ព័ត៌មានអន្ដរជាតិ

លោក ថាក់ស៊ីន បង្ហាញភាពស្ងប់ស្ងាត់ ក្នុងសវនាការសាក្សីដំបូង

បានផុស

១២ ខែ មុន

នៅ

ថ្ងៃអង្គារ ១ កក្កដា ២០២៥

ដោយ

អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រ បានបង្ហាញខ្លួនក្នុងថ្ងៃដំបូងនៃសវនាការសាក្សីក្នុងសំណុំរឿងបរិហារកេរ្តិ៍មាត្រា១១២ នៅតុលាការឧក្រិដ្ឋកម្មនៅទីក្រុងបាងកក ដែលប្រព្រឹត្តទៅចាប់ពីថ្ងៃទី ១ ដល់ថ្ងៃទី ៣ ខែកក្កដា ។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី០១ខែកក្កដានេះ។

លោក ថាក់ស៊ីន និង អ្នកការពារ (រូបភាព៖ The Nation)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររម្លឹកថាការចោទប្រកាន់នេះកើតចេញពីបទសម្ភាសន៍កាលពីឆ្នាំ ២០១៥ជាមួយប្រព័ន្ធផ្សព្វផ្សាយកូរ៉េខាងត្បូង ដែលថាលោកថាក់ស៊ីនបានធ្វើសុន្ទរកថាប្រមាថរបបរាជានិយម។ លោកក៏ប្រឈមមុខនឹងការចោទប្រកាន់ក្រោមច្បាប់ឧក្រិដ្ឋកម្មកុំព្យូទ័រឆ្នាំ ២០០៧ ផងដែរ។ កន្លងមកលោកបានបដិសេដការចោទប្រកាន់និងនៅក្រៅការឃុំខ្លួន ខណៈថ្ងៃនេះ លោកថាក់ស៊ីន បានចូលខ្លួនទៅបំភ្លឺតាមនីតិវិធីរបស់តុលាការដោយផ្ទាល់ ដោយមកដល់តុលាការនៅម៉ោង៩និង១០នាទីព្រឹក ហើយចូលតាមច្រកចូលចំហៀង ដើម្បីគេចពីអ្នកសារព័ត៌មាន។

នៅថ្ងៃអង្គារនេះ មានសាក្សីតំណាងអយ្យការដំបូងដែលជាអ្នកស៊ើបអង្កេតរបស់ប៉ូលិសមកពីការិយាល័យស៊ើបអង្កេតឧក្រិដ្ឋកម្មអ៊ីនធឺណិតបានផ្តល់សក្ខីកម្មចោទប្រកាន់លោក ថាក់ស៊ីន។ លោកថាក់ស៊ីនបានចាកចេញពីតុលាការមួយភ្លែតពេលអាហារថ្ងៃត្រង់ នឹងត្រលប់មកវិញនិងមិនបានផ្ដល់បទសម្ភាសន៍អ្វីទាំងអស់ជាមួយអ្នកសារព័ត៌មាន។ តុលាការមិនអនុញ្ញាតឲ្យសាធារណជនចូលមើលការជំនុំជម្រះឡើយ។ មេធាវីរបស់លោកថាក់ស៊ីន គឺលោក Winyat Chatmontree បាននិយាយថា លោកមិនអាចនិយាយអំពីអ្វីដែលបានកើតឡើងនៅក្នុងតុលាការបានទេ ព្រោះវាអាចប៉ះពាល់ដល់សំណុំរឿងនេះ។

ចំពោះទិដ្ឋភាពនៅខាងក្រៅតុលាការវិញ ក្រុមអ្នកគាំទ្រអាវក្រហមបានប្រមូលផ្ដុំដោយលើកសញ្ញាដើម្បីបង្ហាញការលើកទឹកចិត្ត ខណៈក្រុមប្រឆាំងមួយក្រុមផ្សេងទៀតបានតវ៉ាដោយពាក់អាវដែលបង្ហាញពាក្យស្លោកជាតិនិយម៕