ជប៉ុនរកឃើញថា អូមីក្រុងបំបាំងកាយ អាចបណ្តាលឲ្យឈឺធ្ងន់ និងពិបាកព្យាបាល (មានវីដេអូ)

ក្រុមអ្នកស្រាវជ្រាវនៅសាកលវិទ្យាល័យតូក្យូ ក្នុងប្រទេសជប៉ុនបានរកឃើញថា វីរុសបំប្លែងខ្លួនអូមីក្រុងបំបាំងកាយ ឬមានឈ្មោះផ្លូវការថា BA.2 អាចបណ្តាលឲ្យមានជំងឺធ្ងន់ធ្ងរជាងមេរោគបំប្លែងខ្លួននេះទម្រង់ដើម ហើយប្រហែលជាអាចគេចផុតពីការព្យាបាលមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុសក្លាយពូជដែលរួមចំណែកប្រហែល៥ភាគរយនៃករណីកូវីដ របស់សហរដ្ឋអាមេរិក មានលក្ខណៈស្រដៀងគ្នាទៅនឹងមេរោគបំប្លែងខ្លួន Delta តាមរបៀបដែលវាប៉ះពាល់ដល់សួតរបស់មនុស្ស ដែលធ្វើឲ្យវាកាន់តែគ្រោះថ្នាក់ជាងអូមីក្រុងទម្រង់ដើម BA.1។

ទោះបីជាយ៉ាងណាក៏ដោយ អ្នកជំនាញផ្នែកសុខភាព មិនទាន់បង្ហាញការព្រួយបារម្ភខ្លាំងអំពីមេរោគបំបាំងកាយនេះនៅឡើយទេ។

វានៅតែរួមចំណែកតិចតួចក្នុងចំណោមករណីនៅសហរដ្ឋអាមេរិក ហើយនៅក្នុងបណ្តាប្រទេសនានាដូចជាដាណឺម៉ាក និងចក្រភពអង់គ្លេស វាមិនទាន់បង្កឲ្យមានការកើនឡើងនៃករណីចូលសម្រាកព្យាបាលក្នុងមន្ទីរពេទ្យ ឬការស្លាប់នៅឡើយទេ។

ដូច BA.1 ដែរ, មេរោគបំបាំងកាយនេះ ក៏មានសមត្ថភាពបុកទម្លុះអង្គបដិប្រាណពីវ៉ាក់សាំង និងការឆ្លងពីមុនដែរ។ វាថែមទាំងអាចគេចផុតពីការព្យាបាលដោយការបណ្តុះអង់ទីគ័រទៀតផង។

យ៉ាងណាក្តី មនុស្សឆ្លង BA.1 ពីមុន គួរតែមានសុវត្ថិភាពពី BA.2 ពីព្រោះពូជមេរោគនេះ មិនអាចបំបែកអង់ទីគ័រ ដែលទទួលបានពីពូជវីរុសដូចគ្នានោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អូមីក្រុង ពួតដៃ ដែលតា បង្កើតវីរុសកូនកាត់ ចេញមកអុកឡុកទៀតហើយ