សុខភាព

បើកំពុងលេបថ្នាំកុំចេះតែហ៊ានផឹកស្រា ប្រយ័ត្នគ្រោះថ្នាក់ដល់ជីវិត

បានផុស

៣ years មុន

នៅ

ថ្ងៃពុធ ១៩ ឧសភា ២០២១

ដោយ

នរណាក៏ដឹងដែរថាការញ៉ាំថ្នាំជាមួយស្រាគឺគ្រោះថ្នាក់ខ្លាំងណាស់ តែនៅមានមនុស្សជាច្រើនធ្វើព្រងើយនឹងការព្រមាននេះ។ អត្ថបទនេះ នឹងជួយគ្នាយើងឲ្យដឹងកាន់តែច្បាស់ពីគ្រោះថ្នាក់ចំពោះសុខភាព ដែលកើតឡើងដោយអន្តរកម្មរវាងស្រានិងថ្នាំពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- តើថ្នាំប្រភេទណាដែលជាតិអាល់កុលមានប្រតិកម្មអន្តរកម្មជាមួយ?

ជាតិអាល់កុលមានអន្តរកម្មជាមួយថ្នាំជាច្រើន រួមទាំងថ្នាំត្រូវការវេជ្ជបញ្ជា និងថ្នាំមិនត្រូវការវេជ្ជបញ្ជា។ ថ្នាំមួយចំនួនដែលប្រើក្នុងការព្យាបាលជំងឺដូចខាងក្រោមអាចមានអន្តរកម្មជាមួយនឹងស្រា៖

-អាលែកហ្ស៊ី ផ្ដាសាយ និងគ្រុនក្ដៅ

-ចុកទ្រូង និងជំងឺសរសៃឈាមបេះដូង

-ថប់បារម្ភ និងឆ្កួតជ្រូក

–រលាកសន្លាក់

-កំណកឈាម

-ក្អក

-ធ្លាក់ទឹកចិត្ត

–ទឹកនោមផ្អែម

-ក្រពេញប្រូស្តាតរីកធំ

-ក្រហាយទ្រូង និងមិនរំលាយអាហារ

-លើសសម្ពាធឈាម

-លើសជាតិខ្លាញ់ កូលេស្តេរ៉ូល

-មានការបង្ករោគ

-ឈឺសាច់ដុំ

-ចង្អោរ និងក្អួត

-ឈឺចាប់ គ្រុនញាក់ និងរលាក

-ប្រកាច់

-ឈឺចាប់ខ្លាំងដោយសាររបួស ការថែទាំក្រោយវះកាត់ វះកាត់មាត់ និងឈឺក្បាលប្រកាំង

-បញ្ហាក្នុងការគេង

២- តើមានផលវិបាកអ្វីខ្លះពេលប្រើថ្នាំលាយជាមួយស្រា?

មិនថាថ្នាំប្រភេទណាដែលយើងប្រើទេ ទាំងថ្នាំត្រូវការវេជ្ជបញ្ជា ថ្នាំមិនត្រូវការវេជ្ជបញ្ជា និងថ្នាំរុក្ខជាតិព្យាបាលនៅផ្ទះមួយចំនួន សុទ្ធតែធ្វើឲ្យរាងកាយមានបញ្ហានៅពេលដែលប្រើលាយជាមួយនឹងស្រា។ ផលរំខានអវិជ្ជមានដែលកើតឡើងញឹកញាប់រួមមាន៖

-ក្អួតនិងចង្អោរ

-ឈឺក្បាល ឬប្រកាំង

-ងងុយគេង

-វិលមុខ

-សន្លប់

-ផ្លាស់ប្ដូរសម្ពាធឈាម

-អាកប្បកិរិយាមិនប្រក្រតី

-បាត់បង់ ទិសដៅ

-គ្រោះថ្នាក់

Drugs, Alcohol, and Teen Dating Violence - Teen Dating Violence Awareness

ការប្រើជាតិអាល់កុលខណៈកំពុងលេបថ្នាំអាចធ្វើឲ្យអ្នកជំងឺប្រឈមគ្រោះថ្នាក់ផលវិបាកធ្ងន់ធ្ងរដូចជា៖

-ខូចថ្លើម

-បញ្ហាសរសៃឈាមបេះដូង

-ហូរឈាមនៅខាងក្នុងខ្លួន (Internal bleeding)

-ពិបាកដកដង្ហើម

-ធ្លាក់ទឹកចិត្ត

៣- ឥទ្ធិពលជាតិអាល់កុលទៅលើថ្នាំពេទ្យ

Is Acetaminophen Safe to Take When You're Drinking? – Health Essentials from Cleveland Clinic

ការញ៉ាំស្រានៅពេលដែលកំពុងប្រើថ្នាំពេទ្យ អាចនាំឲ្យធ្លាក់ចុះប្រសិទ្ធភាពរបស់ថ្នាំ ឬបើកាន់តែអាក្រក់ គឺធ្វើឲ្យថ្នាំនោះគ្មានប្រសិទ្ធភាពព្យាបាលតែម្ដង។ កាន់តែធ្ងន់ធ្ងរថែមទៀតនោះ ក្នុងករណីខ្លះ ថ្នាំពេលមានអន្តរកម្មជាមួយស្រាអាចធ្វើឲ្យមានគ្រោះថ្នាក់ ឬពុលទៅដល់រាងកាយទៀតផង។ ទោះបីមិនបានប្រើក្នុងពេលតែមួយជាមួយគ្នាក៏ពិតមែន ក៏វានៅតែមានអន្តរកម្មដែរ។

បន្ថែមលើនេះ ការញ៉ាំស្រា ទោះបីជាក្នុងបរិមាណតិចក៏ដោយ ក៏អាចធ្វើឲ្យថ្នាំលេចចេញផលរំខានបានដែរ។ ផលរំខានទាំងនោះរួមមាន ងងុយគេង ដេកមិនស្រួលឬ មិនអាចគេងបាន ឈឺក្បាល ដែលអាចធ្វើឲ្យយើងគ្រោះថ្នាក់។ ពេលញ៉ាំស្រា កម្រិតផ្ចង់អារម្មណ៍កាន់តែធ្លាក់ចុះទៅៗ ហើយពេលលាយជាមួយថ្នាំពេទ្យខ្លះទៀត វាធ្វើអោយស្ថានភាពនេះកាន់តែធ្ងន់ធ្ងរ។ ពេលដែលសមត្ថភាព គ្រប់គ្រងគ្រឿងម៉ាស៊ីន ឬជំនាញគ្រប់គ្រងយានជំនិះរងការប៉ះពាល់ នោះបញ្ហាធ្ងន់ធ្ងរ ឬគ្រោះថ្នាក់ដល់ស្លាប់អាចកើតមាន។

៤- តើនរណាដែលប្រឈមនឹងគ្រោះថ្នាក់នៅពេលដែលមានប្រតិកម្មអន្តរកម្មរវាងស្រានិងថ្នាំពេទ្យ?

Medications You Should Never Mix With Alcohol

ជាទូទៅ ស្ត្រីគឺរងគ្រោះដោយសារឥទ្ធិពលនៃប្រតិកម្មអន្តរកម្មរវាងស្រានិងថ្នាំពេទ្យច្រើនជាងមនុស្សប្រុស។ នេះក៏ព្រោះតែ មនុស្សស្រីញ៉ាំស្រា ងាយនឹងជាតិអាល់កុលជ្រាបចូលប្រព័ន្ធឈាមច្រើនជាងមនុស្សប្រុស ទោះនៅក្នុងបរិមាណស្រាដូចគ្នាក៏ដោយ។ ជាតិទឹកដែលមានក្នុងខ្លួនមនុស្សស្រី តិចជាងមនុស្សប្រុស ហើយពេលជាតិអាល់កុលក្នុងកម្រិតមួយលាយជាមួយទឹកនៅក្នុងខ្លួនមនុស្សស្រី គឺកំហាប់របស់វាមិនសូវប្រែប្រួលច្រើនទេ។ ដូចនេះមនុស្សស្រីងាយនឹងប៉ះពាល់ដោយសារស្រាខ្លាំងជាងមនុស្សប្រុស។

មនុស្សចាស់ក៏ប្រឈមនឹងបញ្ហាគ្រោះថ្នាក់សុខភាពដោយសារតែអន្តរកម្មរវាងស្រានិងថ្នាំពេទ្យដែរ។ ព្រោះថាពេលវ័យចាស់ទៅ លទ្ធភាពក្នុងការបំបែកជាតិអាល់កុល ក៏ធ្លាក់ចុះដែរ ហើយជាតិស្រាដែលនៅសល់ក្នុងរាងកាយពួកគាត់នឹងនៅរយៈពេលយូរ ហើយមានឱកាសខ្ពស់ក្នុងការមានអន្តរកម្មជាមួយថ្នាំពេទ្យ។ មនុស្សចាស់ក៏ងាយនឹងមានជំងឺ ដែលត្រូវប្រើថ្នាំច្រើនមុខដែរ ដូចនេះការប្រឈមមុខរបស់គាត់កាន់តែខ្ពស់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ១០ សំណួរពាក់ព័ន្ធការប្រើថ្នាំផ្សះលើក្មេងៗ ឪពុកម្ដាយត្រូវដឹង!

ចុចអាន៖ គេងមិនលក់ចង់ប្រើថ្នាំ ត្រូវស្គាល់ប្រភេទថ្នាំ និងវិធីប្រើមានសុវត្ថិភាព

Related Topics:

Up Next

ស្ដ្រីកើតជំងឺទឹកនោមផ្អែម ហើយមានកូន តើមានផលប៉ះពាល់អ្វីខ្លះដល់ខ្លូនឯង និងទារក?

Don't Miss

គេងមិនលក់ចង់ប្រើថ្នាំ ត្រូវស្គាល់ប្រភេទថ្នាំ និងវិធីប្រើមានសុវត្ថិភាព