ព័ត៌មានអន្ដរជាតិ
អាណិត! Miss Grand មីយ៉ាន់ម៉ា មកប្រឡងនៅថៃ មានលុយត្រឹម២០០ដុល្លារ
នៅក្នុងកម្មវិធី Talk Show កាលពីយប់មិញនា ប្រទេសថៃ បវរកញ្ញាមីយ៉ាន់ម៉ា នាង Han Lay បាននិយាយថា នាងបន្តស្នាក់នៅក្នុងប្រទេសថៃរយៈពេល២ខែទៀត ហើយរង់ចាំមើលសភាពការណ៍នៅមីយ៉ាន់ម៉ា។ ពេលណាដែលនាងមានសុវត្ថិភាពគ្រប់គ្រាន់ នាងនឹងវិលទៅមាតុភូមិវិញ។
ក្នុងកម្មវិធីជជែកកម្សាន្តផ្សាយផ្ទាល់ជាមួយពិធីករ Nawat Itsaragrisil ដែលជាប្រធាន Miss Grand International, នាង Han Lay បានលើកឡើងថា រូបនាងមិនសំងំសុខតែឯងហើយឱបដៃឈរមើលប្រជាជននាងស្លាប់រាល់ថ្ងៃបានទេ។ ពេលសមស្របណាមួយ នាងនឹងវិលត្រឡប់ទៅវិញជាក់ជាពុំខាន។
ហើយអ្វីដែលធ្វើឲ្យគេកាន់តែអាណិតនាងនោះគឺថា នាងជិះយន្តហោះមកប្រទេសថៃ ដោយមានលុយត្រឹមតែ២០០ដុល្លាប៉ុណ្ណោះ។ អ្នកគ្រប់គ្រងរបស់នាងមិនមានលុយច្រើនផ្តល់ឲ្យនាងទេ ព្រោះតែធានាគារទាំងអស់ជាប់គាំងលុយមិនអាចដកចេញ។
ប្រជាជនថៃចង់បរិច្ចាគប្រាក់ឲ្យនាង តែនាងមិនទទួលទេព្រោះនាងចង់បានលុយចេញពីការធ្វើការ ក៏ដូចជាលក់គ្រឿងសម្អាងរបស់ផលិតផល Miss Grand International ផងដែរហើយអីវ៉ាន់ទាំងអស់គឺលក់បានទូទាំងពិភពលោក នេះជារបៀបដែលអ្នកទាំងអស់គ្នាអាចជួយនាងបាន។
ទោះបីជាយ៉ាងណាក៏ដោយ រាល់ការស្នាក់នៅ Apartment និងថ្លៃម្ហូបអាហារក្នុងប្រទេសថៃ ជាការចំណាយរបស់លោក Nawat ទាំងអស់។
នាង Han Lay បានធ្វើឲ្យពិភពលោកភ្ញាក់ផ្អើលយ៉ាងខ្លាំង ដោយសារតែនាងហ៊ាននិយាយលើឆាកកម្មវិធីប្រឡងបវរកញ្ញា Miss Grand International ប្រឆាំងនឹងយោធាមីយ៉ាន់ម៉ានិងសុំជំនួយបរទេស។
នាងត្រូវបានគេដកស្រង់សម្តីថា “នៅពេលដែលខ្ញុំកំពុងឈរនៅលើឆាកនេះ មានមនុស្សជាង១០០នាក់បានស្លាប់។ ខ្ញុំសោកសៅណាស់ ចំពោះការបាត់បង់អាយុជីវិតរបស់ប្រជាជនទាំងនេះ។ ប្រជាជននៅក្នុងប្រទេសមីយ៉ាន់ម៉ា បានចេញតវ៉ាតាមដងផ្លូវដើម្បីប្រយុទ្ធទាមទារលទ្ធិប្រជាធិបតេយ្យ។ ខ្ញុំក៏ចង់ឃើញលទ្ធិប្រជាធិបតេយ្យនៅក្នុងប្រទេសដែរ។ សូមជួយមីយ៉ាន់ម៉ាផង។ យើងត្រូវការជំនួយអន្តរជាតិរបស់អ្នក យ៉ាងបន្ទាន់បំផុតនាពេលនេះ” ។
នៅលើឆាក នាងក៏បានច្រៀងចម្រៀងបទ “Heal the World” ទាំងទឹកភ្នែកផងដែរ ហើយធ្វើឲ្យទស្សនិកជនទះដៃអបអរសាទរយ៉ាងកងរំពង៕
ប្រែសម្រួលដោយ៖ Vann Vann
ប្រភព៖ FB: Mr.Nawat Itsaragrisil, Team Cambodia
ចុចអាន៖ ថៃ អនុញ្ញាតឲ្យបវរកញ្ញាមីយ៉ាន់ម៉ា បន្តស្នាក់នៅក្នុងប្រទេស ដើម្បីសុវត្ថិភាព
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»