ព័ត៌មានអន្ដរជាតិ

កូរ៉េខាងត្បូងបន្ថែមការដាក់ទណ្ឌកម្មលើមន្ត្រីនិងអង្គភាពជាច្រើនរបស់កូរ៉េខាងជើង

បានផុស

២ years មុន

នៅ

ថ្ងៃពុធ ១៨ ធ្នូ ២០២៤

ដោយ

រដ្ឋាភិបាលកូរ៉េខាងត្បូងបានដាក់ទណ្ឌកម្មជាថ្មីទៀតលើមន្រ្តីកូរ៉េខាងជើងចំនួន១១រូប និងអង្គភាពចំនួន១៥ ចំពោះការចូលរួមរបស់ពួកគេក្នុងកិច្ចសហប្រតិបត្តិការយោធារវាងកូរ៉េខាងជើង និងរុស្ស៊ី និងចោទប្រកាន់ពួកគេពីបទរំលោភលើដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសនេះត្រូវបានធ្វើឡើងដោយក្រសួងការបរទេសកូរ៉េខាងត្បូងកាលពីថ្ងៃអង្គារ។ វាកើតឡើងមួយថ្ងៃបន្ទាប់ពីសេចក្តីថ្លែងការណ៍រួមដែលចេញដោយរដ្ឋមន្ត្រីការបរទេសអាមេរិក ជប៉ុន កូរ៉េខាងត្បូង និងប្រទេសដទៃទៀត ដែលថ្កោលទោសទំនាក់ទំនងយោធាកាន់តែស៊ីជម្រៅរវាងកូរ៉េខាងជើង និងរុស្ស៊ី។

បុគ្គលម្នាក់ក្នុងចំណោមមន្រ្តីដែលត្រូវបានបន្ថែមក្នុងបញ្ជីដាក់ទណ្ឌកម្មគឺ លោក Kim Yong Bok អគ្គនាយរងអគ្គសេនាធិការ រួមទាំងមន្រ្តីជាច្រើនរូបទៀត។ មន្ត្រីកូរ៉េខាងត្បូង បាននិយាយថា លោកត្រូវបានគេបញ្ជូនទៅរុស្ស៊ីដើម្បីចូលរួមសង្គ្រាមប្រឆាំងអ៊ុយក្រែន។ ចំណែកនៅក្នុងបញ្ជីអង្គភាពដែលត្រូវបានដាក់ទណ្ឌកម្មគឺជាអង្គភាពកងកម្លាំងពិសេសដែលត្រូវបានបញ្ជូនទៅប្រទេសរុស្ស៊ីដែលត្រូវបានគេស្គាល់ថាជា Storm Corps ។ គោលដៅដាក់ទណ្ឌកម្មផ្សេងទៀតរួមមានបុគ្គល និងក្រុមហ៊ុន ដែលត្រូវបានគេជឿថាមានជាប់ពាក់ព័ន្ធក្នុងការជួញដូរអាវុធ។

គួរបញ្ជាក់ថាលោកប្រធានាធិបតីអ៊ុយក្រែនលោក Volodymyr Zelenskyy បាននិយាយថា លោកមានភស្តុតាងនៃការចូលរួមរបស់កូរ៉េខាងជើងនៅក្នុងសង្គ្រាម។ លោកបានបង្ហោះវីដេអូតាមបណ្តាញសង្គមអំពីអ្វីដែលលោកអះអាងថាជាទាហានរុស្ស៊ី និងកូរ៉េខាងជើងនៅសមរភូមិ។ លោកបានសរសេរថា ជនជាតិរុស្ស៊ីកំពុងព្យាយាមធ្វើឱ្យខូចមុខមាត់របស់ជនជាតិកូរ៉េខាងជើងដែលត្រូវបានសម្លាប់ក្នុងសកម្មភាពលាក់បាំងអត្តសញ្ញាណរបស់ពួកគេ៕