ព័ត៌មានជាតិ

ផ្សារ និងរោងចក្រ នៅដំណើរការធម្មតា តែត្រូវប្រុងប្រយ័ត្ន

បានផុស

៤ years មុន

នៅ

ថ្ងៃអង្គារ ៩ មីនា ២០២១

ដោយ

សម្តេចតេជោ បានថ្លែងសារបន្ទាន់កាលពីម្សិលមិញថា សម្រាប់ទីផ្សារនិងរោងចក្រមិនប្រកាសបិទនោះទេ ព្រោះមិនទាន់ មានហានិភ័យ តែសុំឲ្យបង្កើនការប្រុងប្រយ័ត្នការពារនៅតាមបណ្ដារោងចក្រ ត្រូវការវាស់កំដៅអាកុលលាងដៃនិងការតាមដានសុខភាពរបស់កម្មករជាប្រចាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅតាមទីផ្សារត្រូវតែយកចិត្តទុកដាក់ពិនិត្យទៅលើស្ថានភាពកំពុងកើត ទាំងទៅលើអ្នកទៅលក់ និងអ្នកដែលចូលទិញក្នុងផ្សារ។

សម្តេចបន្តថា គិតត្រឹមម៉ោងប៉ុណ្ណេះមាន៤៩នាក់ដែលឆ្លងកូវីដ១៩ អាចនៅមានអ្នកឆ្លងច្រើននាក់ទៀតដោយសារតែម៉ាស៊ីននៅវិទ្យាស្ថានប៉ាស្ទ័រកំពុងតែដំណើរការ ម៉ាស៊ីននៅវិទ្យាស្ថានសុខភាពសាធារណៈក៏កំពុងដំណើរការ។ ដូច្នេះសភាពការណ៍នេះចាត់ទុកភាពធ្ងន់ធ្ងរមួយ។

សម្តេចបានផ្ញើសារអំពាវនាវនិងបទបញ្ជាដល់ស្ថាប័នរដ្ឋាភិបាល សូមផ្អាកការងារបណ្ដោះអាសន្នយ៉ាងតិច ០៧ ថ្ងៃ និងតម្រូវមានមនុស្សតិចតួចបំផុតប្រចាំការ ដោយសារជំងឺនេះបានរាលដាលដល់ជួរមន្រ្តីនគរបាល សិល្បៈករសិល្បការិនីមួយចំនួន។

សម្តេចថ្លែងជុំវិញការបិទខេត្តព្រៃវែង ដោយសារមានពាក់ព័ន្ធគ្រូពេទ្យព្យាបាលជំងឺម្នាក់ ដោយសុំឲ្យអភិបាលខេត្តព្រៃវែងពិនិត្យអំពីស្ថានភាពនៅតំបន់កើតហេតុ តើគប្បីត្រូវបិទសាលារៀននៅក្នុងតំបន់នោះឬទេ ឬត្រូវបិទយ៉ាងណានៅក្នុងតំបន់នោះ។

ដោយសារស្ថានភាពមិនអាចប្រមាថបាន សម្តេចក៏សូមឱ្យបងប្អូនប្រជាពលរដ្ឋយកចិត្តទុកដាក់ បង្កើនស្មារតីប្រយ័ត្នជាប់ជានិច្ចទោះបី ជំងឺនេះកើតហើយវាមិនទាន់ស្លាប់ភ្លាមៗប៉ុន្តែក្នុងករណីដែលវាកើតហើយនោះ យើងមិនដឹងថាតើវាបំផ្លាញយើងដល់កម្រិតណានោះទេ ។ ការពារកុំឲ្យកើតជំងឺ គឺជារឿងល្អបំផុត៕

អត្ថបទ៖ ណារី

Related Topics: