ព័ត៌មានអន្ដរជាតិ

ធ្លាក់យន្តហោះខ្នាតតូចនៅរដ្ឋ Ohio សម្លាប់មនុស្ស៦នាក់

បានផុស

៣១ វិនាទី មុន

នៅ

ថ្ងៃអង្គារ ១ កក្កដា ២០២៥

ដោយ

សោកនាដកម្មធ្លាក់យន្តហោះខ្នាតតូចនៅរដ្ឋ Ohio សហរដ្ឋអាមេរិក បានឆក់យកជីវិតមនុស្ស ៦នាក់កាលពីថ្ងៃអាទិត្យ ដែលមានសមាជិកគ្រួសារ ៤នាក់ កំពុងធ្វើដំណើរទៅវិស្សមកាលនៅរដ្ឋ Montana។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី០១ខែកក្កដានេះ។

យន្តហោះត្រូវបានថតនៅអាកាសយានដ្ឋាន Youngstown(រូបភាព៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្តហោះខ្នាតតូចនេះគឺជាយន្តហោះប្រភេទ Cessna 441 ដែលជាយន្តហោះម៉ាស៊ីនភ្លោះខ្នាតតូច បានធ្លាក់ប៉ុន្មាននាទី បន្ទាប់ពីហោះចេញពីព្រលានយន្តហោះក្នុងតំបន់ Youngstown-Warren។ យន្តហោះនេះបានចុះបញ្ជីក្រុមហ៊ុន Meander Air LLC បានធ្លាក់នៅតំបន់ព្រៃក្បែរផ្ទះប្រជាពលរដ្ឋ ធ្វើឱ្យកិច្ចខិតខំប្រឹងប្រែងជួយសង្គ្រោះមានការលំបាក។

គ្មាននរណាម្នាក់បានរួចជីវិតឡើយនៅក្នុងហេតុការណ៍នេះ។ជនរងគ្រោះនៅក្នុងយន្តហោះគឺជាអ្នកបើកបរយន្តហោះ Joseph Maxin សហអ្នកបើកបរ Timothy Blake និងអ្នកដំណើរ Veronica, James, John និង Maria Weller ដែលជាគ្រួសារម្ខាស់ឧស្សាហកម្មដែកក្នុងស្រុក។

រដ្ឋបាលអាកាសចរណ៍សហព័ន្ធនិង ក្រុមប្រឹក្សាសុវត្ថិភាពដឹកជញ្ជូនជាតិ កំពុងស៊ើបអង្កេតមូលហេតុ ហើយកំពុងសួរសាធារណជនសម្រាប់វីដេអូ ឬព័ត៌មានដែលពាក់ព័ន្ធបន្ថែមសម្រាប់ជួយដល់ការស៉ើបអង្គេតបន្ថែម៕