ឈៀងម៉ៃ ត្រូវវាយប្រហារដោយគ្រោះរញ្ជួយដីកម្រិត ៤.៥ រ៉ិចទ័រ

គ្រោះរញ្ជួយដីកម្រិត ៤.៥រ៉ិចទ័របានវាយប្រហារខេត្ត ឈៀងម៉ៃ នៃប្រទេសថៃ បណ្តាលឲ្យពលរដ្ឋខ្លះភ័យរត់រកកន្លែងសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Khaosod ដែលដកស្រង់ប្រភពពីនាយកដ្ឋានឃ្លាំមើលគ្រោះរញ្ជួយដីរបស់នាយកដ្ឋានឧតុនិយម, រញ្ជួយដីកើតឡើងនាវេលាម៉ោង ២:០៧នាទីរសៀលថ្ងៃចន្ទទី២ខែមិថុនាឆ្នាំ២០២៥ ក្នុងតំបន់ Mae Pang ជាមួយជម្រៅ ត្រឹម១គីឡូម៉ែត្រប៉ុណ្ណោះ។

ប្រជាពលរដ្ឋរស់នៅក្នុងតំបន់បានប្រាប់អ្នកសារព័ត៌មានថា ផ្ទះរបស់ពួកគេរង្គើដោយរញ្ជួយដីនេះ ហើយពួកគេត្រូវរត់រកកន្លែងសុវត្ថិភាព ការពារគ្រោះថ្នាក់។

ក្រោយមក អាជ្ញាធរមូលដ្ឋានក៏ចេញបញ្ជាឲ្យក្រុមមន្ត្រីចុះទៅពិនិត្យនិងវាយតម្លៃការខូចខាត។ ទោះបីជាយ៉ាងណាក៏ដោយ មិនមានជនរងគ្រោះទេក្នុងការរញ្ជួយដីនេះ៕

អត្ថបទ៖ សុខ សុវណ្ណ

ចុចអាន៖ ខេត្តថៃ ចំនួន៣៩ ប្រឈមទឹកជំនន់ និងការបាក់ដី នៅចុងសប្តាហ៍នេះ