់រុស្ស៊ី បានកម្ទេចដ្រូន (យន្តហោះគ្មានមនុស្សបើក) របស់អ៊ុយក្រែនយ៉ាងហោចណាស់៧គ្រឿងដែលសំដៅវាយប្រហារលើរដ្ធធានីមូស្គូ ខណៈដែលដ្រូនចំនួន ៥៩គ្រឿងផ្សេងទៀតក៏ត្រូវបានបាញ់ទម្លាក់ពីលើតំបន់ Bryansk ជិតព្រំដែនជាមួយអ៊ុយក្រែន។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី១០ខែកញ្ញា។
អភិបាលក្រុងមូស្គូ លោក Sergei Sobyanin បានបង្ហោះសារនៅលើបណ្ដាញទំនាក់ទំនងតេឡេក្រាម(Telegram) ថា យោងតាមព័ត៌មានបឋម មិនមានការខូចខាត ឬរបួសនៅកន្លែងដែលមានធ្លាក់កម្ទេចកម្ទីនៃការបាញ់ទម្លាក់ដ្រូនទាំងនោះទេ។
លោក Sobyanin បានបន្ថែមថា ដ្រូនត្រូវបានបាញ់ទម្លាក់នៅក្នុងសង្កាត់ Lyubertsy និងសង្កាត់ Ramenskoye នៃក្រុងមូស្គូ ក៏ដូចជានៅក្នុងទីក្រុង Podolsk ដែលមានចម្ងាយប្រហែល ៣៨គីឡូម៉ែត្រភាគខាងត្បូងនៃវិមានក្រឹមឡាំង។
គ្រុបតេឡេក្រាម SHOT និង Baza របស់រុស្ស៊ី ដែលនៅជិតស្និទ្ធនឹងទីភ្នាក់ងារសន្តិសុខជាតិ បានឲ្យដឹងថា ជើងហោះហើរនៅអាកាសយានដ្ឋាន Vnukovo និង Domodedovo របស់ទីក្រុងមូស្គូត្រូវបានផ្អាក ខណៈកំពុងមានការវាយប្រហារដោយដ្រូនរបស់អ៊ុយក្រែន។
លោក Alexander Bogomaz អភិបាលនៃតំបន់ Bryansk ភាគនិរតីនៃប្រទេសរុស្ស៊ី ដែលមានព្រំប្រទល់ជាប់នឹងប្រទេសអ៊ុយក្រែន បានប្រកាសថា អង្គភាពការពារដែនអាកាសបានបំផ្លាញដ្រូនចំនួន ៥៩គ្រឿងទាំងយប់។ លោកបាននិយាយនៅលើតេឡេក្រាមថា មិនមានការខូចខាតឬរងរបួសទេ។
បើតាមសារតេឡេក្រាមរបស់អភិបាលតំបន់ Lipetsk លោក Igor Artamonov ដ្រូនជាច្រើនគ្រឿងក៏ត្រូវបានបាញ់ទម្លាក់ផងដែរនៅក្នុងតំបន់ Lipetsk របស់រុស្ស៊ី ដែលមានចម្ងាយរាប់រយគីឡូម៉ែត្រពីភាគខាងត្បូងទីក្រុងមូស្គូ។ លោកក៏បានរាយការណ៍ថា មិនមានរបួស ឬខូចខាតអ្វីធ្ងន់ធ្ងរនោះទេ។
ជារឿយៗមន្ត្រីរុស្ស៊ីមិនដែលបង្ហាញអំពីទំហំពេញលេញនៃការខូចខាត ក្រោយរងការវាយប្រហាររបស់អ៊ុយក្រែននោះទេ។ យ៉ាងណា មកទល់នឹងពេលនេះ ក៏មិនទាន់មានសេចក្ដីរាយការណ៍ពីភាគីអ៊ុយក្រែននោះដែរទាក់ទិននឹងការវាយប្រហារមួយនេះ។
ទីក្រុងកៀវ ធ្លាប់បានបញ្ជាក់ថា ការវាយប្រហារលើហេដ្ឋារចនាសម្ព័ន្ធយោធា ដឹកជញ្ជូន និងថាមពលរបស់រុស្ស៊ី គឺជាការឆ្លើយតបទៅនឹងការវាយប្រហាររបស់ទីក្រុងមូស្គូមកលើទឹកដីរបស់ខ្លួន ចាប់តាំងពីការចាប់ផ្តើមនៃការឈ្លានពានរបស់រុស្ស៊ីលើអ៊ុយក្រែន ក្នុងឆ្នាំ២០២២៕
ដោយ៖ ឈាង
កម្ពុជា-ថៃ ពិចារណារៀបចំកិច្ចប្រជុំចង្អៀតគណៈរដ្ឋមន្ត្រីចម្រុះឱ្យបានឆាប់ ដើម្បីពង្រីកទំនាក់ទំនងកាន់តែស៊ីជម្រៅ
មន្ត្រីជាន់ខ្ពស់សុខាភិបាល៖ ផឹកស្រាបណ្តាលឱ្យប៉ះពាល់ថ្លើម លំពែង រលាកក្រពះពោះវៀន និងកើតជំងឺមហារីក
ក្រសួងការងារ បើកសិក្ខាសាលាផ្សព្វផ្សាយឯកសារសំខាន់ៗ៣ ផ្តល់ព័ត៌មានពីទីផ្សារ និងឱកាសការងារសម្រាប់យុវជន
ការសិក្សា៖ ចំនួនសត្វព្រៃធ្លាក់ចុះ ៧៣ ភាគរយក្នុងរយៈពេល៥០ឆ្នាំចុងក្រោយ
ចំនួនអ្នកស្លាប់នៅលីបង់កើនឡើង ខណៈរដ្ឋអារ៉ាប់កំពុងប្រឹងប្រែងដើម្បីបទឈប់បាញ់
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
រន្ធត់! ថតជាប់វីដេអូរលកយក្សកម្ពស់ជាង៨ម៉ែត្រ បោកសំដៅទៅរដ្ឋ Florida
តារាចម្រៀង ថុល លីណា ជួបគ្រោះថ្នាក់ចរាចរណ៍បាត់បង់ជីវិតទាំងវ័យក្មេង ពេលចេញពីច្រៀងពេលយប់
ទៅដល់រដ្ឋ Florida ហើយ! កំពូលព្យុះ Milton ចាប់ផ្តើមសម្លាប់មនុស្សនិងបង្កការបំផ្លិចបំផ្លាញ
ភាគខាងត្បូងថៃ កំពុងប្រឈមគ្រោះថ្នាក់ ដោយជំនន់ទឹកភ្លៀង
-
ព័ត៌មានអន្ដរជាតិ៦ ថ្ងៃ agoប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
-
ព័ត៌មានអន្ដរជាតិ២ ថ្ងៃ agoអ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
ព័ត៌មានអន្ដរជាតិ១ ថ្ងៃ agoគួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ១ ថ្ងៃ agoMiss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
សេដ្ឋកិច្ច៧ ម៉ោង agoរោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ជីវិតកម្សាន្ដ២ ថ្ងៃ agoអ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ចរាចរណ៍៥ ថ្ងៃ agoរថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
សន្តិសុខសង្គម១ សប្តាហ៍ agoយុវជន ៣ នាក់ បាត់បង់ជីវិតដោយសារលង់ទឹក