ព័ត៌មានអន្ដរជាតិ
នាយករដ្ឋមន្ត្រីស្ដីទីថៃ ប្រាប់កងទ័ពភូមិភាគ២ថា បើខ្វះបន្លាលួស ស្នើសុំរដ្ឋាភិបាល កុំសុំលុយពលរដ្ឋ
ក្រោយមានការប្រកាសស្នើសុំបន្លាលួសពីប្រជាពលរដ្ឋរបស់កងទ័ពភូមិភាគ២របស់ប្រទេសថៃ នាយករដ្ឋមន្ត្រីស្ដីទី Phumtham Wechayachai បានលើកឡើងថា រដ្ឋាភិបាលមានថវិកាជាតិបម្រុងគ្រប់គ្រាន់ហើយ សម្រាប់តម្រូវការការពារជាតិ ដោយមិនចាំបាច់អ្វីត្រូវទៅស្នើសុំពីសាធារណជននោះឡើយ។ នេះបើយោងតាមការចុះផ្សាយរបស់កាសែត Thairath នៅថ្ងៃទី១៣ខែសីហាឆ្នាំ២០២៥។
ការលើកឡើងរបស់លោក Wechayachai ធ្វើឡើងបន្ទាប់ពីកងទ័ពភូមិភាគ២ បានអំពាវនាវជាសាធារណៈសម្រាប់ការបរិច្ចាគបន្លាលួស ដោយសង្កត់ធ្ងន់លើតម្រូវការបន្ទាន់ដើម្បីការពារកងទ័ព និងសន្តិសុខជាតិ។
នៅក្នុងការបង្ហោះតាមហ្វេសប៊ុក អង្គភាពយោធាបានពន្យល់ថា សមត្ថភាពផលិត និងផ្គត់ផ្គង់បន្លាលួសនាពេលបច្ចុប្បន្ន កំពុងមានកង្វះខាត ដោយសារតម្រូវការប្រតិបត្តិការខ្ពស់។ អង្គភាពយោធាថៃ បានបន្ថែមទៀតថា បន្លាលួសទាំងនេះ មានសារៈសំខាន់សម្រាប់កាត់បន្ថយហានិភ័យដល់ជីវិតរបស់ទាហាននៅក្នុងតំបន់បេសកកម្ម និងការពង្រឹងការត្រៀមខ្លួនការពារជាតិ។
កងទ័ពភូមិភាគ២បានបញ្ជាក់ថា ទោះប្រកាសតម្រូវការចំពោះបន្លាលួសអង្កត់ផ្ចិត ១០០សង់ទីម៉ែត្រក្ដី ក៏បន្លាលួសទំហំ ៩០សង់ទីម៉ែត្រក៏កងទ័ពទទួលយកបានដែរ។
ពាក់ព័ន្ធនឹងការស្នើសុំជំនួយពីមហាជន លោក Wechayachai បានប្រាប់ទៅកងទ័ពភូមិភាគ២ថា បើយល់ថាថវិកាមិនគ្រប់គ្រាន់ អង្គភាពអាចរាយការណ៍ និងដាក់សំណើផ្លូវការមួយទៅរដ្ឋាភិបាល នោះរដ្ឋាភិបាលនឹងបញ្ចេញថវិកាជាតិជូន។ យ៉ាងណាមិញ លោកបញ្ជាក់ថា គ្មានសំណើផ្លូវការណាមួយដែលត្រូវបានធ្វើឡើងដោយកងទ័ពភូមិភាគ២នោះឡើយ។ បន្ថែមពីនេះ នាយករដ្ឋមន្ត្រីស្ដីទីថៃ បានសង្កត់ធ្ងន់ថា វាមិនចាំបាច់ទាល់តែសោះក្នុងការបង្ហោះសារសុំជំនួយនៅលើបណ្ដាញសង្គមហ្វេសប៊ុកបែបនេះ៕
ដោយ៖ ឈាង
-
សន្តិសុខសង្គម៤ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច២ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៧ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ សប្តាហ៍ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៦ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ២២ ម៉ោង agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី