ព័ត៌មានអន្ដរជាតិ

លោក ត្រាំ ខលទៅអបអរ និងណាត់ជួបផ្ទាល់ជាមួយមេដឹកនាំថ្មីរបស់កាណាដា

បានផុស

១ year មុន

នៅ

ថ្ងៃពុធ ៣០ មេសា ២០២៥

ដោយ

Chheang

នៅក្នុងការសន្ទនាតាមទូរសព្ទកាលពីថ្ងៃទី២៩ខែមេសា ប្រធានាធិបតីអាមេរិក លោក ដូណាល់ ត្រាំ បានអបអរសាទរនាយករដ្ឋមន្ត្រីកាណាដា លោក Mark Carney ចំពោះជ័យជម្នះក្នុងការបោះឆ្នោតនាពេលថ្មីៗនេះ។

លោក ដូណាល់ ត្រាំ និងលោក Mark Carney (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយរបស់ BBC នៅថ្ងៃទី៣០ខែមេសានេះ មេដឹកនាំទាំងពីរ បានសង្កត់ធ្ងន់លើសារៈសំខាន់របស់កាណាដា និងសហរដ្ឋអាមេរិកដែលធ្វើការរួមគ្នា ក្នុងនាមជារដ្ឋអធិបតេយ្យ និងឯករាជ្យ ហើយបានយល់ព្រមជួបប្រជុំគ្នាដោយផ្ទាល់ក្នុងពេលដ៏ខ្លីខាងមុខ។

គណបក្សសេរីនិយមរបស់លោក Carney ទទួលបានអាសនៈចំនួន ១៦៩ ក្នុងចំណោមអាសនៈចំនួន ៣៤៣ នៅក្នុងការបោះឆ្នោតជាតិកាណាដា។ ការបោះឆ្នោតត្រូវបានជះឥទ្ធិពលយ៉ាងខ្លាំងដោយសារភាពតានតឹងរវាងសហរដ្ឋអាមេរិក និងកាណាដា រួមទាំងជម្លោះពាណិជ្ជកម្ម និងសុន្ទរកថាដ៏ចម្រូងចម្រាសរបស់លោក ត្រាំ ដូចជា ការទាមទារឲ្យកាណាដាក្លាយជារដ្ឋទី៥១របស់អាមេរិក ជាដើម។

យុទ្ធនាការរបស់លោក Carney បានផ្តោតលើការការពារអធិបតេយ្យភាព និងសេដ្ឋកិច្ចរបស់កាណាដា ដោយសន្យាថានឹងរក្សាពន្ធសងសឹកប្រឆាំងនឹងសហរដ្ឋអាមេរិក រហូតទាល់តែមានកិច្ចចរចារវាងភាគីទាំងពីរ។ លោកក៏បានសន្យាថានឹងផ្តល់ការបន្ធូរបន្ថយពន្ធសម្រាប់វណ្ណៈកណ្តាល រក្សាគោលនយោបាយអន្តោប្រវេសន៍ប្រកបដោយនិរន្តរភាព និងលើកកម្ពស់សេវាសាធារណៈផងដែរ។

កិច្ចប្រជុំនាពេលខាងមុខរវាងលោក ត្រាំ និងលោក Carney នឹងត្រូវបានឃ្លាំមើលយ៉ាងដិតដល់ ហើយអ្នកសង្កេតការណ៍រំពឹងថានឹងមានការពិភាក្សាលើកិច្ចសហប្រតិបត្តិការសេដ្ឋកិច្ច និងសន្តិសុខ ជាមួយនឹងក្តីសង្ឃឹមនៃការបន្ធូរបន្ថយភាពតានតឹង និងជំរុញការស្វែងយល់ពីគ្នាទៅវិញទៅមក៕

ដោយ៖ ឈាង

ចុចអាន៖ គណបក្សលោក Mark Carney ឈ្នះការបោះឆ្នោត ក្លាយជានាយករដ្ឋមន្ត្រីកាណាដាពេញសិទ្ធិ