ព័ត៌មានអន្ដរជាតិ
លោក Lai៖ ទំនាក់ទំនងតៃវ៉ាន់ជាមួយលោក ត្រាំ នឹងកាន់តែជ្រាលជ្រៅ
មេដឹកនាំកោះតៃវ៉ាន់ បានប្រកាសនៅថ្ងៃទី៦ខែធ្នូឆ្នាំ២០២៤ថា លោកមានទំនុកចិត្តលើកិច្ចសហប្រតិបត្តិការកាន់តែស៊ីជម្រៅជាមួយរដ្ឋបាលលោក ដូណាល់ ត្រាំ ដែលទើបឈ្នះការបោះឆ្នោតនៅសហរដ្ឋអាមេរិក។
លោក Lai Ching-te បានលើកឡើងថា៖ «តៃវ៉ាន់មានទំនុកចិត្តថា ខ្លួននឹងបន្តកិច្ចសហប្រតិបត្តិការស៊ីជម្រៅជាមួយរដ្ឋាភិបាលថ្មី ដើម្បីទប់ទល់នឹងការពង្រីកអំណាចផ្តាច់ការ និងបង្កើតភាពរុងរឿង និងការអភិវឌ្ឍសម្រាប់ប្រទេសទាំងពីរ ខណៈកំពុងរួមចំណែកបន្ថែមទៀតដល់ស្ថិរភាព និងសន្តិភាពក្នុងតំបន់»។
ការលើកឡើងរបស់លោក Lai ធ្វើឡើងមួយថ្ងៃបន្ទាប់ពីការជជែកតាមទូរសព្ទជាមួយប្រធានសភាសាធារណរដ្ឋអាមេរិក លោក Mike Johnson ដែលបានធ្វើឲ្យចិនក្ដៅស្លឹកត្រចៀកជាខ្លាំង។
កន្លងមក ចិនទាមទារតៃវ៉ាន់ជាផ្នែកមួយនៃទឹកដីរបស់ខ្លួន និងប្រឆាំងនឹងការទទួលស្គាល់ជាអន្តរជាតិលើកោះនេះ ហើយបានជំទាស់នូវទំនាក់ទំនងផ្លូវការរវាងតៃវ៉ាន់ និងសហរដ្ឋអាមេរិក។
សហរដ្ឋអាមេរិក មិនមានទំនាក់ទំនងការទូតផ្លូវការជាមួយតៃវ៉ាន់ទេ ប៉ុន្តែអាមេរិកគឺជា អ្នកគាំទ្រ និងផ្តល់អាវុធដ៏ធំបំផុត របស់តៃវ៉ាន់ជាយូរមកហើយ។
ដូចរដ្ឋាភិបាលពិភពលោកដទៃទៀតដែរ តៃវ៉ាន់បានអបអរសាទរជាសាធារណៈចំពោះជ័យជម្នះរបស់លោក ត្រាំ ក្នុងការបោះឆ្នោតប្រធានាធិបតីកាលពីដើមខែវិច្ឆិកា ត្បិតអីអំឡុងពេលយុទ្ធនាការឃោសនាបោះឆ្នោត លោក ត្រាំ បានប្រកាសក្ដែងៗថា តៃវ៉ាន់គួរតែបង់ប្រាក់ឲ្យអាមេរិកសម្រាប់ថ្លៃការពាររបស់ខ្លួន និងចោទប្រកាន់កោះនេះថាបានលួចឧស្សាហកម្មបន្ទះឈីប (semiconductor) របស់អាមេរិក៕
ដោយ៖ ឈាង
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៨ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន