KPT+

មុនពេលប្រើសម្លៀកបំពាក់ពណ៌ក្រហម នារីៗគួរអានអត្ថបទនេះសិន

បានផុស

២ years មុន

នៅ

ថ្ងៃពុធ ២៨ តុលា ២០២០

ដោយ

Sonya

គេហទំព័រ psychologytoday បានវិភាគនៅក្នុងអត្ថបទមួយថា នារីដែលស្លៀកពណ៌ក្រហម រមែងទទួលបានការយកចិត្តទុកដាក់ពីភ្នែកអ្នកផងជាងពណ៌ធម្មតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉្លោះហើយ ពេលនាងជ្រើសរើសស្លៀកពាក់ពណ៌នេះ ការសិក្សាស្រាវជ្រាវបង្ហាញថា មិនត្រឹមតែប៉ះពាល់ដល់របៀបដែលអ្នកដទៃមើលមកយើងប៉ុណ្ណោះទេ ថែមទំាងមានឥទ្ធិពលទៅលើរបៀបដែលពួកគេបកស្រាយអំពីយើង។

មិនខ្វល់ថាគេគិតបែបណា?

អូខេ! តែបើអ្នកនៅអានគឺអ្នកនៅខ្វល់នៅឡើយ។

អ្នកស្រាវជ្រាវទទួលស្គាល់យ៉ាងទូលំទូលាយថា ពណ៌មានឥទ្ធិពលយ៉ាងខ្លាំងទៅលើកាវាយតម្លៃ ចរិតមនុស្ស វាក៏ប៉ះពាល់និងឥរិយាបទព្រមទំាងអារម្មណ៍ ដូច្នេះហើយបានជារៀបចំពិធីនានា ពណ៌ បានដើរតួនាទីយ៉ាងសំខាន់។

ពួកគេក៏បានកត់សម្គាល់ថែមទៀតដែរថា ពណ៌ក្រហមមានឥទ្ធិពលពិសេសវាទៅលើមនុស្សដោយនៅពេលឃើញក្រហមគឺយើងត្រូវបាន ទាក់ទាញភ្លាមឱ្យសំចតមើលសិន រហូតដល់មាន បុរសខ្លះយល់់ថា ដែលនិយមប្រើសម្លៀកបំពាក់ពណ៌ក្រហម គឺដើម្បីឱ្យមានភាពទាក់ទាញខាងភេទ។

ការសិក្សាមួយទៀតបានបង្ហាញថា នារីបម្រើការដែលពាក់អាវយឺតពណ៌ក្រហម ផ្ទុយពីពណ៌ផ្សេងទៀត រមែងតែងទទួលបានជំនួយជាច្រើន ប៉ុន្តែជំនួយទំាងនោះបានតែខាងពីបុរសប៉ុណ្ណោះ។

ទោះបីជាយ៉ាងណាក្តី ការស្រាវជ្រាវនាពេលថ្មីៗនេះ ហាក់បរាជ័យក្នុងការភ្ជាប់រឿងចំណង់ភេទទៅនឹងពណ៌ក្រហម។ ការសិក្សាដោយ Peperkoorn et al នៅឆ្នាំ ២០១៨បានបរាជ័យក្នុងការស្វែងរកទំនាក់ទំនងរវាងចំណង់ចំណូលចិត្តផ្លូវភេទក្នុងចំណោមបុរសនៅពេលនារីស្លៀកពណ៌ក្រហម សឬខ្មៅ។ ទំនងមកពីបរិយាកាសសង្គមប្តូរ គេបានចម្លើយមកវិញថា វាមិនអាស្រ័យពណ៌ទេ ពណ៌អ្វីក្តី បៃតង លឿង ខៀវ វាមានឥទ្ធិពលជុំរុញទឹកចិត្តទំាងអស់ពេលដែលវាប្រើត្រូវមនុស្ស។

ទោះបីយ៉ាងណា អ្នកយល់យ៉ាងដូចម្តេច ចំពោះបុរសក្នុងវប្បធម៌ខ្លះដែលបានសន្មតថា នារីណាស្លៀកពាក់ក្រហមមានចេតនាផ្លូវភេទខ្ពស់ជាងនារីដែលស្លៀកប្រផេះឬខៀវ?

ប្រែសម្រួល៖ ចម្រើន តារា

ចុចអាន៖ អ្នកច្នៃម៉ូដដ៏ជោគជ័យដែលធ្លាប់មានងារជាព្រះនាង

ចុចអាន៖ ហេតុផលដែលគេចូលចិត្តស្លៀកបែបនេះថតពេលទៅសមុទ្រ