ព័ត៌មានអន្ដរជាតិ

ការស្រាវជ្រាវ៖ ថ្នាំអាស្ពីរីនកម្រិតទាប អាចកាត់បន្ថយហានិភ័យ មិនឱ្យអ្នកជំងឺកូវីដឈឺធ្ងន់ឬស្លាប់បាន

បានផុស

៥ years មុន

នៅ

ថ្ងៃពុធ ២៤ មីនា ២០២១

ដោយ

Sonya

ការស្រាវជ្រាវថ្មីមួយបង្ហាញថា ការប្រើថ្នាំអាស្ពីរីនអាចបន្ថយហានិភ័យនៃអ្នកជំងឺ COVID-19 មិនឱ្យធ្លាក់ខ្លួនកាន់តែធ្ងន់ធ្ងរឬស្លាប់បាន។

ក្រុមអ្នកស្រាវជ្រាវបានរកឃើញថា ថ្នាំគ្រាប់ក្នុងកម្រិតទាបប្រចាំថ្ងៃអាចជួយកាត់បន្ថយអត្រាប្រើបំពង់អុកស៊ីហ្សែន ឬចៀសបានការចូលក្នុងបន្ទប់ ICU រហូតដល់ជាង ៤០ ភាគរយ។

Those given the drug were 43% less likely to be admitted to the ICU and 44% less likely to need ventilators (file image)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៅទៀតវាកាត់បន្ថយហានិភ័យនៃការស្លាប់ពីការឆ្លងបានជិតពាក់កណ្តាល បើប្រៀបធៀបនឹងមនុស្សដែលមិនបានប្រើថ្នាំ។

ក្រុមដែលដឹកនាំដោយសាលាវេជ្ជសាស្រ្តនៃសាកលវិទ្យាល័យ ចច វ៉ាស៊ីនតោន (George Washington) សហរដ្ឋអាមេរិក និយាយថា ការស្រាវជ្រាវបង្ហាញថា ថ្នាំអាស្ពីរីនអាចជាការព្យាបាលលឿន ងាយស្រួល និងថោកជាងថ្នាំដទៃទៀត។

ដោយឡែក លោកវេជ្ជបណ្ឌិត Jonathan Chow មានប្រសាសន៍ថា “មូលហេតុដែលយើងចាប់ផ្តើមប្រើថ្នាំអាស្ពីរីនជាមួយអ្នកជំងឺកូវីដ-១៩ ដោយសារតែអ្នកជំងឺភាគច្រើននឹងចាប់ផ្តើមមានផលវិបាកនៃការថប់ដង្ហើមនៅរដូវក្ដៅ”។

Low-dose aspirin reduces risk of ICU admission and death of Covid-19 - CNN

ស្របពេលគ្នាដែរ ក្រុមអ្នកជំនាញជឿជាក់ថា សមត្ថភាពរបស់ថ្នាំអាស្ពីរីនក្នុងការការពារការកកឈាមអាចមានអត្ថប្រយោជន៍ចំពោះអ្នកជំងឺកូវីដ។

ការស្រាវជ្រាវដែលចុះផ្សាយនៅក្នុងទិនានុប្បវត្តិ Anesthesia & Analgesia បានធ្វើឡើងចំពោះអ្នកជំងឺ COVID-19 ចំនួន ៤១២ នាក់ដែលចូលមន្ទីរពេទ្យនៅសហរដ្ឋអាមេរិកចន្លោះខែមីនា ២០២០ និងខែកក្កដា ឆ្នាំ ២០២០។ ក្នុងនោះអ្នកជំងឺ ៣១៤ នាក់ (៧៦,៣%) មិនបានទទួលថ្នាំអាស្ពីរីន រីឯអ្នកជំងឺ ៩៨ នាក់ (២៣,៧ ) ទៀតដែលនៅសល់ បានទទួលថ្នាំក្នុងរយៈពេល ២៤ ម៉ោងបន្ទាប់ពីចូលសម្រាកព្យាបាល។