Connect with us

សុខភាព

ចំពោះអ្នកកើតកូវីដ១៩៖ ក្រសួងសុខាភិបាលប្រាប់ថា ក្រោយជាវិញ៣ខែឡើង អាចចាក់វ៉ាក់សាំងបានហើយ

បានផុស

នៅ

លោកស្រី ឱ វណ្ណឌីន អ្នកនាំពាក្យក្រសួងសុខាភិបាលកម្ពុជាបានគូសបញ្ជាក់ឲ្យដឹងជាថ្មីនៅថ្ងៃសៅរ៍នេះថា អ្នកដែលធ្លាប់ឆ្លងជំងឺកូវីដ១៩ គឺអាចចាក់វ៉ាក់សាំងបាននៅក្រោយពួកគេបានជាសះស្បើយចាប់ពី៣ខែឡើងទៅ។ ការបញ្ជាក់នេះ គឺស្របពេលដែលក្រសួងសុខាភិបាលកំពុងបើកយុទ្ធនាការចាក់វ៉ាក់សាំងដូសទី៥ ដែលជាដូសជំរុញជូនដល់មន្ត្រីជួរមុខ និងក្រុមគោលដៅអាទិភាពនៅទូទាំងប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការបើកយុទ្ធនាការចាក់វ៉ាក់សាំងដូសទី៥ ដែលជាដូសជំរុញជូនដល់មន្ត្រីជួរមុខ និងក្រុមគោលដៅអាទិភាពនេះ លោកស្រី ឱ វណ្ណឌីន បានក្រើនរំលឹកដល់មន្ត្រីជួរមុខ និងក្រុមគោលដៅអាទិភាពទាំងអស់ឲ្យចូលរួមចាក់វ៉ាក់សាំងកូវីដ១៩ ដូសទី៥ (ដូសជំរុញ) ឲ្យបានគ្រប់ៗគ្នា បើទោះបីជាប្រទេសកម្ពុជាមិនមាននូវការរីករាលដាលនៃជំងឺកូវីដ-១៩ ក៏ដោយ។

គិតត្រឹមថ្ងៃទី១៧ ខែមិថុនា ឆ្នាំ២០២២ ការចាក់វ៉ាក់សាំងបង្ការជំងឺកូវីដ១៩លើប្រជាជនអាយុពី ១៨ឆ្នាំឡើង មាន ១០៣,២៦% ធៀបជាមួយចំនួនប្រជាជនគោលដៅ ១០លាននាក់ ខណៈលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០០,៦៨% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់។ ចំណែក លើកុមារអាយុពី ០៦ឆ្នាំ ដល់ក្រោម ១២ឆ្នាំវិញ មាន ១០៩,៣២% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់ ស្របពេលដែលលើកុមារអាយុ ០៥ឆ្នាំ មាន ១៣៤,០៦% ធៀបជាមួយនឹងប្រជាជនគោលដៅ ៣០៤,៣១៧ នាក់ និងលើកុមារអាយុ ០៣ឆ្នាំ ដល់ ក្រោម ០៥ឆ្នាំ មាន ៦៨,៥៨% ធៀបជាមួយនឹងប្រជាជនគោលដៅ ៦១០,៧៣០ នាក់។ ដោយឡែក លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់  គឺមាន ៩៤,១៧%៕

ដោយ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម