KPT+

អ្នកចូលចិត្តពិសាតែខ្មៅ កុំបោះចោលកាក អាចមានប្រយោជន៍ច្រើន ដែលយើងអត់ដឹង

បានផុស

២ years មុន

នៅ

ថ្ងៃអង្គារ ២៩ មីនា ២០២២

ដោយ

តែខ្មៅគឺជាតែមួយផ្សេងទៀត ដែលប្រជាជនជប៉ុននិយមទទួលទានក្នុងជីវិតប្រចាំថ្ងៃ ។ ទន្ទឹមនោះ តែខ្មៅក៏សម្បូរទៅដោយសារធាតុសំខាន់ៗ ដែលមានតម្លៃសម្រាប់ភាពស្រស់ស្អាតចេញពីខាងក្នុង ដូចជា ជួយសម្រកទម្ងន់ ការពារការទល់លាមក ហើយប្រើដើម្បីការពារក្លិនមាត់ ព្រោះវាសម្បូរទៅដោយសារធាតុ catechins ដែលមានលក្ខណៈសម្បត្តិសម្លាប់មេរោគតាមមាត់ផងដែរ។ លើសពីនេះ កាកសំណល់តែ មិនគួរបោះចោលឡើយ ព្រោះវាមានអត្ថប្រយោជន៍ជាច្រើន ដែលយើងមិនដឹងសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ប្រើជាទឹកខ្ពុរមាត់សម្រាប់ឈឺបំពង់ក Catechin និង Theaflavin ដែលមាននៅក្នុងស្លឹកតែ មានលក្ខណៈសម្បត្តិប្រឆាំងនឹងបាក់តេរី ដែលជួយការពារជាលិការ mucous នៅក្នុងបំពង់ក និងបំបាត់ការឈឺបំពង់ក។

វិធីធ្វើ៖ ដាំទឹកឲ្យពុះ ទុកវាចោលសិន បន្ទាប់មកច្របាច់កាកសំណល់តែ ហើយទុកវាឲ្យត្រជាក់ បន្ទាប់មកខ្ពុរមាត់ធ្វើម្តង ៣-៥ដងក្នុងមួយថ្ងៃ រយៈពេល២-៣ថ្ងៃ អាការឈឺបំពង់ក នឹងបាត់ឯងមិនខាន។

២ ប្រើបំបាត់ក្លិនដែលមិនចង់បាន កាកសំណល់តែ មានសមត្ថភាពស្រូបយកក្លិនដូចជានៅក្នុងទូទឹកកក បង្គន់ និងកន្លែងទុកស្បែកជើងជាដើម។

វិធីធ្វើ៖ យកតែខ្មៅឬកាក់តែផ្សេងៗតាមចិត្ត ហាលឲ្យស្ងួតក្រោមពន្លឺថ្ងៃ។ បន្ទាប់មកដាក់ក្នុងថង់ដែលខ្យល់អាចចេញចូលបាន ហើយដាក់វានៅកន្លែងដែលមានក្លិនមិនល្អ។ ប្រសិទ្ធភាពនៃការប្រើប្រាស់អាចមានរយៈពេលរហូតដល់ ២ សប្ដាហ៍ បន្ទាប់មកកាកសំណល់តែចាស់ត្រូវបោះចោល ហើយជំនួសដោយកាកសំណល់តែដែលបានរៀបចំថ្មីៗវិញ។

៣ ប្រើជាជីសម្រាប់រុក្ខជាតិផ្សេងៗ កាកសំណល់តែ អាចបំបែកបានយ៉ាងងាយព្រោះវាឆ្លងកាត់ការ fermentation ។ ដូច្នេះអាចប្រើដើម្បីកែលម្អដី លើសពីនេះ ក្លិនឈ្ងុយរបស់តែនឹងជួយបណ្ដេញសត្វល្អិតផងដែរ។

វិធីធ្វើ៖ យកស្លឹកតែស្ងួតហាន់ជាបន្ទះៗ ឬកិន។ ប្រោះលើដីដែលប្រើសម្រាប់ដាំបន្លែ ហើយគ្របដោយស្រទាប់ដីមួយទៀត កាកសំណល់តែក្លាយទៅជាជី និងជួយបណ្តេញសត្វល្អិតសម្រាប់បន្លែ