សុខភាព
ឆ្ងល់អត់! ហេតុអ្វីបានជាមានវ៉ាក់សាំងច្រើនប្រភេទផ្សេងៗគ្នា?
ពិភពលោកត្រូវការវ៉ាក់សាំងចំនួនដ៏ច្រើនមហិមារ ដើម្បីបំពេញតម្រូវការទូទាំងពិភពលោកដែលមិនធ្លាប់មានកន្លងមក បង្កឡើងដោយសារការរាតត្បាតជាសកលពីវីរុសកូវីដ-១៩។ តម្រូវការនេះអាចបំពេញបានល្អបំផុតដោយក្រុមហ៊ុនផលិតវ៉ាក់សាំងផ្សេងៗគ្នា ដែលជាអ្នកផ្គត់ផ្គង់វ៉ាក់សាំងប្រភេទខុសៗគ្នា។
ដំណើរការផ្ដល់ការអនុម័តដល់វ៉ាក់សាំងកូវីដ-១៩ ថ្មីៗ ទាំងអស់ត្រូវគោរពតាមស្ដង់ដារដែលមានកម្រិតខ្ពស់ ដែលត្រូវបានកំណត់សម្រាប់ធ្វើនិយ័តកម្មវ៉ាក់សាំង។ ការសិក្សាដែលធ្វើឡើងមុនពេលចាប់ផ្ដើមចាក់វ៉ាក់សាំងទាំងនេះ ក៏មានភាពល្អិតល្អន់ដូចគ្នានឹងវ៉ាក់សាំងដទៃទៀតផងដែរ។
រហូតមកទល់ពេលនេះ មានវ៉ាក់សាំងកូវីដ-១៩ ជាច្រើនប្រភេទដែលត្រូវបានអភិវឌ្ឍកន្លងមក និងដែលកំពុងត្រូវបានអភិវឌ្ឍននាពេលបច្ចុប្បន្នរួមមាន៖
១. វ៉ាក់សាំងដែលប្រើប្រាស់វីរុសដែលលែងអាចធ្វើសកម្មភាពទៀតបាន ឬវីរុសដែលត្រូវបានគេបន្សាប ដោយប្រើប្រាស់ទម្រង់វីរុសដែលត្រូវបានគេបន្សាបលែងឱ្យអាចធ្វើសកម្មភាពទៀត ឬធ្វើឱ្យចុះខ្សោយ ដើម្បីកុំឱ្យវាអាចបង្កជាជំងឺ ប៉ុន្តែនៅតែអាចភ្ញោចប្រព័ន្ធភាពស៊ាំឱ្យឆ្លើយតបទៅនឹងជំងឺបាន។
២. វ៉ាក់សាំងដែលផលិតពីប្រូតេអ៊ីន ដោយប្រើប្រាស់បំណែកប្រូតេអ៊ីនដែលមិនបង្កគ្រោះថ្នាក់ ឬសំបកប្រូតេអ៊ីនដែលធ្វើត្រាប់តាមវីរុសកូវីដ–១៩ ដើម្បីនាំប្រព័ន្ធភាពស៊ាំអាចឆ្លើយចំពោះវីរុសនេះប្រកបដោយសុវត្ថិភាព។
៣. វ៉ាក់សាំងដោយប្រើប្រាស់វ៉ិចទ័ររបស់វីរុស ជាប្រភេទវ៉ាក់សាំងដែលប្រើប្រាស់វីរុសដែលត្រូវបានគេកែប្រែហ្សែនរបស់វា ដើម្បីកុំឱ្យវាមានលទ្ធភាពបង្កជំងឺទៀត ប៉ុន្តែនៅតែអាចផលិតប្រូតេអ៊ីនវីរុសកូរ៉ូណា ដើម្បីឱ្យប្រព័ន្ធភាពស៊ាំអាចឆ្លើយតបចំពោះពពួកវីរុសនេះប្រកបដោយសុវត្ថិភាព។
៤. វ៉ាក់សាំង RNA និង DNA ជាវិធីសាស្ត្រផលិតវ៉ាក់សាំងបែបថ្មី ដោយប្រើប្រាស់ RNA ឬ DNA ដែលត្រូវបានកែប្រេហ្សែន ដើម្បីផលិតប្រូតេអ៊ីន ដែលអាចជួយភ្ញោចឱ្យប្រព័ន្ធភាពស៊ាំធ្វើការឆ្លើយតបចំពោះវីរុសប្រកបដោយប្រសិទ្ធភាព។
វ៉ាក់សាំងប្រភេទផ្សេងគ្នា មានលក្ខណៈខុសៗគ្នា ទៅលើភាពខ្លាំងនៃការឆ្លើយតបរបស់ប្រព័ន្ធភាពស៊ាំ ចំនួនដូសដែលត្រូវចាក់ សុវត្ថិភាព តម្រូវការប្រព័ន្ធត្រជាក់ដើម្បីរក្សាទុក និងរយៈពេលផលិតជាដើម៕
អត្ថបទ៖ សន្យា
ប្រភព៖ UNICEF
ចុចអាន៖ របកគំហើញមួយទៀត! វ៉ាក់សាំងប្រឆាំងកូវីដផលិតពីថ្នាំជក់ ដែលមានតម្លៃកាន់តែថោក
ចុចអាន៖ មេ WHO ចែករំលែកវិធី ៥ យ៉ាងដល់ប្រជាជនទូទាំងពិភពលោកអនុវត្ត អំឡុងជំងឺកូវីដ ១៩
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត