សុខភាព
ចំពោះអ្នកកើតកូវីដ១៩៖ ក្រសួងសុខាភិបាលប្រាប់ថា ក្រោយជាវិញ៣ខែឡើង អាចចាក់វ៉ាក់សាំងបានហើយ
លោកស្រី ឱ វណ្ណឌីន អ្នកនាំពាក្យក្រសួងសុខាភិបាលកម្ពុជាបានគូសបញ្ជាក់ឲ្យដឹងជាថ្មីនៅថ្ងៃសៅរ៍នេះថា អ្នកដែលធ្លាប់ឆ្លងជំងឺកូវីដ១៩ គឺអាចចាក់វ៉ាក់សាំងបាននៅក្រោយពួកគេបានជាសះស្បើយចាប់ពី៣ខែឡើងទៅ។ ការបញ្ជាក់នេះ គឺស្របពេលដែលក្រសួងសុខាភិបាលកំពុងបើកយុទ្ធនាការចាក់វ៉ាក់សាំងដូសទី៥ ដែលជាដូសជំរុញជូនដល់មន្ត្រីជួរមុខ និងក្រុមគោលដៅអាទិភាពនៅទូទាំងប្រទេសកម្ពុជា។
ចំពោះការបើកយុទ្ធនាការចាក់វ៉ាក់សាំងដូសទី៥ ដែលជាដូសជំរុញជូនដល់មន្ត្រីជួរមុខ និងក្រុមគោលដៅអាទិភាពនេះ លោកស្រី ឱ វណ្ណឌីន បានក្រើនរំលឹកដល់មន្ត្រីជួរមុខ និងក្រុមគោលដៅអាទិភាពទាំងអស់ឲ្យចូលរួមចាក់វ៉ាក់សាំងកូវីដ១៩ ដូសទី៥ (ដូសជំរុញ) ឲ្យបានគ្រប់ៗគ្នា បើទោះបីជាប្រទេសកម្ពុជាមិនមាននូវការរីករាលដាលនៃជំងឺកូវីដ-១៩ ក៏ដោយ។
គិតត្រឹមថ្ងៃទី១៧ ខែមិថុនា ឆ្នាំ២០២២ ការចាក់វ៉ាក់សាំងបង្ការជំងឺកូវីដ១៩លើប្រជាជនអាយុពី ១៨ឆ្នាំឡើង មាន ១០៣,២៦% ធៀបជាមួយចំនួនប្រជាជនគោលដៅ ១០លាននាក់ ខណៈលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០០,៦៨% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់។ ចំណែក លើកុមារអាយុពី ០៦ឆ្នាំ ដល់ក្រោម ១២ឆ្នាំវិញ មាន ១០៩,៣២% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់ ស្របពេលដែលលើកុមារអាយុ ០៥ឆ្នាំ មាន ១៣៤,០៦% ធៀបជាមួយនឹងប្រជាជនគោលដៅ ៣០៤,៣១៧ នាក់ និងលើកុមារអាយុ ០៣ឆ្នាំ ដល់ ក្រោម ០៥ឆ្នាំ មាន ៦៨,៥៨% ធៀបជាមួយនឹងប្រជាជនគោលដៅ ៦១០,៧៣០ នាក់។ ដោយឡែក លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ គឺមាន ៩៤,១៧%៕
ដោយ៖ វណ្ណ សុគន្ធា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)