ឈ្មោះ​ព្រះចន្ទ​ពេញ​បូណ៌មី​តាម​ខែ​នីមួយៗ​​ ដែល​មនុស្ស​ភាគច្រើន​មិន​ធ្លាប់​បាន​ដឹង
Connect with us
Helistar Cambodia - Helicopter Charter Services

KPT+

ឈ្មោះ​ព្រះចន្ទ​ពេញ​បូណ៌មី​តាម​ខែ​នីមួយៗ​​ ដែល​មនុស្ស​ភាគច្រើន​មិន​ធ្លាប់​បាន​ដឹង

Published

on

ខ្មែរយើងមិនសូវបានដឹងពីឈ្មោះពិតរបស់ព្រះចន្ទពេញវង់តាមខែនីមួយៗប៉ុន្មានទេ ដោយ​ភាគច្រើន​និយមហៅ ព្រះចន្ទ​ពេញបូណ៌មី ឬ​ព្រះ​ខែ​ខ្នើត​ជាដើម។

យ៉ាងណាមិញ ពួកកុលសម្ព័ន្ធដើមអាមេរិកាំង និងប៉ែកខាងអឺរ៉ុប បាន​តាមដាន​រដូវកាល​នីមួយៗក្នុងមួយឆ្នាំៗ ហើយ​ឲ្យឈ្មោះ​ប្លែកៗគ្នា​ដល់​ព្រះចន្ទ​ពេញវង់​តាម​ខែ​របស់​វា​ខុសពី​យើង​ធ្លាប់ប្រើ។

ខាងក្រោមនេះជាឈ្មោះព្រះចន្ទពេញវង់ទាំង ១២ ខែ៖

ព្រះចន្ទឆ្កែ​ចចក (Full Wolf Moon) – កើតឡើងក្នុងខែមករា ដែល​កំណើតរបស់វា​កើតចំ​ពេល​មាន​ពពក​ក្រាស់ មេឃត្រជាក់ខ្លាំង នាពាក់កណ្តាលរដូវត្រជាក់ ស្របពេល​ដែលឆ្កែចចក​លូទ្រហឹង​ពេញព្រៃ។ ឈ្មោះនេះក៏ត្រូវគេហៅផ្សេងទៀតដូចជា ព្រះចន្ទពេញវង់ខែ​មករា (January’s full Moon) ឬ ជួនកាល​គេ​ហៅ ព្រះចន្ទ​ចាស់ ឬព្រះចន្ទ​ព្រិល។

ព្រះចន្ទព្រិលធ្លាក់ (Full Snow Moon) – កើតឡើងក្​នុងខែកុម្ភៈ រាប់ចាប់ពី​មាន​ព្រិល​ធ្លាក់​ខ្លាំងមក។ ជា​ធម្មតា កុលសម្ព័ន្ធ​នៅ​ភាគខាងជើង​និង​ខាងកើតហៅវាថា ព្រះចន្ទ​ពេញវង់​នៃ​ខែ​កុម្ភៈ ឬ​ព្រះចន្ទពេញវង់នារដូវព្រិល ។ រីឯកុលសម្ព័ន្ធខ្លះហៅព្រះចន្ទនេះថា ជាព្រះចន្ទពេញវង់​នៃ​ភាព​អត់ឃ្លាន ព្រោះលក្ខខណ្ឌអាកាសធាតុត្រជាក់​នៅ​ក្នុង​តំបន់​ផ្សេងៗ​នៃ​រដូវនេះ ធ្វើ​ឲ្យ​ពួកគេ​ពិបាកបរបាញ់​និង​រកអាហារ។

ព្រះចន្ទកំណើតដង្កូវ​ (Full Worm Moon) – កើតឡើងក្នុងខែមីនា នៅពេល​ដែល​សីតុណ្ហភាពចាប់ផ្តើមក្តៅ ហើយពពួក​ដង្កូវកើតឡើង​ព្រមជាមួយពពួក​សត្វស្លាប​មួយ​ចំនួនដែរ។ កុលសម្ព័ន្ធ​ភាគ​ខាងជើង​ឲ្យ​ឈ្មោះព្រះចន្ទនេះថា ព្រះចន្ទពេញវង់នៃសត្វក្អែក ព្រោះ​ជា​ពេល​ដែល​សត្វក្អែកចូលមកបញ្ចប់រដូវរងារ។ គេអាច​ហៅម្យ៉ាងទៀតថា ព្រះចន្ទ​ពេញវង់​ក្រៀម​ ព្រោះ​ព្រិល​ប្រែ​ជា​រលាយ​ពេលថ្ងៃ និង​កក​នៅ​ពេលយប់ និង​វាក៏ជាពេល​ព្រះចន្ទ​ពេញ​វង់​ចុងក្រោយ​នារដូវត្រជាក់​ផងដែរ។

ព្រះចន្ទ​ពណ៌ផ្កាឈូក (Full Pink Moon) – កើតឡើងក្នុងខែមេសា ដោយ​ឈ្មោះនេះបានមកពីប្រទាលស្លែពណ៌ផ្កាឈូកម្យ៉ាងដែលបានរីកដំបូងគេនានិទាឃរដូវ។ ឈ្មោះផ្សេងទៀតនៃព្រះចន្ទនេះរួមមាន Full Sprouting Grass Moon ឬ Egg Moon ឬ Full Fish Moon ពីព្រោះរដូវនេះ​ជា​ពេលវេលា​ដែល​ត្រីពង។

ព្រះចន្ទ​រដូវផ្កា(Full Flower Moon) – កើតឡើង​ក្នុងខែ​ឧសភា ដែលជា​ពេល​មាន​ផ្ការីក​ស្គុះស្គាយ​នៅគ្រប់ស្ទើរគ្រប់តំបន់​ទូទាំង​ពិភពលោក។ ឈ្មោះ​ផ្សេង​ទៀត​របស់​ព្រះចន្ទ​នេះ​មាន​ដូចជា ព្រះចន្ទ Corn Planting ឬ ព្រះចន្ទ​ទឹកដោះគោ (Milk Moon) ។

ព្រះចន្ទស្ត្រប៊ឺរី(Full Strawberry Moon) – កើតឡើងក្នុងខែមិថុនា ដែល​ឈ្មោះនេះ​បាន​មក​ពី​កុលសម្ព័ន្ធអាល់ហ្គូគីន Algonquin។ ដោយសាររៀងរាលឆ្នាំខែនេះ ជារដូវ​ប្រមូល​ផលផ្លែស្ត្របឺរី ទើប​គេហៅឈ្មោះវាថា ព្រះចន្ទ​ស្ត្រប៊ឺរី ។  ប៉ុន្តែ​នៅក្នុងទ្វីបអឺរ៉ុបគេហៅវាថា ព្រះចន្ទ​ផ្កាកុលាប។

ព្រះចន្ទសត្វប្រើស (The Full Buck Moon )- កើតឡើងក្នុងខែកក្កដា ដែល​ជា​ខែ​សម្រាប់​អ្នក​បរបាញ់​បុរាណ​ប្រមាញ់​ពពួក​សត្វក្តាន់ ប្រើស​ ឈ្លូស និងរមាំងដើម្បីយកស្នែង រោម និង​ស្បែក​របស់វា។ ជារឿយៗ​វា​ត្រូវ​បានគេហៅ ព្រះចន្ទរន្ទះ ច្រើនជាង ព្រោះក្នុង​អំឡុងខែនេះ​មាន​ព្យុះ​ផ្គររន្ទះ​កើតឡើង​ញឹកញាប់​បំផុត។ រីឯឈ្មោះមួយទៀតសម្រាប់​ព្រះចន្ទ​មួយ​នេះ គឺ​ព្រះចន្ទ Hay។

ព្រះចន្ទត្រី Sturgeon(Full Sturgeon Moon) – កើតឡើងក្នុងខែសីហា រាប់តាំង​ពី​កុលសម្ព័ន្ធ​បុរាណ​ធ្វើ​នេសាទចាប់បានត្រី Sturgeon ជាត្រីធំមួយនៃបឹង Great Lakes និង​ត្រីដទៃ​ទៀត​ដែល​ត្រូវ​ចាប់​បាន​ច្រើន​បំផុតនៅក្នុងខែនេះ។ កុលសម្ព័ន្ធ​មួយ​ចំនួន​បាន​ឲ្យ​ឈ្មោះ​ថា ព្រះចន្ទ​ពេញ​វង់​ក្រហម ពីព្រោះ​នៅពេលដែលព្រះចន្ទរះឡើង វាលេចចេញជាពណ៌​ក្រហមតាមរយៈអ័ព្ទ។ ក្រៅពីនោះ​គេហៅវាថា ព្រះចន្ទ Green Corn ឬ ព្រះចន្ទ Grain ។

ព្រះចន្ទផ្លែពោត(Full Corn Moon or Full Harvest Moon) – កើតឡើងក្នុងខែកញ្ញា ជាឈ្មោះដែលបានសន្មតដោយជនជាតិដើមអាមេរិកាំង ពីព្រោះ​វាសម្គាល់នូវ​រដូវប្រមូល​ផលពោត។ ជាញឹកញាប់​ព្រះចន្ទ​ពេញវង់ខែកញ្ញា ជាព្រះចន្ទដែលកើតឡើងនៅជិតរដូវស្លឹកឈើជ្រុះ។

ព្រះចន្ទ​ប្រមូល​ផល(Full Hunter’s Moon or Full Harvest Moon) – កើតឡើងក្នុងខែតុលា ដែល​ត្រូវ​បាន​គេ​ហៅឈ្មោះផ្សេងៗដូចជា ព្រះចន្ទនៃការប្រមាញ់ ឬព្រះចន្ទឈាម ឬព្រះចន្ទ​ពណ៌​លោហិត។ កាលពីមុនជនជាតិដើមអាមេរិក បានដាក់ឈ្មោះព្រះចន្ទ​ដ៏ភ្លឺថ្លានេះដោយ​ហេតុផលថា ក្រោយ​ប្រមូល​ផល​សត្វព្រៃ​ចេញ​មក​រកអាហារស៊ី និងរកទុកសម្រាប់រដូវរងារ។

ព្រះចន្ទសត្វ Beaver (Full Beaver Moon ) – កើតឡើងក្នុងខែវិច្ឆិកា ដែលជាពេលវេលា​សម្រាប់​អ្នក​តម្បាញ​ដាក់អន្ទាក់ចាប់​សត្វចតុប្បាទម្យ៉ាងឈ្មោះ beaver  ដើម្បី​យករោម​របស់វា​មកត្បាញ​សម្លៀកបំពាក់​សម្រាប់​ត្រៀម​ក្នុងរដូវរងារ។ ពេលខ្លះ​ព្រះចន្ទនេះក៏ត្រូវបានគេហៅថា ព្រះចន្ទ  Frosty។

ព្រះចន្ទត្រជាក់ ឬព្រះចន្ទយប់យូរ(The Full Cold Moon or the Full Long Night’s Moon) – កើតឡើងក្នុងខែធ្នូ ដែលឈ្មោះនេះ កើតឡើង​ដោយសារ​ខែធ្នូជា​ខែរងារ​និង​ត្រជាក់​ខ្លាំង​ជាង​គេ ហើយ​ក៏មានពេល​យប់វែងបំផុតនិង​ងងឹត​បំផុត​ផង​ដែរ៕

ប្រែសម្រួល៖ សន្យា

ប្រភព៖  farmersalmanac

ចុចអាន៖ម៉េចបាន iPhone មិនពេញនិយមសោះនៅឥណ្ឌា?

ចុចអាន៖ធ្វើរបៀបណាទទួលបានការឱ្យតម្លៃក្នុងសង្គមកាន់តែច្រើនឡើង

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 hours ago

ពីក្រោយ​រឿង​ប្លន់​ប្រដាប់​អាវុធ​មួយ​លាន​ដុល្លារ និង​តម្រុយ​ថ្មីៗ​ (វីដេអូ)

ព័ត៌មានអន្ដរជាតិ4 hours ago

ចិន​នឹង​ចេញ​ផ្សាយ​របាយការណ៍​ស្តីពី​ការ​រំលោភ​សិទ្ធិ​មនុស្ស​នៅ​អាមេរិក

ព័ត៌មានជាតិ5 hours ago

អភិបាល​រាជធានី ឧបត្ថម្ភ​ថ​វិកា​​២០លានរៀលដល់​កម្លាំង​អាវុធហត្ថ ក្នុង​ព្រឹត្តិការ​ណ៏​បង្ក្រាប​ក្រុម​ឧក្រិដ្ឋជន នៅ​បុរី​អង្គរ​ភ្នំពេញ​

ព័ត៌មានជាតិ5 hours ago

ចប់​ហើយ ! តុលាការ​កាត់ទោស សម រ​ង្ស៉ី ដាក់​នាគារ​២៥​ឆ្នាំ និង​ដកហូត​សិទ្ធិ​បោះឆ្នោត សិទ្ធិ​ឈរឈ្មោះ​

ព័ត៌មានជាតិ5 hours ago

ស្ទឹង​មង្គល​បូរី នៅខេត្ត​បន្ទាយ​មានជ័យ​ នៅរដូវ​ប្រាំង​នេះ​ រីង​ស្ងួត​គ្មានទឹក​សូម្បីមួយតំណក់

Sokha Hotels

ព័ត៌មានពេញនិយម

Helistar Cambodia - Helicopter Charter Services