ព័ត៌មានអន្ដរជាតិ
លោក គីម៖ កូរ៉េខាងជើងមិនរួញរាប្រើអាវុធនុយក្លេអ៊ែរ បើត្រូវគេឈ្លានពាន
បើអធិបតេយ្យភាពរបស់កូរ៉េខាងជើងត្រូវបានឈ្លានពានដោយកូរ៉េខាងត្បូង និងសហរដ្ឋអាមេរិក នោះកងកម្លាំងក្រុងព្យុងយ៉ាងនឹងប្រើប្រាស់អាវុធនុយក្លេអ៊ែរដោយមិនស្ទាក់ស្ទើរចិត្តនោះឡើយ។ នេះជាការលើកឡើងរបស់លោក គីម ជុងអ៊ុន មេដឹកនាំកូរ៉េខាងជើង ដែលត្រូវបានចុះផ្សាយដោយទីភ្នាក់ងារព័ត៌មានរដ្ឋ KCNA នៅថ្ងៃសុក្រទី៤ខែតុលា។
លោក គីម បាននិយាយថា៖ «បើសត្រូវប៉ុនប៉ងប្រើប្រាស់កងកម្លាំងប្រដាប់អាវុធរំលោភបំពានលើដែនដីកូរ៉េខាងជើង កូរ៉េខាងជើងនឹងប្រើប្រាស់នូវរាល់កងកម្លាំងការពារទាំងអស់ដែលខ្លួនមាន រួមទាំងអាវុធនុយក្លេអ៊ែរផងដែរ ដោយគ្មានការរួញរាចិត្តនោះទេ»។
ការប្រកាសរបស់លោក គីម ធ្វើឡើងបន្ទាប់ពីកូរ៉េខាងត្បូងបានធ្វើព្យុហយាត្រាយោធាកាលពីដើមសប្តាហ៍ ដោយលោកប្រធានាធិបតី Yoon Suk Yeol បានគំរាមកំហែងថានឹង «បញ្ចប់របបកូរ៉េខាងជើង» បើទីក្រុងព្យុងយ៉ាងប្រើប្រាស់អាវុធនុយក្លេអ៊ែរ។
លោក Yoon បានរៀបរាប់ថា៖ «ប្រសិនបើកូរ៉េខាងជើងព្យាយាមប្រើប្រាស់អាវុធនុយក្លេអ៊ែរ ខ្លួននឹងប្រឈមមុខនឹងការឆ្លើយតបយ៉ាងម៉ឺងម៉ាត់ និងលើសលប់នៃយោធារបស់យើង និងសហរដ្ឋអាមេរិក ព្រមទាំងសម្ព័ន្ធមិត្តរបស់កូរ៉េខាងត្បូង។ ថ្ងៃនោះនឹងក្លាយជាការបញ្ចប់នៃរបបកូរ៉េខាងជើង»។
ជាការឆ្លើយតបនឹងការលើកឡើងទាំងនោះ លោក គីម បានចាត់ទុកមេដឹកនាំកូរ៉េខាងត្បូងថាជា «អាយ៉ង» និងជា «មនុស្សមិនប្រក្រតី»។
សេចក្តីថ្លែងការណ៍របស់លោក គីម ក៏បានសំដៅទៅលើសម្ព័ន្ធភាពរបស់កូរ៉េខាងត្បូងជាមួយសហរដ្ឋអាមេរិក ដែលជាដៃគូយោធាដ៏សំខាន់របស់ខ្លួន។
កូរ៉េខាងត្បូង មិនមានអាវុធនុយក្លេអ៊ែរនោះទេ តែនៅលើទឹកដីរបស់ខ្លួនមានទាហានអាមេរិកឈរជើងរាប់ម៉ឺននាក់ឯណោះ ដែលប្រៀបបានដូចជាឆ័ត្រនុយក្លេអ៊ែរជួយពាំងគ្រាប់ឲ្យកូរ៉េខាងត្បូង។
ទំនាក់ទំនងរវាងកូរ៉េខាងជើង និងកូរ៉េខាងត្បូងធ្លាក់ដល់ចំណុចទាបបំផុតមួយក្នុងរយៈពេលប៉ុន្មានឆ្នាំចុងក្រោយនេះ ដោយក្រុងព្យុងយ៉ាងកាលពីពេលថ្មីៗបានប្រកាសពីការដាក់ពង្រាយមីស៊ីលប៉ាលិស្ទិកចំនួន២៥០គ្រាប់ទៅកាន់ព្រំដែនភាគខាងត្បូងរបស់ខ្លួន។
ក្រុងព្យុងយ៉ាងបានចាត់ទុកប្រទេសកូរ៉េខាងត្បូងជា «សត្រូវចម្បង» ហើយបានប្រកាសខ្លួនថាជាមហាអំណាចអាវុធនុយក្លេអ៊ែរ «មិនអាចកែប្រែបានឡើយ»។ បន្ថែមពីនេះ កូរ៉េខាងជើងបានបដិសេធជាណាស់យូរមកហើយចំពោះការដាក់ទណ្ឌកម្មរបស់អង្គការសហប្រជាជាតិ ខណៈដែលខ្លួនមានការគាំទ្រពីសម្ព័ន្ធមិត្តរុស្ស៊ី និងចិន៕
ដោយ៖ ឈាង
លោក ត្រាំ ប្រាប់អ៊ីស្រាអែលកុំទាន់វាយអ៊ីរ៉ង់ ព្រោះកិច្ចព្រមព្រៀងជិតសម្រេចហើយ
តុលាការអាមេរិកបិទផ្លូវដាក់ពន្ធរបស់ ត្រាំ ដោយថា លោកធ្វើហួសអំណាចរបស់ខ្លួន
ជាថ្មីម្តងទៀត សម្តេចតេជោ អំពាវនាវឱ្យភាគីកម្ពុជា-ថៃ ស្វែងរករូបមន្តនៃការដោះស្រាយដោយសន្តិវិធី
អាកាសធាតុអំណោយផល កសិករក្នុងខេត្តសៀមរាប ចាប់ផ្តើមភ្ជួររាស់ដីបង្កបង្កើនផលស្រូវវស្សាលឿនជាងឆ្នាំមុន
វិបត្តិមនុស្សធម៌កាន់តែអាក្រក់នៅហ្គាហ្សា ខណៈប្រជាជនបន្តស្លាប់ដោយការបាញ់ផ្លោងនិងអត់អាហារ
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេចតេជោ៖ ខ្ញុំមិនអស់ចិត្តថាហេតុអីទាហានយើងស្លាប់នៅកន្លែងហ្នឹង
សម្ដេចហ៊ុន សែន ៖ ខ្ញុំមិនចង់ឃើញការប្រយុទ្ធណាមួយកើតឡើងទេ តែខ្ញុំគាំទ្រការសម្រេចររបស់ដ្ឋាភិបាល ក្នុងការបញ្ជូនទ័ពនិង អាវុធធុនធ្ងន់ទៅកាន់ព្រំដែន
អ៊ីស្រាអែល បន្តទម្លាក់គ្រាប់បែកនៅហ្គាហ្សា លើកនេះចំផ្ទះអ្នកកាសែត ស្លាប់មនុស្ស៨នាក់
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
ព័ត៌មានជាតិ១៦ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
ព័ត៌មានអន្ដរជាតិ៦ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច