សុខភាព
អ្វីទៅជាជំងឺរលាកស្រោមពោះដោយសារការធ្លាយក្រពះ!
ជំងឺរលាកស្រោមពោះដោយសារការធ្លាយក្រពះ គឺជាជំងឺមួយធ្ងន់ធ្ងរបំផុត ដែលអាចបណ្តាលឲ្យគ្រោះថ្នាក់ដល់ជីវិត ប្រសិនបើធ្វើការព្យាបាលមិនទាន់ពេលវេលា និងតាមក្បួនខ្នាតបច្ចេកទេសត្រឹមត្រូវ។
ក) តើមូលហេតុអ្វីខ្លះ ដែលបណ្តាលឲ្យមានការធ្លាយក្រពះ?
មូលហេតុសំខាន់ៗ ដែលបណ្តាលឲ្យមានការធ្លាយក្រពះមានដូចជា
– ជំងឺរលាកក្រពះរ៉ាំរ៉ៃ ឬដំបៅក្រពះ
– ជំងឺដុំមហារីកក្រពះ ដែលមិនធ្វើរោគវិនិច្ឆ័យនិងព្យាបាលឲ្យបានត្រឹមត្រូវ
– ការប្រើប្រាស់ថ្នាំឈឺសន្លាក់មួយចំនួន ដោយមិនគោរពតាមវេជ្ជបញ្ជាដូចជា ពពួក AINS ឬ Glucocorticoides ឬថ្នាំបុរាណខ្មែរមួយចំនួន ដែលមានលាយពពួកថ្នាំខាងលើនេះ។
ខ) រោគសញ្ញា
ចំពោះរោគសញ្ញាគ្លីនិក គឺពិបាកក្នុងការសន្និដ្ឋានឲ្យពិតប្រាកដថា អ្នកជំងឺមានជំងឺរលាកស្រោមពោះដោយសារការធ្លាយក្រពះណាស់ ប៉ុន្តែអ្នកជំងឺអាចមានរោគសញ្ញាមួយចំនួនដែលអាចឲ្យយើងគិតទៅរកដូចជា
– អ្នកជំងឺមានប្រវត្តិរលាកក្រពះរ៉ាំរ៉ៃ ឬដំបៅក្រពះ ជាមួយការប្រើប្រាស់ថ្នាំមិនគោរពវេជ្ជបញ្ជាមួយចំនួន
– អ្នកជំងឺមានសភាពបាត់បង់ជាតិទឹកខ្លាំង ក្អួត ត្អើក អត់ដើរខ្យល់ ឬមិនអាចបត់ជើងធំបាន ពេលខ្លះអាចរាគក៏មាន
– ក្តៅខ្លួន
– អ្នកជំងឺមានសភាពឈឺពោះខ្លាំង
– បាត់បង់ចលនាពោះដែលពិបាកក្នុងការដកដង្ហើម
– ពោះមានសភាពរឹងដូចឈើ
ក្នុងករណីនេះ ដើម្បីធ្វើរោគវិនិច្ឆ័យឲ្យរឹតតែច្បាស់ គឺយើងអាចស្នើសុំរូបភាពវេជ្ជសាស្ត្រមួយចំនួនដូចជា អេកូសាស្ត្រ (Échographie abdominale) ឬថតពោះ (ASP= Abdomen Sans Préparation)។ ដូចច្នេះមានតែទៅពិគ្រោះជាមួយវេជ្ជបណ្ឌិតឯកទេសទេ ទើបអាចធ្វើរោគវិនិច្ឆ័យនេះបាន។
គ) តើអ្នកគួរធ្វើដូចម្តេច នៅពេលដែលអ្នកមានជំងឺរលាកស្រោមពោះដោយសារការធ្លាយក្រពះ?
គឺមានតែការវះកាត់ទេ ទើបអាចព្យាបាលជំងឺនេះឲ្យជាសះស្បើយបាន ដូចច្នេះអ្នកត្រូវទៅពិគ្រោះជាមួយវេជ្ជបណ្ឌិតជំនាញឯកទេសឲ្យបានឆាប់រហ័ស ដើម្បីធ្វើរោគវិនិច្ឆ័យ និងព្យាបាលឲ្យបានត្រឹមត្រូវតាមបច្ចេកទេសនិងទាន់ពេលវេលា។
បញ្ជាក់៖ គ្មានថ្នាំពេទ្យឬថ្នាំបុរាណខ្មែរណាមួយអាចព្យាបាលជំងឺនេះ ឲ្យជាក្រៅអំពីការវះកាត់ទេ។
“សូមមេត្តាមកពិគ្រោះយោបល់ជាមួយក្រុមវេជ្ជបណ្ឌិតជំនាញនៃមន្ទីរពេទ្យកាល់ម៉ែត ដើម្បីធ្វើរោគវិនិច្ឆ័យនិងធ្វើការវះកាត់ឲ្យទាន់ពេលវេលា និងជៀសវាងការប្រើប្រាស់ឱសថដោយគ្មានវេជ្ជបញ្ជាត្រឹមត្រូវ”៕
អត្ថបទ៖ រស្មី
សូមចុចអាន៖ ស្វែងយល់ពីការព្យាបាលស្បូនស្រុត (Uterine Prolapse) ដោយមិនកាត់ស្បូន
អាហារ ៥ មុខ ជួយដល់សុខភាពថ្លើមកាន់តែប្រសើរឡើង
រដ្ឋបានប្រមូលទុនជាង២៨លានដុល្លារពីការបោះផ្សាយមូលបត្របំណុលក្នុងត្រីមាសទី១
ក្រុម U19 នារីកម្ពុជា ប៉ះ ម៉ាឡេស៊ី ម៉ោង៣ថ្ងៃនេះនៅវៀតណាម
ហ្សេលេនស្គី៖ ជំនួយដែលរដ្ឋបាលអាមេរិកចាស់ សន្យាជួយអ៊ុយក្រែន បែរជា ត្រាំ យកទៅជួយនៅមជ្ឈិមបូព៌ាទៅវិញ
សង្ស័យជិះម៉ូតូឌុបគ្នាលឿន ជ្រុលបុករថយន្ត ១ គ្រឿង កំពុងឆ្លងផ្លូវ ស្លាប់ម្នាក់ និងម្នាក់ទៀត រងរបួសធ្ងន់ធ្ងរ
នៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
ច្រកទ្វារអូរស្មាច់ ច្រកទ្វារជាំ និងច្រកទ្វារជប់គគីរខេត្តឧត្តរមានជ័យ ត្រូវថៃបិទជាឯកតោភាគី
បណ្ឌិត ឥន សុផល៖នាយករដ្ឋមន្ត្រីថៃនៅក្មេងខ្ចីផ្នែកនយោបាយពេក ត្រូវក្រុមអាមាត្យ និងយោធា ក្រឡុកឡើងវង្វេងប្រវត្តិសាស្ត្រហើយ!
ផ្ទុះគ្រាប់បែក២គ្រាប់ នៅកណ្តាលផ្សារ ភាគខាងត្បូងប្រទេសថៃ
មេរៀននៅតំបន់មុំ៣៖ បញ្ញវន្តខ្មែរផ្តាំទៅកងទ័ពនៅព្រំដែន ត្រូវប្រុងប្រយ័ត្នខ្ពស់ មុនធ្វើចិត្តធម៌ ធ្វើចិត្តល្អជាមួយកងទ័ពថៃ
-
សន្តិសុខសង្គម២ ថ្ងៃ agoច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
នយោបាយ៤ ថ្ងៃ agoកម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ៣ ថ្ងៃ agoក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានជាតិ១៦ ម៉ោង agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានជាតិ២ ថ្ងៃ agoលោក អ៊ី ឈាន យកអំណោយសម្តេចកិត្តិព្រឹទ្ធបណ្ឌិតជូនកងកម្លាំងតាមខ្សែព្រំដែន
-
ព័ត៌មានអន្ដរជាតិ៤ ថ្ងៃ agoថៃ កំពុងមានជម្លោះជាមួយអ្នកជិតខាង ជុំទិស
-
ព័ត៌មានជាតិ២ ថ្ងៃ agoថៃចាប់ផ្ដើមបិទច្រកព្រំដែនតំបន់បឹងត្រកួន នៅបន្ទាយមានជ័យ
-
ព័ត៌មានអន្ដរជាតិ៤ ថ្ងៃ agoត្រី Oarfish បង្ហាញវត្តមាននៅប្រទេស អូស្រ្តាលី