Connect with us

KPT+

ឱកាសសិក្សា របាំបុរាណ របាំប្រពៃណី ល្ខោនខោល ដោយឥតបង់ថ្លៃ ពីសាលាមធ្យមវិចិត្រសិល្បៈ

បានផុស

នៅ

ឱកាសពិសេសសម្រាប់ប្អូនៗកុមារ ស្រឡាញ់ និងទន្ទឹងរង់ចាំ ចង់ចេះជំនាញសិល្បៈវប្បធម៌ពិតប្រាកដ ដូចជា របាំបុរាណ របាំប្រពៃណី ល្ខោនខោល បានមកដល់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាលាមធ្យមវិចិត្រសិល្បៈ នៅព្រឹកថ្ងៃទី១៩ ខែកញ្ញានេះ បានឱ្យដឹងថា សាលានឹងប្រឡងជ្រើសរើសសិស្សចូលរៀនដោយឥតបង់ថ្លៃ សម្រាប់ឆ្នាំសិក្សា ២០២២-២០២៣ ដោយនឹងចែកពាក្យ និងទទួលពាក្យសុំចូលរៀន ចាប់ពីថ្ងៃជូនដំណឹងនេះ រហូតដល់ថ្ងៃ១៥ ខែធ្នូ ឆ្នាំ២០២២។

រយៈពេលសិក្សា ការសិក្សានៅសាលាមធ្យមសិល្បៈមានរយៈពេល ២ ខុសគ្នា ដោយផ្នែកឯកទេសល្ខោនខោល និងរបាំក្បាច់បុរាណ ត្រូវរៀនរយៈពេល ៩ ឆ្នាំ គឺចាប់ពីថ្នាក់ថ្នាលទី១ រហូតដល់ថ្នាក់ឆ្នាំទី៦ ហើយបើគិតពីកម្រិតថ្នាក់សិក្សានៃចំណេះដឹងទូទៅ គឺពីថ្នាក់ទី៤ រហូតដល់ថ្នាក់ទី១២។

រីឯឯកទេសផ្នែករបាំប្រពៃណីត្រូវរៀនរយៈពេល ៧ ឆ្នាំ គឺចាប់ពីថ្នាក់ថ្នាលទី៣ រហូតដល់រហូតដល់ថ្នាក់ឆ្នាំទី៦ ហើយបើគិតពីកម្រិតថ្នាក់សិក្សានៃចំណេះដឹងទូទៅ គឺពីថ្នាក់ទី៦ រហូតដល់ថ្នាក់ទី១២។

សម្រាប់ព័ត៌មានបន្ថែម សូមទាក់ទងការិយាល័យសិក្សាសាលាមធ្យមវិចិត្រសិល្បៈ (បឹងបាយ៉ាប) អាសយដ្ឋាន វិថីបណ្ឌិតម៉ុងឬទ្ធី (១៩២៨) ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

Map: https://goo.gl/maps/pjvzqiFRK9qLUSo17

លេខទូរស័ព្ទ៖ ០១២ ៦៣៩ ៨៩៣ (រឺ តេឡេក្រាម), ០៩៦ ៥៦៨ ៣៤៥២ ឬ ០៨៦ ៣៥៥ ២៦៥។

Facebook: https://fb.com/school.fine.arts.kh

Telegram: https://t.me/SecondarySchoolOfFineArts

គួរបញ្ជាក់ថា ដោយទទួលបានការអនុញ្ញាតពីថ្នាក់ដឹកនាំក្រសួងវប្បធម៌ និងវិចិត្រសិល្បៈ កាលពីរាត្រីថ្ងៃទី១៧ ខែកញ្ញា ឆ្នាំ២០២២ ចុងសប្ដាហ៍កន្លងទៅនេះ សាលាមធ្យមវិចិត្រសិល្បៈ បានសហការជាមួយ យុវជនល្ខោនកម្ពុជា រៀបចំការសម្តែងសិល្បៈទស្សនីយភាព “សិល្បៈនារដូវវស្សា” លើកទី២ ជូនសាធារណៈជនទស្សនាដោយមិនគិតថ្លៃសំបុត្រ និងទទួលបានការគាំទ្រនឹកស្មានមិនដល់ ដោយសំបុត្របានចែកអស់ត្រឹមតែ១ពេល មុនសម្ដែង១សប្ដាហ៍៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម