Connect with us

KPT+

នាង មុនីច័ន្ទ ៖ មូលហេតុធំ ៣ ដែល​ធ្វើ​ឲ្យ​ខ្ញុំ​សម្រេចចិត្ត​ចូល ជាសមាជិក MST

បានផុស

នៅ

មូលហេតុ​ដែល​ធ្វើ​ឲ្យ​ខ្ញុំ​សម្រេចចិត្ត​ចូល MST គឺ​ចាប់ផ្ដើម​នៅ​ពេល​ដែល​ខ្ញុំ​បាន​ទៅ​ចូលរួម​កម្មវិធី​សម្ពោធ​សៀវភៅ ” ស្ទូឌីយ៉ោ 7 ″ របស់អ្នកគ្រូ ម៉ីសន សុធារី ដែលចេញផ្សាយដោយតម្រា។ ពេល​នោះ​គឺ​ជា​ពេល​ដែល​ខ្ញុំ​បាន​ជួប​អ្នកគ្រូ​ផ្ទាល់ដំបូង ហើយក៏បានជួបជាមួយនឹងមនុស្សល្អៗជាច្រើន ដែលសុទ្ធតែជាអ្នកចូលចិត្តអានសៀវភៅដូចគ្នា។ នៅពេលដែលខ្ញុំត្រឡប់មកពីកម្មវិធីវិញ ខ្ញុំ​ក៏​បាន​ស្គាល់​ផេក​មួយ​នៅ​លើ​ហ្វេសប៊ុក​មានឈ្មោះថា “ MST ហ្វេនផេក” ។ ពួកគាត់បានផុសប្រកាសស្វែងរកអ្នកដែលមានចំណាប់អារម្មណ៍ចូលរួមជាសមាជិកក្នុង MST ហ្វេនក្លឹប។ ពេលនោះ ខ្ញុំក៏មិនបានបណ្តោយឲ្យឱកាសខកខានឡើយ ព្រោះខ្ញុំជាហ្វេនអ្នកគ្រូមកជាយូរហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្ញុំស្គាល់អ្នកគ្រូដំបូងតាមរយៈវេបសាយសប្បាយ ហើយត្រឹមតែដឹងថា ប៉ាកកាអ្នកគ្រូមានឈ្មោះ ពេជ្របណ្ឌិត ព្រោះកាលនោះគឺខ្ញុំអានរឿងបែបរន្ធត់របស់អ្នកគ្រូ។ បន្ទាប់មក ខ្ញុំ​ក៏​បាន​ទិញ​សៀវភៅ”ថ្ងៃមុនស្អប់ ថ្ងៃនេះ​ស្រលាញ់​” មកអាន​ហើយក៏ជក់ចិត្តដក់ជាប់អារម្មណ៍នៅសាច់រឿង​ដែល​មាន​លក្ខណៈ​ទាក់ទាញ​និង​ប្លែកម្យ៉ាង ដែល​ធ្វើ​ឲ្យ​ខ្ញុំ​អាន​ហើយស្រឡាញ់ស្នាដៃ​ប្រលោមលោក​បែប​ខ្មែរ​មួយនេះយ៉ាងខ្លាំង។

លើសពីនេះ ខ្ញុំក៏បានដឹងថាអ្នកគ្រូ ម៉ីសន សុធារី មានប៉ាកកាពីរទៀតគឺ ពេជ្របណ្ឌិត និង សុភាប្រុស តាម​ពិត​ជា​មនុស្ស​តែ​មួយសោះ។

បន្តមកពេលដែលខ្ញុំចាប់យកឱកាសជាសមាជិកMSTវិញ គឺ​មូលហេតុពេលនោះ​ដើម្បី​ស្គាល់​មនុស្ស​ថ្មីៗ​ដែលមានចំណង់ចំណូលចិត្តដូចខ្ញុំគឺការអានសៀភៅ ជាពិសេស​មាននិមិត្តរូបអ្នក​និពន្ធ​ដូចគ្នា​គឺ អ្នកគ្រូ ម៉ីសន សុធារី។

នៅពេលដែលខ្ញុំបានចូលជាផ្នែកតូចមួយនៃគ្រួសារ MST ហើយ ទើប​ខ្ញុំ​បាន​យល់ថាការ​សម្រេចចិត្ត​របស់​ខ្ញុំ​ពិតជាល្អមែន នេះជា​ឱកាស​ពិសេស។ ខ្ញុំបាន​ជួបមនុស្សល្អៗ​ដែល​នាំ​មក​នូវ​តែ​ភាព​សប្បាយ រីករាយ ស្នាមញញឹម​និង​ការ​ទទួលយក​ពេញ​ប្រៀប​បេះដូង។សមាជិក​ម្នាក់ៗសុទ្ធតែ​បាន​​បង្រៀន​នូវ​មេរៀនល្អៗ ដំបូន្មាន​និង​ការ​ចែករំលែក​ជា​គ្រួសារ​តែ​មួយ។

ខ្ញុំក៏បាន​រៀនពី​អ្នកគ្រូ​ច្រើន នៅពេល​ដែលចូលរួម​ជំនួប​អ្នកអានប្រចាំខែ។លើស​ពី​នេះ ខ្ញុំ​ក៏​បាន​រៀន​ពី​សៀវភៅ​របស់អ្នកគ្រូ វីដេអូ​ឆ្លើយតប​នឹងបញ្ហាផ្សេងៗ​ដែល​មាន​អ្នក​គាំទ្រ​បានសួរ និង​ផុសពាក្យពេចន៍​លើកទឹកចិត្ត​និង​បង្រៀន​នៅលើផេករបស់អ្នកគ្រូផងដែរ។មិន​ត្រឹម​តែប៉ុណ្ណោះ នៅក្នុងក្រុមMSTគឺមានគោលបំណងធំៗ៣គឺ៖ ទីមួយ ចូលរួម​លើកកម្ពស់​វិស័យ​អំណាន​នៅ​កម្ពុជា។ទីពីរ ចូលរួម​គាំទ្រ​ស្នាដៃ​អ្នក​និពន្ធ​ក្នុងស្រុក និង​ទីបី ចូលរួម​សកម្មភាព​សប្បុរសធម៌​នៅ​ក្នុង​សង្គម។តាមរយៈគោលបំណងទាំង៣នេះ បាន​បង្រៀន​ឲ្យ​ពួកយើង​ធ្វើ​ការងារ​ជា​ក្រុម ដែល​មាន​ភាព​សាមគ្គី ការ​ចែករំលែក​ក្តី​ស្រឡាញ់ ចំណេះដឹង បទពិសោធន៍ និង​ការ​ចូលរួម​បង្កើត​អ្វី​ថ្មីៗ​ដើម្បី​គាំទ្រ​និង​លើកស្ទួយ​សិល្បៈ​អក្សរសិល្ប៍​ខ្មែរ៕

អត្ថបទ៖ សាង ស្រីល័ក្ខ

ចុចអាន៖អ្នកនិពន្ធវ័យក្មេងមានស្នាដៃប្រមូលផ្ដុំគ្នានៅ “ទសប៉ាកកា”

ចុចអាន៖អ្នកនិពន្ធវ័យក្មេងមានស្នាដៃប្រមូលផ្ដុំគ្នានៅ “ទសប៉ាកកា”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម