សុខភាព
សូមស្វែងយល់អំពីជំងឺ“ ម៉េឡូអ៊ីតដូស” ទាំងអស់គ្នា!
ជំងឺម៉េឡូអ៊ីតដូស គឺជាជំងឺឆ្លងដែលបណ្តាលមកពីបាក់តេរីម្យ៉ាងដែលរស់នៅក្នុងដី និងទឹក ឈ្មោះ បើកខូលដេរ្យ៉ា ផ្សឺដូម៉ាឡី ។ ការចំលងរោគកើតឡើងតាមរយៈការជ្រាតចូលនៃមេរោគនៅតាមកន្លែងដែលស្បែកមានការដាច់រលាត់ តាមរយៈផ្លូវដង្ហើម ឬតាមរយៈផ្លូវអាហារ។
ប្រទេសក្នុងតំបន់អាស៊ី ផ្នែកភាគខាងត្បូងនៃប្រទេសអូស្ត្រាលី ជាតំបន់ដែលមានការប៉ះពាល់ រីឯការយល់ដឹងទាក់ទងនិងជំងឺនេះហាក់នៅមានកំរិតនៅឡើយ។
ក) កត្តាប្រឈម៖ កត្តាប្រឈមមានដូចជាកត្តាវេជ្ជសាស្ត្រ កត្តាមុខរបរ និង របៀបរបបរស់នៅ។
– កត្តាវេជ្ជសាស្ត្រមានដូចជា ជំងឺទឹកនោមផ្អែម ជំងឺតំរង់នោម ជំងឺសួត និង ជំងឺថ្លើមរាំរៃ ការពិសារស្រាច្រើន ដល់់កំរិតស្រវឺង ការព្យាបាលដោយថ្នាំផ្សេងៗ ធ្វើអោយប្រពន្ធ័ការពាររាងកាយចុះខ្សោយ ជំងឺមហារីក ។
– កតា្តមុខរបរ និង របៀបរបបរស់នៅដូចជាការរស់នៅប៉ះពាល់ដី និងទឹក(កសិករ អ្នកធ្វើចំការ អ្នកនេសាទ អ្នកធ្វើការងារសំណង់ ) អ្នកលេងកីឡាបាល់ទាត់ អ្នកបរិភោគទឹកមិនស្អាត។
ខ) រោគសញ្ញា៖
– ទំរង់សំងំ: មេរោគអាចនៅសំងំក្នុងខ្លួនយើងរយៈពេលយូរដោយមិនមានរោគសញ្ញា
– ទំរង់ស្រួចស្រាវ (រយៈពេលតិចជាងពីរខែ): រលាកសួតស្រួចស្រាវ បូសសរីរាង្គ( អណ្តើត ថ្លើមតម្រងនោម ប្រូស្តាត បូសក្បាលឬក ដំបៅរលួយនៅលើស្បែក រលាកសន្លាក់ និងឆ្អឹង។
– ទំរង់រាំរៃ(រយៈពេលលើសពីរខែ): រោគសញ្ញាស្រដៀងនឹងជំងឺរបេង មានដូចជាហើមកូនកណ្តុរនៅក ដំបៅរលួយ បូសនៅសរីរាង្គរាំរៃ។
គ) ការធ្វើរោគវិនិច្ឆ័យ៖ រោគវិនិច្ឆ័យត្រូវបានបញ្ជាក់ដោយការបណ្តុះមេរោគ ដែលមាននៅក្នុងឈាម ខ្ទុះ ទឺកនោម និងសំនាកផ្សេងៗ ។
ឃ)ការព្យាបាល៖ ជំងឺនេះអាចព្យាបាលអោយជាដាច់បាន ដោយចែកជាពីរដំណាក់កាល
– ដំណាក់កាលសំរុក(រយៈពេលយ៉ាងហោចណាស់១៤ថ្ងៃ) និង
– ដំណាក់កាលព្យាបាលបន្តអោយជាដាច់(យ៉ាងហោចណាស់ ៣ខែ)។
អត្រាស្លាប់នៅមានកំរិតខ្ពស់នៅឡើយ (ប្រហែលជា៤០% នៅប្រទេសថៃ)។ ជំងឺនេះទាមទារអោយមានការព្យាបាលនិងយកចិត្តទុកដាក់ខ្ពស់ដើម្បីកាត់បន្ថយអត្រាស្លាប់។ សូមមកទទួលការព្យាបាលនៅតាមមន្ទីរពេទ្យជាមួយក្រុមគ្រួពេទ្យដែលមានជំនាញច្បាស់លាស់។
ង) វិធីបង្ការ៖
កាត់ផ្តាច់កត្តាចំលង និងកត្តាប្រឈមផ្សេងៗដូចជា
– កត្តាវេជ្ជសាស្ត្រ ធ្វើយ៉ាងណាអោយកំរិតស្ករនៅទាប កាត់បន្ថយការប្រើប្រាស់ថ្នាំដែលធ្វើអោយប្រពន្ធ័ភាពសាំចុះខ្សោយ ។
– កត្តាមុខរបរ និង របៀបរបបរស់នៅ គួរពាក់ស្បែកជើងកវែង បើសិនជាអ្នកជាកសិក គួរពាក់ម៉ាស់ពេលធ្វើដំណើរកាត់ខ្យល់ខ្លាំង សូមពិសារទឹកឆ្អិន។
រាល់ចំងល់ដែលពាក់ព័ន្ធ ឬចង់ស្វែងយល់ព័ត៌មានបន្ថែម សូមទំនាក់ទំនងមកកាន់ក្រុមការងារនៃមន្ទីរពេទ្យកាល់ម៉ែត៕
អត្ថបទ ៖ រស្មី
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៤ ម៉ោង agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន