ថៃប្រឹងចោទខ្មែរ រឿងប៉ះសម្តីគ្នានៅប្រាសាទតាមាន់ធំ តែកាលពេលជនកំសាក លួចវាយទាហានកម្ពុជា ថៃស្ងាត់ឈឹង!

កាលពីថ្ងៃអង្គាទី១៥ខែកក្កដាឆ្នាំ២០២៥ នៅប្រាសាទតាមាន់ធំ មានការប៉ះពាក្យសម្តីគ្នារវាងកងទ័ពកម្ពុជានិងថៃ ដោយសារតែកងទ័ពថៃ រារាំងទេសចរកម្ពុជាមិនឲ្យឡើងប្រាសាទទាំងដែលប្រាសាទនោះជារបស់ខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា កងទ័ពថៃចោទប្រកាន់ទាំងងងើលថា ដោយសារតែស្រ្តីជាទេសចរកម្ពុជាចង្អុលមុខពួកគេ ទើបបង្កឲ្យមានការនិយាយតឹងសរសៃរកដាក់គ្នាមួយប្រាវ។

ក្នុងហេតុការណ៍នោះគេឃើញទេសចរកម្ពុជាប្រឈមមុខដោយភាពក្លាហាន រួចកងទ័ពទាំងសងខាង បានចូលអន្តរាគមន៍ ប៉ុន្តែភាគីថៃហាក់ដូចជាខំបំប៉ោងស្ថានការណ៍ឲ្យធំ បង្កភាពជ្រួលច្របល់ ដើម្បីធ្វើជាលេសថា កម្ពុជាជាអ្នករករឿងពួកគេ។

ផ្ទុយទៅវិញ ថៃប្រហែលជាធ្វើឲ្យគេមើលឃើញយ៉ាងច្បាស់ថា ខ្លួនកំពុងធ្វើរឿងឥតខ្មាស់ ដោយសារតែកាលពីថ្ងៃអាទិត្យ មានប្រុសកំសាក២នាក់ លួចវាយទាហានកម្ពុជា ហើយរត់គេចខ្លួន ប៉ុន្តែបែរជាត្រូវពលរដ្ឋថៃមួយចំនួនលើកតម្កើងទៅជាវិរបុរស ហើយកងទ័ពជើងគោកថៃ ចេញសេចក្តីថ្លែងការណ៍បដិសេធថាមិនមែនទាហានឈុតខ្មៅ ទាំងដែលវីដេអូស្តែងឃើញយ៉ាងច្បាស់ ចំណែកឯសារព័ត៌មានក៏ស្ងាត់មិនហ៊ានផ្សាយខ្លាំងដែរ។

ពេលដែលជនកំសាកថៃ លួចវាយទាហានកម្ពុជា, កម្ពុជាបានខិតខំរក្សាភាពអត់ធ្មត់ខ្លាំងបំផុត ចំណែកឯថៃ ក៏ព្យាយាមបិទបាំងព្រោះតែខ្លាចភាពអាម៉ាស់ដែរ។ 

ហេតុការណ៍ទាំងពីរនេះ សបញ្ជាក់ឲ្យឃើញច្បាស់អំពីភាពក្លាហានរបស់ស្រ្តីខ្មែរដែលហ៊ានឈរទល់មុខជាមួយទាហានថៃដើម្បីអះអាងការពារទឹកដីរបស់ខ្លួន ខុសពីជនកំសាកថៃ ដែលលួចវាយគេហើយរត់បាតជើងសព្រាត ទាំងដែលខ្លួនជាមនុស្សប្រុស។

ហេតុការណ៍ទាំងនេះ ក៏លាតត្រដាងអំពីភាពគ្មានទំនួលខុសត្រូវរបស់បណ្តាញសារព័ត៌មានថៃ ដែលចុះផ្សាយព័ត៌មានមិនពិត និងខិតខំលាបពណ៌លើភាគីដទៃ ដែលមិនអាចជាការបាន៕

អត្ថបទ៖ សុខ សុវណ្ណ

ចុចអាន៖ មេភូមិភាគ២ថៃ នៅតែគឃ្លើនចង់សង់របងព័ទ្ធប្រាសាទខ្មែរ ដោយអាងលើផែនទីគូសខ្លួនឯង