ព័ត៌មានអន្ដរជាតិ

ថៃប្រាប់ពលរដ្ឋខ្លួនដែលរស់នៅព្រំដែនអ៊ីស្រាអែល-លីបង់ចាកចេញ

បានផុស

២ years មុន

នៅ

ថ្ងៃពុធ ២ តុលា ២០២៤

ដោយ

ខណៈពេលដែលអ៊ីស្រាអែលបញ្ជាឱ្យមានការប្រយុទ្ធតាមផ្លូវគោកចូលទឹកដីលីបង់ដែលខ្លួនអះអាងថា ខ្លួននឹងបោសសម្អាតក្រុមសកម្មប្រយុទ្ធហេសបូឡាដែលគាំទ្រដោយអ៊ីរ៉ង់ និងការប្តេជ្ញាវាយបករបស់ក្រុមហេសបូឡា ស្ថានទូតថៃប្រចាំប្រទេសអ៊ីស្រាអែលបានជូនដំណឹងដល់ប្រជាជនខ្លួនដែលរស់នៅតំបន់ជិនព្រំដែននៃប្រទេសទាំងពីរត្រូវចាកចេញជាបន្ទាន់។

ការវាយប្រហាររបស់អ៊ីស្រាអែលតាមផ្លូវអាកាសកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងសេចក្តីជូនដំណឹងដែលផ្សព្វផ្សាយដោយភ្នាក់ងារព័ត៌មាន Khaosod ដោយសារជម្លោះនៅតែបន្ត ប្រជាជនថៃក្នុងប្រទេសអ៊ីស្រាអែល ជាពិសេសអ្នកដែលរស់នៅជិតព្រំដែនលីបង់ ត្រូវជំរុញឱ្យចាកចេញ។

អ៊ីស្រាអែលបានដាក់បទបញ្ជាថ្មីដោយតម្រូវឱ្យធ្វើសង្គ្រាមតាមផ្លូវគោកចូលទឹកដីលីបង់កាលថ្ងៃទី១ ខែតុលា។

ទន្ទឹមនឹងការប្រយុទ្ធគ្នារវាងភាគីទាំងពី អ៊ីរ៉ង់ក៏បានគំរាមវាយប្រហារកាន់តែខ្លាំងលើអ៊ីស្រាអែល បើអ៊ីស្រាអែលឆ្លើយតបនឹងការបាញ់កាំជ្រូចជិត២០០គ្រាប់ចូលទឹកដីអ៊ីស្រាអែល បើទោះបីជាកំាជ្រូចភាគច្រើនត្រូវបានស្ទាក់ចាប់និងកម្ទេចនៅលើអាកាស។

យោងទីភ្នាក់ងារព័ត៌មានរ៉យទ័រ កងទ័ពឆ្មាំបដិវត្តន៍អ៊ីរ៉ង់បានគំរាមវាយប្រហារដ៏ធ្ងន់ធ្ងរបំផុតប្រឆាំងនឹងអ៊ីស្រាអែល ប្រសិនបើអ៊ីស្រាអែលតបតសងសឹកចំពោះការវាយប្រហារដោយកាំជ្រួចដោយសាធារណរដ្ឋអ៊ីស្លាមនៅថ្ងៃទី១ខែតុលា នៅថ្ងៃដែលនាយករដ្ឋមន្ត្រីរុស្ស៊ីបំពេញទស្សនកិច្ចអ៊ីរ៉ង់។

អង្គភាពឆ្មាំបដិវត្តន៍អ៊ីស្លាម (IRGC) បាននិយាយនៅក្នុងសេចក្តីថ្លែងការណ៍មួយ ដែលធ្វើឡើងដោយទីភ្នាក់ងារសារព័ត៌មាន Fars ថា ខ្លួននឹងវាយប្រហារឱ្យបានខ្លាំងកា្ល ប្រសិនបើរបបអ៊ីស្រាអែល មានប្រតិកម្មចំពោះប្រតិបត្តិការរបស់អ៊ីរ៉ង់៕